រាជធានីភ្នំពេញ ៖ នេះជាលើកទី៤ហើយ ដែលសមត្ថកិច្ចចម្រុះចុះបញ្ឈប់ទីតាំងជួសជុលរថយន្តធុនធំរបស់លោកឆាយ ឈាន ដែលគាត់នៅតែរឹងរូសមិនព្រមបញ្ឈប់ តែបើមានលើកទី៥នោះនឹងរៀបចំសណុំរឿងបញ្ជូនម្ចាស់យានដ្ឋាននេះទៅតុលាការ ។
ប្រភពបន្តថា ទីតាំងជួសជុលរថយន្តធុនធំរបស់ឈ្មោះ ឆាយ ឈាន ដែលមានរឿង
អាស្រួវមិនចេះចប់នោះ សមត្ថកិច្ចចំរុះចុះបញ្ឍប់ចំនួន៤លើករួចមកហើយ មានទាំងកិច្ចសន្យារបស់រដ្ឋបាលខេត្តឲ្យបញ្ឈប់នៅតែមិនអនុវត្ត តែបើមានលើកទី៥នឹងរឹបអូសសម្ភារហើយរៀបចំសំណុំរឿងបញ្ជូនម្ចាស់យានដ្ឋាននេះទៅតុលាការ។
ការចុះបញ្ឈប់ទីតាំងជួសជុលរថយន្តធុនធំនេះ សមត្ថកិច្ចចចម្រុះបានធ្វើឡើងនៅល្ងាច ថ្ងៃទី០២ កញ្ញា ឆ្នាំ២០២០ ដែលមានទីតាំងស្ថិតផ្លូវចូលទឹកស្អាត ភូមិគោរដ្ឋាន សង្កាត់ អូរអំបិល ក្រុងសិរីសោភ័ណ ខេត្តបន្ទាយមានជ័យ ដែលដឹនាំដោយ លោក លីសារី អភិបាលរងខេត្តបន្ទាយមានជ័យ មន្ត្រីនគរបាលចរាចរណ៍ មន្ត្រីកងរាជអាវុធហត្ថ មន្ត្រីមន្ទីរសាធារណការនិងដឹកជញ្ជូន មន្ត្រីអន្តរវិស័យខេត្ត រដ្ឋបាលក្រុងសេរីសោភ័ណ រដ្ឋបាលឃុំអំបិល និងមេភូមិគោរដ្ឋានផងដែរ ។
សមត្ថកិច្ចចម្រុះបានធ្វើការអះអាងថា តាំងជួសជុលរថយន្តធុនធំរបស់ឈ្មោះឆាយ ឈាន ត្រូវបានបិទតាំងពីលើកទី០៣ជាស្ថាពរហើយ តែម្ចាស់យានដ្ឋាននេះនៅតែប្រព្រឹត្ត ហើយនៅ ថ្ងៃទី២ ខែ កញ្ញា ឆ្នាំ២០២០ នេះមន្ត្រីចម្រុះបានចុះមកបិទអាជីវកម្មនិងដាក់បញ្ញាតិតឹងរ៉ឹងតែម្តងដោយលែងយោគយល់។
លោកសារី តំណាង ឲ្យរដ្ឋបាលខេត្តមានប្រសាសន៍ប្រាប់ឲ្យដឹងថា ក្រោយពីការចុះពិនិត្យលើទីតាំងជាក់ស្ដែងរួចមក ក្រុមការងារបានសង្កេតឃើញថា នៅមានសកម្មភាពកែច្នៃ និងតម្លើងរថយន្តថ្មីចំនួន៤គ្រឿងបន្តទៀត ដែលផ្ទុយពីខ្លឹមសារនៃច្បាប់ស្ដីពីចរាចរណ៍ផ្លូវគោកទម្រង់និងមាត្រាទី៥២ បានចែងថាគ្រប់យានដ្ឋានជួសជុលយានយន្ដនិងយានដ្ឋានកែច្នៃដំឡើងយានយន្តត្រូវមានលិខិតអនុញ្ញាតឲ្យធ្វើអាជីវកម្មចេញដោយក្រសួងសាធារណការនិងដឹកជញ្ជូន ក្រសួងឧស្សាហកម្មនិងសិប្បកម្ម និងក្នុងករណីចាំបាច់ត្រូវមានការត្រួតពិនិត្យពីក្រសួងមហាផ្ទៃផងដែរ។
លោកលី សារី ក៏បានបញ្ជាក់ទៀតថា ការគ្រប់គ្រងយានយន្តជួសជុលនិងយានដ្ឋានកែច្នៃដំឡើងយានយន្តត្រូវបានកំណត់ដោយអនុក្រឹត្យ ក្រោយពីពិនិត្យរួចហើយក្រុមការងារបានបន្តសម្រេចបិទនិងបញ្ឈប់សកម្មភាពទាំងអស់ចាប់ពីថ្ងៃទី០២ ខែកញ្ញា ឆ្នាំ២០២០នេះតទៅ ។ក្នុងករណីនៅតែមានបន្តសកម្មភាពជួសជុលនិងដំឡើងកែច្នៃរថយន្តទៀតនោះនិងចាត់វិធានការតាមផ្លូវច្បាប់ជាធរមានការ។
លោកលី សារី បានបញ្ជាក់ឲ្យដឹងទៀតថា៖រដ្ឋបាលខេត្តបានសម្រេចបញ្ឈប់ការជួសជុលរបស់យានដ្ឋានលោកឆាយ ឈាន នោះគឺបន្ទាប់ពីមានឧបទ្ទហេតុជាច្រើនលើក។ក្នុងនោះឧបទ្ទហេតុចុងក្រោយមួយទៀតកាលពីល្ងាចថ្ងៃទី ២១ មីនា ឆ្នាំ២០២០ គឺរថយន្ដធំ១គ្រឿង ដែលទើបជួសជុល និងកែច្នៃរូចរបស់យានដ្ឋានរបស់ឈ្មោះ ឆាយ ឈាននេះ បានភ្លេចភ្ជាប់ឬដាច់ហ្វ្រាំងបានថយទៅបុកចំទ្វារចូលនៃបណ្ណាគារបន្ទាយស្រី បង្កខូចខាតផ្នែកខាងមុខទ្វារ កញ្ចក់និងសម្ភារះជាច្រើននិងក៏បានធ្វើឲ្យម្ចាស់បណ្ណាគារ និងបុគ្គលិកភ័យតក់ស្លុតផងដែរ៕
ចែករំលែកព័តមាននេះ