អាសូរបឹងត្របែក
បឹងត្របែកជាឃ្លាំងផ្ទុកទឹកសំអុយ ទឹកភ្លៀងកុំឱ្យជន់លិចរាជធានីភ្នំពេញ ។ ក្រុងភ្នំពេញដែលលិចទឹកគ្រប់រដូវវស្សារាល់ៗឆ្នាំ គ្រប់អាណត្តិចៅហ្វាយក្រុងកន្លងមក
បឹងត្របែកជាឃ្លាំងផ្ទុកទឹកសំអុយ ទឹកភ្លៀងកុំឱ្យជន់លិចរាជធានីភ្នំពេញ ។ ក្រុងភ្នំពេញដែលលិចទឹកគ្រប់រដូវវស្សារាល់ៗឆ្នាំ គ្រប់អាណត្តិចៅហ្វាយក្រុងកន្លងមក
បឹងត្របែកជាឃ្លាំងផ្ទុកទឹកសំអុយ ទឹកភ្លៀងកុំឱ្យជន់លិចរាជធានីភ្នំពេញ ។ ក្រុងភ្នំពេញដែលលិចទឹកគ្រប់រដូវវស្សារាល់ៗឆ្នាំ គ្រប់អាណត្តិចៅហ្វាយក្រុងកន្លងមក ដោយសារតែបឹងត្របែកគោករាក់ និងការរំលោភយកដីធ្វើកម្មសិទ្ធិដោយសេរី គ្មានអ្នកណាទៅរំខានទេ មានរាប់រយ រាប់ពាន់ក្បាលដី ។
ឆ្នាំនេះអាជ្ញាធររាជធានីដូចទើបភ្ញាក់ពីដំណេក បានលើកគ្នាគ្រប់ជំនាញចុះទៅពិនិត្យផ្ទាល់ភ្នែកនៅបឹងត្របែកដ៏មានវិសាលភាពនេះ ។
តាមគំរោងប្លង់ បឹងត្របែកដែលជាអាងស្តុកទឹកមាន២៦ហិកតា ។ ពេលនេះអាជ្ញាធរក្រុងភ្នំពេញរកឃើញនៅសល់តែ៣០%តែប៉ុណ្ណោះ ។ ៧០%ទៀតត្រូវឯកជនរំលោភយក…ចាក់ដីពេញអស់ទៅហើយ ។ អ្នកឯកទេសថា បើទុកបែបនេះតទៅទៀត ទឹកភ្លៀងអាចនឹងលិចដល់វិមានឯករាជ្យ ដល់ផ្សារថ្មី លិចមុនគេទួលទំពូង ឬលិចក្រុងភ្នំពេញតែម្តង ។
មានដំណឹងថា អាជ្ញាធរក្រុងជិតចាប់ផ្តើមកាយ…ជីក…ដឹកយកដីចេញវិញហើយ…មិនដឹងថាយកបាន២៦ហិកតា ឬ១០០%មកវិញបានឬយ៉ាងណាទេ…ឬគ្រាន់តែផោមឱ្យគេហិតក៏មិនច្បាស់ដែរ…ចាំមើលស្នាដៃ…នៃសំឡេងផោមនេះសិន…
ទស្សនៈនានាលើកឡើងថា អ្វីដែលកើតមានដុះស្លែហើយ…ពិតជាយ៉ាប់ខាងបំផ្លាញវិញហើយ !
តើថ្នាក់ណាខ្លះបណ្តោយឱ្យមនុស្សលោកដឹកដីចាក់បឹងត្របែក ហើយខ័ណ្ឌជាព្រំ…ធ្វើរបងសំគាល់រាប់រយ រាប់ពាន់ឡូត៍បែបនេះ ?
ពេលដែលមនុស្សលោកទៅបំពាន ហេតុអីក៏គ្មានការទប់ទល់…រារាំងអ្វីសោះ ។ ដល់គេយកអស់បែបនេះទើបលើកគ្នាទៅបំផ្លាញ…
មិនខុសពីទីក្រុងឡុងឈិននៅបឹងតាមោក ដែលក្លាយជាវិមាន ជាភូមិគ្រឹះស្កឹមស្កៃទៅហើយ ទើបលើកគ្នាទៅបំផ្លាញតាមអំណាច…ឬគិតថា នរណាសង់អីសង់ទៅ ចាំថ្ងៃក្រោយវ៉ៃចោលក៏មិនយឺតដែរ…ស្រេចអញ !…ហេ ! ហេ !
ចុះបឹងស្នោ…បឹងជើងឯក…ពិសេសបឹងទំពុនដែលគេចាក់ដីលុបស្ទើរជិតផ្លូវទឹកស្អុយទៅហើយ…ម៉េចមិនប្រញាប់ជួយទប់ផង ? អាសូរខ្លាំងទៀត…បឹងសំរោងក៏រលាយដែរ…។
មកពីជំងឺឆ្លងពីបឹងខាងលើនេះហើយ ទើបវាឆ្លងចូលបឹងត្របែក ។
បើមិនកើតទេទុកឱ្យលិចវិមានឯករាជ្យ លិចផ្សារថ្មីទៅក៏ល្អដែរ…មួយឆ្នាំលិចម្តងតើ ?
អាឡេវ
ចែករំលែកព័តមាននេះ