រាជធានីភ្នំពេញ ៖ មានមនុស្សមិនតិចទេ ដែលមានបំណងចង់ក្លាយជាមនុស្សល្បី ជាអ្នកមាន ជាសេដ្ឋី ឬក៏ជាបុគ្គលដែលជោគជ័យជាដើម ។ ប៉ុន្តែជាមួយគ្នានេះបំណង ឬក្តីប្រាថ្នាអាចទទួលបានពិតប្រាកដ…
រាជធានីភ្នំពេញ ៖ មានមនុស្សមិនតិចទេ ដែលមានបំណងចង់ក្លាយជាមនុស្សល្បី ជាអ្នកមាន ជាសេដ្ឋី ឬក៏ជាបុគ្គលដែលជោគជ័យជាដើម ។ ប៉ុន្តែជាមួយគ្នានេះបំណង ឬក្តីប្រាថ្នាអាចទទួលបានពិតប្រាកដ ហើយក៏អាចមិនទទួលបានផងដែរ ។
តាមការបកស្រាយរបស់អ្នកឯកទេសម្នាក់បានលើកឡើងថា បុគ្គលដែលជោគជ័យ គេតែងតែប្រកាន់ភ្ជាប់នៅស្មារតី ៣+១ ។
លោក ឃីម សុខហេង ដែលជាស្ថាបនិកវិទ្យាស្ថានសិក្សា ដើម្បីជោគជ័យបានបន្តថា ស្មារតី ៣+១ នេះជាស្មារតីដ៏សំខាន់ ។ លោកបានថ្លែងប្រាប់នូវគន្លឹះ ទាំងនោះថា ៖ ១ – ស្មារតីជោគជ័យ ទី១ គឺ ស្មារតីផ្តោត ៖ គឺគេផ្តោតលើគោលដៅដែលគេចង់បាននៅក្នុងជីវិតពោលឱ្យខ្លី បុគ្គលដែលជោគជ័យ គឺបុគ្គលដែលមានគោលដៅ គឺគេបានកំណត់គោលដៅរួចហើយថា ៣ ឆ្នាំ ៥ ឆ្នាំ និង១០ឆ្នាំទៅមុខទៀត គេចង់សម្រេចបានអ្វីនៅក្នុងជីវិតរបស់គេ ។
ផ្តោតលើការងារ ប្រសិនបើយើងជាអ្នកធ្វើការ គឺគេផ្តោតលើការងារក្នុងដៃ កុំឆ្វេកឆ្វាច កុំឆ្លេឆ្លា អ្នកខ្លះចេញដេប៉ាមកធ្វើឱ្យតែគេមើលឃើញរវល់គ្មានពេលសំរាក រវល់គ្មានពេលវេលាញុំាបាយ រវល់គ្មានពេលឈប់រវល់គ្មានពេលទំនេរ ។ ប៉ុន្តែសួរថា តើរវល់នូវរឿងដែលគួតែរវល់អត់? រវល់ត្រូវរឿងអត់? ផ្តោតលើការសិក្សា មានន័យថា ក្នុងនាមជានិស្សិត ខ្ញុំផ្តោតលើការក្រេបជញ្ជក់យកចំណេះដឹង មិនមែនខ្ញុំផ្តោតទៅលើការផឹកស្រា មិនមែនផ្តោតទៅលើការជក់គ្រឿងញៀនទេ មិនមែនផ្តោតលើការចូលក្លឹបដើម្បីយកពានទេ។ ម៉ែឪ ជីដូនជីតា អត់ល្បីពេលដែលកូនមានកេរ្តិ៍ឈ្មោះល្បីរឿងផឹកនោះទេ។
មួយវិញទៀត កុំផ្តោតទៅលើសំភារៈនិយម ក្នុងខណៈពេលដែលសមត្ថភាពយើងមិនទាន់មាន ត្រូវផ្តោតលើការសិក្សា។ ការផ្តោតលើ សីលធម៌ល្អ សុជីវធម៌ល្អក្នុងការរស់នៅ មានគុណធម៌ និងមានកត្តញ្ញូចំពោះមាតាបិតា ។ ២- ស្មារតីជោគជ័យ ទី២ គឺ ស្មារតីរួម ៖ រួមសាមគ្គី គឺជាទស្សនៈរបស់បុគ្គលដែលជោគជ័យនៅលើពិភពលោក គឺគេរួមសាមគ្គីជាធ្លុងមួយ ជាកម្លាំងដែលយើងអាចដុតអ្វីមួយ ឱ្យឆេះបាន គេនិយាយថាអាតូចវាមិនដែលឈ្នះ អាធំទេ ប៉ុន្តែនៅពេលដែលអាតូចវាប្រមូលផ្តុំអាធំពិបាកឈ្នះដែរ ចឹងត្រូវមានស្មារតីរួបរួមសាមគ្គី។
យើងត្រូវធ្វើខ្លួនយើងឱ្យក្លាយជាមនុស្ស ដែលចេះផ្តល់សេវាកម្មឱ្យអ្នកដទៃមុន អានឹងសំខាន់ណាស់ ។ ព្រោះថា ដើម្បីជោគជ័យយើងត្រូវរៀបចំខ្លួនយើងឱ្យអ្នកដទៃ គេចូលចិត្ត ធ្វើជាមនុស្សមានចិត្ត ជួយយកអាសាអ្នកដទៃ នោះយើងនឹងមានទំនាក់ទំនងល្អ ហើយចំណងទាក់ទងនឹងវានឹងរឹតបន្តឹងបន្តិចម្តងៗ យូរៗទៅចំណងទាក់ទងដែលយើងមានពីស្មារតីរួបរួមសាមគ្គីនឹង វានឹងក្លាយជាទុនសម្រាប់អនាគតរបស់យើងទៅថ្ងៃមុខ ដែលយើងអាចយកទៅវិនិយោគបាន។ ៣- ស្មារតីជោគជ័យ ទី៣ គឺ ស្មារតីប្រឹង ៖ បុគ្គលដែលជោគជ័យ គឺជាមានស្មារតីប្រឹងប្រែង តស៊ូ អត់ធ្មត់ ក្រែងននៀល ដូចខ្ញុំទម្រាំនឹងបានប៉ុណ្ណឹងខ្ញុំប្រឹង១៨ឆ្នាំហើយ វាជាស្មារតីប្រឹង ដោយសារខ្ញុំជឿថាលើលោកនេះ គ្មានបុគ្គលណាយកចិត្តទុកដាក់លើការអភិវឌ្ឃខ្លួនយើងជាងយើងខ្លួនឯងនោះទេ ចឹងគឺត្រូវប្រឹង។ ហើយអ្វីៗគ្រប់យ៉ាងលើលោកនេះ គ្មានអ្នកណាមកធ្វើជំនួសយើងបានទេ បើទោះបីជាអតចរិកក៏ដោយ។
ចុះចំណែក បូក១ វិញគេចង់មានន៍យថាម៉េច? លោកគ្រូបានថ្លែងបន្តថា រាល់បុគ្គលដែលជោគជ័យ គឺជាបុគ្គលដែលមានស្មារតីស្មោះត្រង់ មានគុណធម៌នៅក្នុងជីវិត ៕
ចែករំលែកព័តមាននេះ