រាជធានីភ្នំពេញ ៖ ជាផ្នែកមួយនៃការតភ្ជាប់សម្រាប់សេដ្ឋកិច្ចជាតិ ផ្លូវជាតិលេខ ៥ ត្រូវបានរាជរដ្ឋាភិបាលបាននឹងកំពុងធ្វើការជួសជុលឲ្យបានប្រសើរឡើង ដោយសារតែផ្លូវជាតិមួយនេះមិនត្រឹមតែបម្រើឲ្យវិស័យដឹកជញ្ជួនក្នុងស្រុកនោះទេ តែវាជាផ្លូវតភ្ជាប់វិស័យដឹកជញ្ជូនក្នុងបណ្ដាប្រទេសជាសមាជិកអា ស៊ាន ។…
រាជធានីភ្នំពេញ ៖ ជាផ្នែកមួយនៃការតភ្ជាប់សម្រាប់សេដ្ឋកិច្ចជាតិ ផ្លូវជាតិលេខ ៥ ត្រូវបានរាជរដ្ឋាភិបាលបាននឹងកំពុងធ្វើការជួសជុលឲ្យបានប្រសើរឡើង ដោយសារតែផ្លូវជាតិមួយនេះមិនត្រឹមតែបម្រើឲ្យវិស័យដឹកជញ្ជួនក្នុងស្រុកនោះទេ តែវាជាផ្លូវតភ្ជាប់វិស័យដឹកជញ្ជូនក្នុងបណ្ដាប្រទេសជាសមាជិកអា ស៊ាន ។
យោងតាមក្រសួងសាធារណការ និងដឹកជញ្ជូន នៅថ្ងៃទី១ ខែកញ្ញា ឆ្នាំ ២០២០នេះ បានឱ្យដឹងថា គិតត្រឹមខែសីហា ឆ្នាំ២០២០ គម្រោងធ្វើឱ្យប្រសើរឡើងវិញ កំណាត់ផ្លូវជាតិលេខ ៥ សម្រេចបានប្រមាណ ៤២,៩៩% ហើយ ។
ក្រសួងបានបន្តថា គម្រោងធ្វើឱ្យប្រសើរឡើងវិញកំណាត់ផ្លូវជាតិលេខ៥ មានប្រវែងសរុបចំនួន៣៦៦ គីឡូម៉ែត្រ ដោយឆ្លងកាត់ខេត្តកំពង់ឆ្នាំង ពោធិ៍សាត់ បាត់ដំបង និងបន្ទាយមានជ័យ ។
គម្រោងនេះត្រូវបានបែងចែកជាបីផ្នែកធំៗរួមមាន ៖ ផ្នែកខាងជើង(បាត់ដំបង-សិរីសោភ័ណ) មានប្រវែងសរុប ៨៤,៧៤ គីឡូម៉ែត្រ ផ្នែកកណ្តាល(ធ្លាម្អម-បាត់ដំបង) មានប្រវែងសរុប ១៤៦,០៤គីឡូម៉ែត្រ និងផ្នែកភាគខាងត្បូង(ព្រែកក្តាម ខេត្តកណ្តាល-ធ្លាម្អម ខេត្តពោធិ៍សាត់) មានប្រវែងសរុប ១៣៥,២៤គីឡូម៉ែត្រ ដោយមានការពង្រីកកំណាត់ផ្លូវជាតិមានស្រាប់ពី២គន្លងទៅ៤គន្លង ទទឹង២៣ម៉ែត្រ ជាប្រភេទផ្លូវបេតុងកៅស៊ូ (AC) និងមានសួនច្បារចំកណ្តាល ។
សូមបញ្ជាក់ដែរថា កំណាត់ផ្លូវជាតិលេខ៥ មានសារៈសំខាន់ណាស់សម្រាប់ការដឹកជញ្ជូននៅក្នុងស្រុក ក៏ដូចជា ការតភ្ជាប់វិស័យដឹកជញ្ជូនក្នុងបណ្ដាប្រទេសជាសមាជិកអាស៊ាន និងមហាអនុតំបន់មេគង្គ ហើយក៏ត្រូវបានចាត់ទុកថាជាផ្នែកមួយនៃអាស៊ានហាយវ៉េលេខ ១(Asean Highway 1) ប្រចាំតំបន់អាស៊ីអាគ្នេយ៍ផងដែរ៕
ចែករំលែកព័តមាននេះ