សហរដ្ឋអាមេរិក-តៃវ៉ាន់ ៖ សហរដ្ឋអាមេរិកឲ្យដឹងនាថ្ងៃទី៣១ សីហា ថាខ្លួនសន្យា ពីការចរចាខាងសេដ្ឋកិច្ចទ្វេភាគីថ្មី ជាមួយកោះតៃវ៉ាន់ ជាការផ្ដួចផ្ដើមគំនិតមួយដែលក្រុងវ៉ាស៊ិនតោនថា សំដៅពង្រឹងទំនាក់ទំនងជាមួយក្រុងតៃប៉ិ និងជួយទ្រទ្រង់ដែនកោះនោះ…
សហរដ្ឋអាមេរិក-តៃវ៉ាន់ ៖ សហរដ្ឋអាមេរិកឲ្យដឹងនាថ្ងៃទី៣១ សីហា ថាខ្លួនសន្យា ពីការចរចាខាងសេដ្ឋកិច្ចទ្វេភាគីថ្មី ជាមួយកោះតៃវ៉ាន់ ជាការផ្ដួចផ្ដើមគំនិតមួយដែលក្រុងវ៉ាស៊ិនតោនថា សំដៅពង្រឹងទំនាក់ទំនងជាមួយក្រុងតៃប៉ិ និងជួយទ្រទ្រង់ដែនកោះនោះ ប្រឈមមុខនឹងការគាបសង្កត់កាន់តែខ្លាំងឡើងរបស់ក្រុងបេ៉កាំង ។
រដ្ឋការលោកដូណាល់ត្រាំក៏គូសបញ្ជាក់ដែរថា សើរើឡើងវិញការធានាខាងសន្តិសុខ៦ចំណុចចំពោះតៃវ៉ាន់ ក្នុងឱកាសនៃការកាន់អំណាចរបស់លោករ៉ូណាល់រីហ្គេន ដែលនោះជាដំណើរការមួយដែលពួកអ្នកវិភាគយល់ថា ជាវិធីពង្រឹងថែមទៀតការជួយទ្រទ្រង់ចំពោះតៃវ៉ាន់ ។
ការប្រកាសនោះធ្វើឡើងក្នុងពេលមានការគាបសង្កត់កាន់តែខ្លាំងរបស់ចិនចំពោះតៃវ៉ាន់ ដែលចិនចាត់ទុកជាអាណាខេត្តមួយរបស់ខ្លួន និងក្នុងពេលមានភាពតានតឹងកាន់តែខ្លាំង រវាងក្រុងវ៉ាស៊ិនតោន និងក្រុងប៉េកាំង មកពីការមិនចុះសម្រុងគ្នាខាងពាណិជ្ជកម្ម ការឆ្លងរាលដាលនៃវីរុសCOVID-19 និងបញ្ហាហុងកុង ។
ប្រធានាធិបតីអាមេរិកលោកដូណាល់ ត្រាំបានប្រកាន់យក មាគ៌ាតឹងរ៉ឹងចំពោះចិនក្នុងការឃោសនាបោះឆ្នោតប្រធានាធិបតី ដើម្បីឲ្យលោកអាចជាប់ឆ្នោតជាថ្មី ។ សហរដ្ឋអាមេរិកក៏ដូចជាប្រទសភាគច្រើនពុំមានទំនាក់ទំនងការទូត ជាមួយតៃវ៉ាន់ឡើយ តែពួកគេជាអ្នកជួយគាំទ្រសំខាន់ និងជាអ្នកផ្ដល់អាវុធឲ្យតៃវ៉ាន់ ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ