រាជាធានីភ្នំពេញ ៖ តាមការលើកឡើងរបស់អ្នកឯកទេសម្នាក់បានថ្លែងថា នាពេលបច្ចុប្បន្នមនុស្សជាច្រើនកំពុងចាញ់បោកគេ ជាពិសេស សិស្ស និស្សិត និងអ្នកធ្វើការក្នុងវិស័យរោងចក្រ និងអ្នកកំពុងរកស៊ីមួយចំនួន ។ល។
ដូច្នេះចំពោះអ្នករកស៊ី បើមិនចង់ចាញ់បោកគេទេ និងមិនចង់យកលុយខ្លួនឯង ជាទុនរបស់ idol បងប្អូននោះទេ គឺមានចំណុចគន្លឹះមួយចំនួនដែលគួរតែធ្វើការពិនិត្យ និងពិចារណាឲ្យបានដិតដល់ ។
លោក ម៉ិច សីហា ជាអគ្គនាយកវិទ្យាស្ថានអន្តរជាតិ iKey បានលើកឡើងនូវវិធីខ្លះៗ ដែលអាចឱ្យប្អូនប្អូនយើងគិតពិចារណា ថាតើ idol របស់បងប្អូន បោកឬមិនបោក និងម្យ៉ាងវិញទៀត បងប្អូននឹងថា នរណាជា hero របស់បងប្អូនយ៉ាងពិតប្រាកដ ។ លោកបានពន្យល់អំពីរចនាសម្ព័ន្ធសេដ្ឋកិច្ចសម្រាប់អ្នកឆ្លាត ដែលគេប្រើ ដើម្បីទាញទឹកចិត្ត ដើម្បីពង្វក់យុវជនក្នុងន័យថាពួកគេអាចទៅរកភាពជោគជ័យ និងក្លាយទៅជាអ្នកជំនួញ ។
លោក លោក ម៉ិច សីហា បានបន្តថា «ដូចនេះគេចងជាប្រព័ន្ធបែបនេះ ៖ អ្នកផ្គត់ផ្គង់ ការងារជាក្រុម (teamwork) សមាជិក អតិថិជន ។ នៅពេលដែលយើងម្នាក់ៗចង់ធ្វើជំនួញ លុះត្រាតែយើង គ្រប់គ្រាប់ និងមានការរៀបចំ ឬគិតទុកមុនហើយទើបយើងត្រូវចាប់ផ្តើមធ្វើ ហើយប្រសិនបើយើងមិនទាន់ប្រុងប្រៀប និងការរៀបចំហើយនោះទេ វាអាចនឹងមានហានិភ័យខ្ពស់ដោយនឹងប្រឈមនឹងការខាតបង់នៃដើមទុន ខាតពេលវេលា ហើយវាក៏អាចបណ្តាលឱ្យស្មារតីរបស់យើងអាចចុះញ៉មមិនចង់បន្តការរកស៊ីតទៅមុខទៀត» ។ លោកបានលើងឡើងថា មកដល់សព្វថ្ងៃនេះ ការងារជាក្រុម (teamwork)បានប្រជុំគ្នា ពួកគាត់គិតថា ធ្វើយ៉ាងម៉េច ដើម្បីបានលុយពីអតិថិជន និងដើម្បីឱ្យក្លាយខ្លួនជាអ្នកជោគជ័យពាណិជ្ជកម្ម ប៉ុន្តែពេលនោះគាត់អ្នកមិនមានដើមទុនទេ ។
ដូច្នេះគាត់ចាប់ផ្តើមប្រើមធ្យោបាយមួយ គាត់ទៅចរចាជាមួយអ្នកផ្គត់ផ្គង់អីវ៉ាន់ដែលនៅក្រៅប្រទេស បន្ទាប់មកគាត់ត្រឡប់មក ដើម្បីសម្តែងថាគាត់ជាមនុស្សជោគជ័យ តាមរយៈកម្មវិធីបណ្តុះបណ្តាលនានា ហើយប្រើទ្រឹស្តីសុទ្ធតែពីមនុស្សដែលមានភាពជោគជ័យ លើកយកទ្រឹស្តីអ្នកមានៗ អ្នកប្រាជ្ញ នៅក្រៅប្រទេសដើម្បីសំដែង ឱ្យសមាជិកបានឃើញថា គេជាមនុស្សជោគជ័យ គេរៀនបានខ្ពស់ជាដើម ។ អ៊ីចឹងសមាជិកទាំងនោះគាត់គិតមិនដល់ គិតស្មានថា គាត់នោះជាមនុស្សមកពីប្រទេសក្រៅ មានការសិក្សាខ្ពស់ ដូចនេះគាត់ក៏ជឿ ហើយយកទុនរបស់ខ្លួនតិចក្តី ឬច្រើនក្តី យកមកឱ្យក្រុមការងារនេះ អ៊ីចឹងក្រុមការងារនេះមានទុនហើយ ។
ដូចនេះគេយកទុននឹងមកកក់អីវ៉ាន់ បន្ទប់មកយកអីវ៉ាន់ទាំងនោះមកឱ្យសមាជិក ដើម្បីឱ្យសមាជិកលក់បន្តឱ្យអតិថិជន នេះគេហៅថាអ្នកឆ្លាតយកទុនសមាជិកមករកស៊ី ។ លោកបានបន្តដោយមានភាពជឿជាក់ថា «បងប្អូនទាំងអស់កំពុងតែដើរក្នុងវិថីមួយ យកលុយរបស់ខ្លួនឯង ជាដើមទុនឲ្យអ្នកដទៃ ។ ពេលខ្លះសមាជិកគិតថាវាជាផ្លូវមួយដែលត្រឹមត្រូវសម្រាប់យើង ព្រោះយើងមិនមានសមត្ថភាពទៅធ្វើពាណិជ្ជកម្ម ក៏ប៉ុន្តែពាក្យថាសេចក្តីសុខ គឺការងាររបស់យើងវាបានសាកសមទៅហើយ បើយើងមានចង់បានយើងគួរតែសន្សំតិចៗទៅ គង់តែមានទេ និងវាមានវិធីសាស្ត្រជាច្រើនដើម្បីរកលុយ ឬរកស៊ីផ្សេងៗ»។
អ្នកជំនាញរូបនេះបានបន្តថា សរុបមកវិធីនេះមានលឿន ១ខែទៅ២ខែអីបានហើយ ប៉ុន្តែរបរនេះជារបរបោកគេ បោកប្រាស់សមាជិក។ សមាជិកមិនទាន់មានជំនាញគ្រប់គ្រាន់ មិនទាន់មានចំណេះដឹងក្នុងការប្រកបអាជីវកម្មទាំងនេះ អ្នកខ្លះនៅធ្វើការរោងចក្រ អ្នកនៅរៀន អ៊ីចឹងហេតុតែគាត់ចង់មានចង់បាន ពិចារណាមិនដល់ ហើយងាកមកខាងនេះសម្តែងជាអ្នកជោគជ័យ មានលុយមានឡាន មានផ្ទះ ទ្រឹស្តីល្អៗ កម្មវិធីមើលមកដូចជាអ្នកជាមហាសេដ្ឋី ខាងនេះជឿងប់ (សមាជិក) ហើយគេថាគេជាមុខជំនួញបែបទំនើបទៀត ចងជាប្រព័ន្ធនេះនោះសព្វបែបយ៉ាងក្នុងវគ្គបណ្តុះបណ្តាល ។
បន្ថែមពីនេះទៅទៀតសមាជិកទាំងនោះថា គិតថា អ្នកផ្គត់ផ្គង់នេះជា idol របស់គាត់ទៀត។ លោក ម៉ិច សីហា បានលើកឡើងជាគំនិតពិចារណា ដូចនេះថា «បើថាកិច្ចការរបស់ teamwork នឹងត្រឹមត្រូវ ហើយជោគជ័យក៏ជោគជ័យចុះ ប៉ុន្តែយើងគួរគិតមើល រួមគ្នាមួយក្រុមស្ទើរតែមួយចំហៀងប្រទេស តើយើងចំណេញលុយប៉ុន្មាន? ចុះអ្នកផ្គត់ផ្គង់នៅក្រៅប្រទេសនេះចំណេញប៉ុណ្ណា ឃើញគេអ្នកមាត់សោះ រីឯយើងនេះស្រែកថាជោគជ័យៗ តែតាមពិតនាំលុយខ្លួនឯងទៅក្រៅប្រទេស។ មានន័យថាយើងកំពុងនាំលុយមួយប្រទេសឱ្យទៅក្រៅ ហើយស្រែកខាងក្នុងជោគជ័យ»។
លោកបានបន្តបកស្រាយបន្ថែមថា ការធ្វើសេដ្ឋកិច្ចក្នុងប្រទេសនីមួយៗ លើពិភពលោក ថាតើនរណាជា idol (និមិត្តិរូប) ហើយអ្នកជាHero ពិតប្រាកដ។ អ្នកដឹកនាំគ្រប់ប្រទេស គឺគេព្យាយាមពង្រឹងសេដ្ឋកិច្ច ឱ្យប្រទេសរបស់គេសុខសន្តិភាព គេចាប់ផ្តើម បណ្តុះបណ្តាលធនធានមនុស្ស ឱ្យមានជំនាញឯកទេសពិតប្រាកដ អាចធ្វើកិច្ចការកើត គេទៅចរចាជាមួយអ្នកវិនិយោគនៅក្រៅប្រទេស ដើម្បីចូលមកវិនិយោគក្នុងប្រទេស ដើម្បីឱ្យប្រជាជនរបស់គេបានធ្វើការ ប្រកបទៅដោយជំនាញច្បាស់លាស់ និងមានប្រាក់ចំណូល ។ គឺលុយពីក្រៅប្រទេស ចូលមកក្នុងប្រទេស កន្លែងនេះលោក ម៉ិច សីហា ចង់វែកញ៉ែកថា ទី១ – បើយើងចង់ជោគជ័យត្រូវធ្វើសេដ្ឋកិច្ច យកលុយពីក្រៅចូលមកក្នុងប្រទេស មិនមែនយើងជោគជ័យយកលុយពីក្នុងទៅក្រៅនោះទេ ។ ទី២ – លោកថា តំណាងចែកចាយ តាំង២០០៧មក ជំនួញបែបទំនើបនឹង ដូរក្រុមហ៊ុន រត់ខ្ចាត់ខ្ចាយ ទីផុតរត់ចោលសមាជិកពីមួយជំនាន់ទៅមួយជំនាន់។
យុវជនគួររៀនឱ្យមានជំនាញ ដើម្បីជាប្រយោជន៍និងជាធនធាន ដើម្បីធ្វើការសាកសមក្នុងប្រទេសដែលកំពុងតែរីកចំរើន ដូចនេះ HERO ឬ IDOL របស់យើងគឺជាអ្នកដឹកនាំ ដែលព្យាយាមយកលុយពីក្រៅប្រទេសចូលមកក្នុងប្រទេសយើង ៕
ចែករំលែកព័តមាននេះ