រាជធានីភ្នំពេញ ៖ ដោយអនុវត្តគោលនយោបាយភូមិ-សង្កាត់មានសុវត្ថិភាពរបស់ថ្នាក់ដឹកនាំ ក្រោមការដឹកនាំរបស់លោកវរសេនីយ៍ឯក ទៀង ច័ន្ទសារ នគរបាលខណ្ឌដូនពេញបានដាក់ផែនការតាមបណ្តាប៉ុស្តិ៍រដ្ឋបាលទាំង11 ចំណុះអធិការដ្ឋាននគរបាលខណ្ឌដូនពេញ ឲ្យយកចិត្តទុកដាក់បង្ក្រាបបទល្មើសគ្រប់ប្រភេទ និងបង្កើនការយកចិត្តទុកដាក់…
រាជធានីភ្នំពេញ ៖ ដោយអនុវត្តគោលនយោបាយភូមិ-សង្កាត់មានសុវត្ថិភាពរបស់ថ្នាក់ដឹកនាំ ក្រោមការដឹកនាំរបស់លោកវរសេនីយ៍ឯក ទៀង ច័ន្ទសារ នគរបាលខណ្ឌដូនពេញបានដាក់ផែនការតាមបណ្តាប៉ុស្តិ៍រដ្ឋបាលទាំង11 ចំណុះអធិការដ្ឋាននគរបាលខណ្ឌដូនពេញ ឲ្យយកចិត្តទុកដាក់បង្ក្រាបបទល្មើសគ្រប់ប្រភេទ និងបង្កើនការយកចិត្តទុកដាក់ ក្នុងការចេញល្បាតពួនស្ទាក់ និងត្រៀមលក្ខណៈអន្តរាគមន៍ ទប់ស្កាត់បទល្មើសផ្សេងៗ ដើម្បីការពារសុវត្ថិភាពជូនបងប្អូនប្រជាពលរដ្ឋក្នុងមូលដ្ឋាននៅយប់ថ្ងៃទី31ខែសីហា ឆ្នាំ២០២០ វេលាម៉ោង៨យប់ នៅចំណុចម្តុំផ្សារកណ្តាល ផ្លូវលេខ១៣៦ កែងផ្លូវលេខ៥ សង្កាត់ផ្សារកណ្តាលទី១ ។
លោកវរសេនីយ៍ត្រី ម៉ៅ ចាន់ថុន អធិការរងទទួលផែនគ្រឿងញៀន សហការគ្នាជាមួយ លោកនាយប៉ុស្តិ៍នគរបាលផ្សារកណ្តាល1 បានចុះឃាត់ខ្លួន និងប្រមូលក្រុមជនអនាថាដែលពពាក់ពពូនគ្នាសេពគ្រឿងញៀននៅតាមទីសួនច្បារសាធារណៈតាមបណ្ដោយមាត់ទន្លេ មហាវិថីព្រះស៊ីសុវត្ថិ បង្កភាពអសន្តិសុខ និងសណ្តាប់ធ្នាប់ខណ្ឌ នាំមកកាន់អធិកាដ្ធានខណ្ឌដូនពេញ ដើម្បីធ្វើការសាកសួរនាំ និងធ្វើតេស្ដរកសារធាតុញៀន ។
ប្រភពដដែលបន្តថា ក្នុងប្រតិបត្តិការនេះដែរ នគរបាលខណ្ឌដូនពេញ បានឃាត់ខ្លួនក្រុមជនអនាថាបានចំនួន19នាក់ ក្នុងនោះមានស្រី3នាក់ ហើយនៅក្នុងចំណោមក្រុមជនអនាថាទាំងអស់នោះមានអ្នកខ្លះពាក់ព័ន្ធនឹងករណីលួចទ្រព្យសម្បត្តិប្រជាពលរដ្ឋផងដែរ។ បន្ទាប់ពីធ្វើតេស្ដរកសារធាតុញៀនហើយ ក្នុងចំណោម19នាក់នោះ ជាក់ស្តែងរកឃើញ ជនសង្ស័យចំនួន១៥នាក់ ស្រី២នាក់ ដែលមានលទ្ធផលវិជ្ជមាន (មានសារធាតុញៀន) ។
បច្ចុប្បន្នក្រុមជនអនាថាទាំងអស់នោះ ត្រូវបានឃាត់ខ្លួនសាកសួរនាំនៅអធិកាដ្ឋានខណ្ឌដូនពេញ ធ្វើតេស្តទឹកនោមរកសារធាតុញៀន និងបញ្ជូនខ្លួនទៅកាន់មន្ទីរសង្គមកិច្ចអតីតយុទ្ធជន និងយុវនីនិតិសម្បទារាជធានីភ្នំពេញ ៕
ចែករំលែកព័តមាននេះ