ខេត្តកែប ៖ ដីព្រៃកោងកាងជាព្រៃលិចទឹក ដុះអមសងខាងផ្លូវជាតិ ស្ថិតត្រង់ចំណុចផ្លូវកោងក្នុងភូមិអង្កោល ឃុំអង្កោល ស្រុកដំណាក់ចង្អើរ ខេត្តកែប ត្រូវបានអ្នកមានលុយជួលអោយពលរដ្ឋលួចចូលទៅកាប់នៅពេលយប់អស់ជាច្រើនហិកតា។ បើតាមការអោយដឹងពីពលរដ្ឋម្នាក់ដែលចូលមកជីកយកក្ដាមថ្មនៅព្រៃកោងកាងបាននិយាយប្រាប់ថា…
ខេត្តកែប ៖ ដីព្រៃកោងកាងជាព្រៃលិចទឹក ដុះអមសងខាងផ្លូវជាតិ ស្ថិតត្រង់ចំណុចផ្លូវកោងក្នុងភូមិអង្កោល ឃុំអង្កោល ស្រុកដំណាក់ចង្អើរ ខេត្តកែប ត្រូវបានអ្នកមានលុយជួលអោយពលរដ្ឋលួចចូលទៅកាប់នៅពេលយប់អស់ជាច្រើនហិកតា។ បើតាមការអោយដឹងពីពលរដ្ឋម្នាក់ដែលចូលមកជីកយកក្ដាមថ្មនៅព្រៃកោងកាងបាននិយាយប្រាប់ថា អ្នកដែលចូលទៅកាប់ព្រៃកោងកាងនោះច្រើន តែកាប់នៅពេលយប់ឬពេលរសៀលថ្ងៃរៀបលិច ។ អ្នករកជីកក្ដាមរូបនេះនិយាយថា ព្រៃកោងកាងអមសងខាងផ្លូវនេះល្អមើល តែនៅលើផ្លូវជាតិទេ តែពេលចុះអើតមើលមកក្នុងគេកាប់ព្រៃរលីងអស់ហើយ។
លោកស្រីគឹម ចន្នី អភិបាលនៃគណៈអភិបាលស្រុកដំណាក់ចង្អើរបាននិយាយប្រាប់អ្នកយកព័ត៌មានអោយដឹង កាលពីព្រឹកថ្ងៃទី៣១ សីហា នេះថា ដីព្រៃកោងកាងអមសងខាងផ្លូវនោះ គឺគេមានប្លង់អស់ហើយ គឺគេមានប្លង់ចេញកាលពីឆាំ្ន1994មកម្ល៉េះ។
លោកស្រីគឹម-ចន្នី អភិបាលស្រុកបាននិយាយប្រាប់បន្តថា ដីព្រៃលិចទឹកនេះ មាន2ប្រភេទ គឺដីព្រៃលិចទឹកនេះ សម្រាប់ដាំដំណាំជាកសិកម្ម-តែមួយផ្នែកទៀត បើម្ចាស់ដីចង់ចាក់ដីលប់ត្រូវតែដាក់ពាក្យសុំច្បាប់ចាក់ដីពីអាជ្ញាធរស្រុក។ លោកចក់ ស៊ីនាថ មន្ត្រីជលផលដែលមានការសកម្មដើរមើលដីព្រៃលិចទឹករាប់ទាំងឆ្នេរអង្កោលផងនោះត្រូវបាននិយាយប្រាប់អ្នកយកព័ត៌មាន កាលពីព្រឹកថ្ងៃទី៣១ សីហានេះថា បើនិយាយរឿងដីព្រៃកោងកាងនៅអមសងខាងផ្លូវទៅកាន់ច្រកទ្វារអន្តរជាតិព្រែកចាកនោះ ជាដីព្រៃកោងកាងជាដីព្រៃលិចទឹក ហើយជលផលជាអ្នកគ្រប់គ្រង។
លោកចក់ ស៊ីនាថ មន្ត្រីមកពីជលផលខេត្តកែបបាននិយាយប្រាប់អោយដឹងថា លោកមិនបានដឹងគេលួចចូលទៅកាប់ព្រៃដែលជលផលជាអ្នកគ្រប់គ្រងទេ-ហើយក៏មិនបានដឹងពីអ្នកណាជាអ្នកជួលអោយប្រជាពលរដ្ឋចូលទៅកាប់ព្រៃកោងកាងដែរ។
លោកចក់ ស៊ីនាថ ក៏ធ្លាប់ប្រឈមមុខនៅតុលាការដែរ ព្រោះលោកនិងមន្ត្រីឯទៀតបានយកបង្គោលបេតុងទៅបោះតាមព្រំដីជលផលគ្រប់គ្រងបែជាម្ចាស់ដីដាក់ពាក្យបណ្ដឹងទៅតុលាការទៅវិញ។ លោកចក់ ស៊ីនាថ ធ្លាប់បាននិយាយប្រាប់អ្នកយកព័ត៌មានដែលលោកមិនបានព្រៀងទុកថា បើការពារព្រៃធម្មជាតិសម្បត្តិរដ្ឋ បែរជាតុលាការឃាត់ខ្លួនលោកមិនស្ដាយកេរ្តិ៍ឈ្មោះឡើយ ។
ចែករំលែកព័តមាននេះ