១,២,៣​ដើមខែ​ថ្មី​ជា​ថ្ងៃ​ល្អ​​​ឆ្នាំ​ទាំង​៥​ជួប​សំណាង​ធំជុំលាភជុំ​លុយ – Koh Santepheap Daily

ADផ្ទាំងផ្សព្វផ្សាយពាណិជ្ជកម្ម

១,២,៣​ដើមខែ​ថ្មី​ជា​ថ្ងៃ​ល្អ​​​ឆ្នាំ​ទាំង​៥​ជួប​សំណាង​ធំជុំលាភជុំ​លុយ

4 ខែ មុន

ស្អែក​ថ្ងៃ​ថ្មី​ខែ​ថ្មី​ឆ្នាំ​ទាំង​៥​មាន​សិរី​សួស្តី​មាន​លាភ​មាន​លុយ​វាល់​លាន ជា​អ្នកមាន​ង៉ូ​វ​ហេង​ល្អ​លើសលប់ លេខ​នាំ​លាភ​៣៥៩​ដែល​តាម​ស្តេច​ហោរ​ចិន​សែ​បាន​អះអាង​ថា លោក​អ្នក​ដែល​មាន​ឆ្នាំ​កំណើត ខាល រកា ឆ្លូវ ម្សាញ់ វក ជា​អ្នកមាន​លាភ​សំណាង…

ស្អែក​ថ្ងៃ​ថ្មី​ខែ​ថ្មី​ឆ្នាំ​ទាំង​៥​មាន​សិរី​សួស្តី​មាន​លាភ​មាន​លុយ​វាល់​លាន ជា​អ្នកមាន​ង៉ូ​វ​ហេង​ល្អ​លើសលប់ លេខ​នាំ​លាភ​៣៥៩​ដែល​តាម​ស្តេច​ហោរ​ចិន​សែ​បាន​អះអាង​ថា លោក​អ្នក​ដែល​មាន​ឆ្នាំ​កំណើត ខាល រកា ឆ្លូវ ម្សាញ់ វក ជា​អ្នកមាន​លាភ​សំណាង មាន​លុយ​វាល់​លាន មា​ស​ប្រាក់ កែវកង ទ្រព្យសម្បត្តិ ឋានៈ បុណ្យស័ក្តិ​ចូល​មក​ដល់​នៅ​ក្នុង​រង្វង់​បី​ថ្ងៃ អង្គារ ពុធ ព្រហស្បតិ៍ ទី​១,២,៣ ដើមខែ​កញ្ញា​ស្អែក​នេះ​ហើយ ដែល​តម្រូវ​ឲ្យ​លោក​អ្នក​បួងសួង​សុំ​លាភសក្ការៈ​ឥឡូវនេះ ប៉ង​អ្វី​នឹង​បាន​សម្រេច​ដូច​បំណងប្រាថ្នា ។

ឆ្នាំខាល រាសី​ឡើង​ខ្ពស់ត្រដែត​ទទួល​ជោគជ័យ​លើ​ការងារ​ដ៏​ត្រចះត្រចង់​។ នៅ​រង្វង់​បី​ថ្ងៃ​ដើមខែ​កញ្ញា​នេះ​ដួង​រាសី​របស់​លោក​អ្នក​គាប់ប្រសើរ​ខ្លាំង​ណាស់​លោក​អ្នក​អាច​សម្រុក​កា​រងារ​ឱ្យ​ពេញដៃពេញជើង​ព្រោះថា​ផល​ល្អ​កំពុង​រង់ចាំ​ហុច​ឱ្យ​ជា​និច្ច​ហើយ​បើ​ចង់​ចរចា​ពី​រឿ​ង​អ្វីមួយ​ក៏​តែង​ឆាប់​ត្រូវរ៉ូវ​គ្នា ។ អ្នក​ប្រកប​របរ​រកស៊ី​ជួញដូរ​វិញ​ការ​ចេញ​ធ្វើ​ជំនួញ​ទី​ជិត​ឆ្ងា​យ​មាន​ភាព​លូតលាស់​ទៅ​មុខ​ប្រសើរ​ណាស់​ឯ​ផល​កម្រៃ​ទៀត​សោត​ក៏​ចូល​មក​ហូរហៀរ ។ ចំ​ណែ​ក​សម្ព័ន្ធភាព​ស្នេហា​ស្វាមី​ភ​រិ​យ​កំលោះ​ក្រមុំ​មាន​តែ​ភាព​ផ្អែម​ល្អែ​ម​រកគ្នា​ប្រពៃ​ណាស់ ។

ឆ្នាំរកា លាភ​ធំ​ទាំងពួង​ហូរ​ចូល​ដូច​ទឹក ការងារ​អ្វី​ក៏​បាន​ជោគជ័យ​ដូច​ក្តី​ប្រាថ្នា ពណ៌​នៃ​លាភ​សំណាង​ពណ៌​ខៀវ លោក​អ្នកមាន​លាភ​មាន​ជ័យ​មាន​លុយ​ចូល​ហូរហៀរ ការ​រក​ទទួ​លទាន​គ្រប់​ច្រកល្ហក​បាន​ទទួលផល​ហួស​ពី​ការ​ស្មាន​ប្រាក់​ចូល​មក​គ្រប់​ទិស​ទី ។ អ្នក​ប្រកបការងារ​រកស៊ី​ជួញដូរ​បាន​ផល​ចំណេញ​កប់​ក្តោង ប្រសិនបើ​ចង់​ទិញ​របស់​ធំ​នៅ​ដើមខែ​ថ្មី​នេះ​ជា​ពេលវេលា​ល្អ​បំផុត ទិញ​ផ្ទះ ទិញ​ដី ទិញ​ឡាន​នឹង​បាន​លាភ​មក​វិញ​ចំណេញ​ភ្លាម​ៗ​តែ​ម្តង ។

ឆ្នាំឆ្លូវ អ្នកមាន​សុភមង្គល រាសី​ឡើង​ខ្ពស់ត្រដែត ពណ៌​នាំ​សំណាង​ក្រហម នៅ​ដើមខែ​ថ្មី​បី​ថ្ងៃនេះ​លោក​អ្នកមាន​លាភ​មាន​ជ័យ​មាន​លុយ​ចូល​ហូរហៀរ​បើ​ចង់​ធ្វើការ​ដាក់​ទុន​រកស៊ី ឬ​ចរចា​រឿង​សំខាន់​អ្វីមួយ​គឺជា​ឱកាសល្អ​បំផុត​ទទួល​បាន​ផ្លែផ្កា​តប​មក​វិញ​ឥត​គណនា ។ រីឯ​សម្ព័ន្ធភាព​ស្នេហា​គូ​ស្វាមីភរិយា ក្រមុំ កំលោះ មេម៉ាយ ពោះម៉ាយ​មាន​តែ​ភាព​ស្រស់​ស្រា​យ និង​ផ្អែមល្ហែម​រកគ្នា​ប្រពៃ​ណាស់ ។

ឆ្នាំម្សាញ់ លោក​អ្នកមាន​លាភ​មាន​លុយ​ហូរ​ចូល​ដូច​ភ្លៀង​ធ្លាក់​ពីលើ​មេឃ ។ តាម​ទំនាយ​កំពូល​ហោរា​ចិន​សែ​បាន​បង្ហាញ​ថា នៅ​ដើមខែ​កញ្ញា​បី​ថ្ងៃនេះ​មាន​លាភ​ធំ​លុយ​ធំ​ហូរ​ចូល​កាន់តែ​ខ្លាំង​រាសី​ឡើង​ខ្ពស់ត្រដែត​បើ​លោក​អ្នក​ចង់​ធ្វើការ​ផ្លាស់​ប្តូរ​អ្វី​តែង​ផ្តល់​ផល​ល្អ​និង​ទទួល​បាន​ផ្លែផ្កា​តប​មក​វិញ​យ៉ាង​គាប់ប្រសើរ ។ រាល់​ការងារ​រក​ទទួលទាន​មាន​លាភ​មាន​លុយ​ចូល​ច្រើន​និង​មាន​អ្នក​នាំ​ប្រាក់​មក​ឱ្យ​ដល់​ផ្ទះ​។ ពណ៌​នៃ​លាភ​សំណាង​ពណ៌​ទឹកក្រូច ។

ឆ្នាំវក នៅ​ដើមខែ​កញ្ញា​បី​ថ្ងៃនេះ​ដួង​រាសី​របស់​លោក​អ្នក​ឡើង​ខ្ពស់ត្រដែត​មានជោគ​មាន​ជ័យ​មាន​សិរី​សួស្តី​បវរ​មហាប្រសើរ​ហើយ​ដំណើរ​ជីវិត​មាន​ភាព​សុខដុម​គាប់ប្រសើរ​ណាស់ បើ​លោក​អ្នក​ចង់​ទំនាក់ទំនង​ការងារ​ឬ​ទាក់ទង​បញ្ហា​ប្រាក់​កាក់​ធ្វើ​អ្វីមួយ​រមែង​ទទួល​បាន​ជោគជ័យ​ភ្លាម​ៗ ។ ចំណែក​អ្នក​ប្រកប​របរ​រកស៊ី​ជួញដូរ​មានការ​ទិញ​ចូល​លក់​ចេញ​ចំណេញ​កប់​ក្តោង​។ រីឯ​សម្ព័ន្ធភាព​ស្នេហា​ប្រុស​ស្រី​មាន​តែ​ភាព​ផ្អែមល្ហែម​ស្រស់ស្រាយ​រកគ្នា​ជា​និច្ច ។ សាន សារិន