ខេត្តកណ្តាល ៖ សង្សារ១គូជិះម៉ូតូធ្វើសកម្មភាពឆក់ទូរសព្ឌ័ពីពលរដ្ឋបានសម្រេចហើយ តែត្រូវម្ចាស់ជិះដេញបុកបណ្តាលអោយឌួលយកទូរស័ព្ទមកវិញ រួចបន្សល់ទុកស្រីម្នាក់ជាគូសង្សា ត្រូវបាននគរបាលក្រុងតាខ្មៅក្របួចជាប់ និងឃាត់ខ្លួននៅថ្ងៃទី៣០ សីហា នៅចំណុចតាមផ្លូវលេខ២១ភូមិព្រែកសំរោង…
ខេត្តកណ្តាល ៖ សង្សារ១គូជិះម៉ូតូធ្វើសកម្មភាពឆក់ទូរសព្ឌ័ពីពលរដ្ឋបានសម្រេចហើយ តែត្រូវម្ចាស់ជិះដេញបុកបណ្តាលអោយឌួលយកទូរស័ព្ទមកវិញ រួចបន្សល់ទុកស្រីម្នាក់ជាគូសង្សា ត្រូវបាននគរបាលក្រុងតាខ្មៅក្របួចជាប់ និងឃាត់ខ្លួននៅថ្ងៃទី៣០ សីហា នៅចំណុចតាមផ្លូវលេខ២១ភូមិព្រែកសំរោង សង្កាត់តាខ្មៅ ក្រុងតាខ្មៅ ខេត្តកណ្តាល។
សេចក្តីរាយការណ៍បន្តថា ជនរងគ្រោះជាម្ខាស់មិនស្គាល់ឈ្មោះ ភេទស្រី អាយុ២០ឆ្នាំ
។ រីឯជនសង្ស័យទី១-ឈ្មោះ ផាន់ ឩត្តម ហៅ ស្វិត ភេទប្រុស ជនជាតិខ្មែរ អាយុ២៨ឆ្នាំ ទីលំនៅ ភូមិព្រែកកាត់ សង្កាត់តាក្តុល ក្រុងតាខ្មៅ ខេត្តកណ្តាល មុខរបរមិនពិតប្រាកដ (គេចខ្លួន) និងទី២-ឈ្មោះ ជួន ចន្ទ័បូរមី ភេទស្រី ជនជាតិខ្មែរ អាយុ១៨ឆ្នាំ នៅភូមិព្រែកកាត់ សង្កាត់តាក្តុល ក្រុងតាខ្មៅ ខេត្តកណ្តាល ។
លោកវរសេនីយ៌ យី វណ្ណដា អធិការនគរបាលក្រុងតាខ្មៅបានប្រាប់ថា៖ កាលពីវេលាកើតហេតុលើ ជនរងគ្រោះបានជិះម៉ូតូម៉ាកtoday តែម្នាក់ឯង តែនៅពេលជិះមកដល់ម្តុំផ្សារកាច់ជ្រុង ក៏ស្រាប់តែឃើញជនសង្ស័យ២នាក់ខាងលើ ជិះម៉ូតូ១គ្រឿម៉ាកscoopy ពណ៍សលាយផ្កាឈូក ស្លាកលេខភ្នំពេញ១BD៥៥៩៥ តាមពីក្រោយ ដោយឈ្មោះផាន់ឩត្តមហៅស្វិតជាអ្នកបើកម៉ូតូ រីឯឈ្មោះជួនចន្ទ័បូរមី ហៅយ៉ែន ជាអ្នកអង្គុយខាងក្រោយ បានឆក់ទូរសព្ទ័របស់ជនរងគ្រោះម៉ាកiphone 6 pluse បានសម្រេច ពេលនោះជនរងគ្រោះបានបើកម៉ូតូដេញតាម រួចបានបើកបុកម៉ូតូជនសង្ស័យពីក្រោយបណ្តាលអោយដួលបែកស្តុបហើយដណ្តើមយកទូរសព្ទ័វិញបាត់ទៅ ចំនែកជនសង្ស័យទាំង២នាក់ក៏បានលើកម៉ូតូជិះគេចខ្លួនបាត់ទៅ រីឯជនរងគ្រោះមិនបានមកដាក់ពាក្យបណ្តឹងឡើយ។
លុះមកដល់ថ្ងៃទី៣០ ខែសីហា ឆ្នាំ២០២០ ក៏ត្រូវកម្លាំងប៉ុស្តិ៍តាក្តុលសហការណ៍ជាមួយកម្លាំងយុត្តធម៍ក្រុងតាខ្មៅដឹកនាំដោយលោកអធិការនគរបាលក្រុង ធ្វើការស្រាវជ្រាវឃាត់ខ្លួនបានជនសង្ស័យម្នាក់ខាងលើ បញ្ជូនមកអធិការដ្ឋាននគរបាលក្រុងតាខ្មៅ ដើម្បីចាត់ការតាមនិតិវិធី។ តាមការសាកសួរជនសង្ស័យឈ្មោះជួនចន្ទ័បូរមី ហៅយ៉ែន បានសារភាពថាខ្លួននិងឈ្មោះផាន់ឩត្តមហៅស្វិត ពិតជាបានធ្វើសកម្មភាពឆក់ទូរសព្ទ័របស់ជនរងគ្រោះខាងលើ ប្រាកដមែន ដោយគាត់ជាអ្នកឆក់ ហើយឈ្មោះ ផាន់ ឩត្តម ហៅស្វិតជាអ្នកបើកម៉ូតូ និង បានសារភាពទៀតថាគាត់បានប្រើប្រាស់គ្រឿងញៀនអស់រយៈពេលជិត៥ខែមកហើយ។
ចែករំលែកព័តមាននេះ