ចិន ៖ ប្រព័ន្ធផ្សព្វផ្សាយនៃក្រសួងគ្រប់គ្រងគ្រោះអាសន្នរបស់ចិន បាននិយាយកាលពីថ្ងៃអាទិត្យថា មនុស្ស២៩នាក់បានបាត់បង់ជីវិត និង៧នាក់ទៀតរងរបួសធ្ងន់ នៅពេលភោជនីយដ្ឋានមួយបានដួលរលំនៅខេត្តសានស៊ីភាគខាងជើងប្រទេសចិន។
ក្រសួងគ្រប់គ្រងគ្រោះអាសន្នបាននិយាយនៅក្នុងសេចក្តីថ្លែងការណ៍មួយថា អគារនេះបានដួលរលំនៅម៉ោង៩និង៤០នាទីព្រឹក ថ្ងៃសៅរ៍ នៅក្នុងតំបន់ Xiangfen ភាគនិរតីនៃខេត្តសានស៊ី។
ប្រព័ន្ធផ្សព្វផ្សាយរដ្ឋ បាននិយាយថា គ្រោះថ្នាក់ទៅលើអគារ២ជាន់ បានកើតឡើងនៅពេលដែលអ្នកភូមិ និងសាច់ញាតិបានជួបជុំគ្នា សម្រាប់ពិធីខួបកំណើត ហើយប្រតិបត្តិការជួយសង្គ្រោះបានបញ្ចប់នៅព្រឹកថ្ងៃអាទិត្យនេះ។
មនុស្ស ៥៧នាក់ ត្រូវបានទាញចេញពីគំនរបាក់បែក ដោយមាន២៩នាក់បានបាត់បង់ជីវិត ខណៈ២១នាក់ទៀតបានរងរបួសស្រាល។
ក្រសួងគ្រប់គ្រងគ្រោះអាសន្នបាននិយាយថា រដ្ឋាភិបាលខេត្តសានស៊ី បានបង្កើតក្រុមថ្នាក់ខ្ពស់មួយ ដើម្បីស៊ើបអង្កេតពីគ្រោះថ្នាក់នៅក្នុងតំបន់ ដែលស្ថិតនៅក្រោមការគ្រប់គ្រងរបស់ទីក្រុងលីនហ្វិន៕ ដកស្រង់ចេញវេបសាយ ៖ bangkokpost
ចែករំលែកព័តមាននេះ