ខេត្តមណ្ឌលគិរី ៖ បើតាមសេចក្តីរាយការណ៍បានឱ្យដឹងថា បុរសម្នាក់ត្រូវបានសមត្ថកិច្ចចាប់ខ្លួន ក្រោយពីកាប់ប្រហារលើបុរសម្នាក់ទៀតរងរបួសជាទម្ងន់ ដែលករណីនេះបានកើតឡើងកាលពីវេលាទៀបភ្លឺថ្ងៃទី២៨ ខែសីហា ២០២០ នៅចំណុចផ្ទះជួល ស្ថិតក្នុងភូមិចម្ការតែ…
ខេត្តមណ្ឌលគិរី ៖ បើតាមសេចក្តីរាយការណ៍បានឱ្យដឹងថា បុរសម្នាក់ត្រូវបានសមត្ថកិច្ចចាប់ខ្លួន ក្រោយពីកាប់ប្រហារលើបុរសម្នាក់ទៀតរងរបួសជាទម្ងន់ ដែលករណីនេះបានកើតឡើងកាលពីវេលាទៀបភ្លឺថ្ងៃទី២៨ ខែសីហា ២០២០ នៅចំណុចផ្ទះជួល ស្ថិតក្នុងភូមិចម្ការតែ សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី។
អធិការនគរបាលក្រុងសែនមនោរម្យ លោក កាន់ ពេញ បានឲ្យដឹងថា នៅម៉ោង៤និង២៥នាទីទៀបភ្លឺថ្ងៃទី២៨ ខែសីហា ចំណុចមុខផ្ទះជួលស្នាក់នៅរបស់ជនរងគ្រោះស្ថិតក្នុងភូមិចំការតែ សង្កាត់ស្ពានជ័យ ក្រុងសែនមនោរម្យ មានករណីហិង្សាដោយចេតនាមានស្ថានទម្ងន់ទោស ដោយជនដៃដល់បានកាប់ជនរងគ្រោះនឹងកាំបិតផ្គាក់ បណ្តាលឲ្យរបួសធ្ងន់ធ្ងរ (របួសកំភួនដៃឆ្វេងមួយកន្លែង និងពោះលើចង្កេះខាងឆ្វេងមួយកន្លែង) ផងដែរ។
លោកអធិការបន្តថា ហឹង្សានេះកើតឡើងដោយសារតែមូលហេតុ ទំនាស់រឿងបាត់កូនសោដោះម៉ូទ័រមួយគ្រាប់។ ក្រោយពេលកើតហេតុ និងទទួលបានដំណឹងនឹងនេះភ្លាម សមត្ថកិច្ចបានស្វែងរក រហូតឈានដល់ការឃាត់ខ្លួនជនដៃដល់បាននៅវេលាថ្ងៃដដែល។
សមត្ថកិច្ចបន្តថា ជនដៃដល់ខាងលើឈ្មោះ អ៊ីម ព្រិច ភេទប្រុស អាយុ២៩ឆ្នាំ ជនជាតិព្នង ទីលំនៅភូមិដោះក្រមុំ សង្កាត់សុខដុម ។ ចំណែកជនរងគ្រោះឈ្មោះ លីម រិទ្ធី ភេទប្រុស អាយុ២៧ឆ្នាំ ជនជាតិខ្មែរ មុខរបរជាងឈើ ស្នាក់នៅបណ្តោះអាសន្នភូមិឃុំកើតហេតុ។
បច្ចុប្បន្នជនរងគ្រោះកំពុងត្រូវបានក្រុមគ្រូពេទ្យជួយសង្គ្រោះ ចំណែកជនដៃដល់សមត្ថកិច្ចកំពុងសាកសួរនិងបន្តនីតិវិធី ដើម្បីចាត់ការតាមផ្លូវច្បាប់៕
ចែករំលែកព័តមាននេះ