រាជធានីភ្នំពេញ ៖ លោក ស ថេត ស្នងការរាជធានីភ្នំពេញបានដាក់បញ្ជាឲ្យសមត្ថកិច្ចគ្រប់ខណ្ឌទាំងអស់ នៅក្នុងរាជធានីដាក់វេនប្រចាំការ២៤ម៉ោងលើ២៤ម៉ោង ។ ជាងនេះលោកស្នងការក៏បានអំពាវនាវឲ្យពលរដ្ឋរាយការណ៍ទៅថ្នាក់ដឹកនាំ បើសិនមិនមានសមត្ថកិច្ចប្រចាំការ ។
លោក ស ថេត អគ្គស្នងការរងនគរបាលជាតិ និងជាស្នងការរាជធានីភ្នំពេញបានសរសេរលើបណ្តាញសង្គម នៅថ្ងៃទី៣១ សីហា ឆ្នាំ២០២០ថា សមត្ថកិច្ចនៃអធិការដ្ឋាននគរបាលខណ្ឌទាំង១៤ និងប៉ុស្តិ៍នគរបាលរដ្ឋបាលទាំង១០៥ ចំណុះស្នងការដ្ឋាននគរបាលរាជធានីភ្នំពេញ ត្រូវតែប្រចាំការ ២៤ម៉/២៤ម៉ ដើម្បីផ្តល់សេវា ដោះស្រាយបញ្ហានានា និងទទួលពាក្យបណ្តឹងពីប្រជាពលរដ្ឋ ។
ជាមួយគ្នានោះលោកស្នងការក៏បានលើកឡើងថា បើករណីមិនមានមន្ត្រីប្រចាំការ ឬមិនទទួលពាក្យបណ្តឹង សូមទំនាក់ទំនងលេខទូរស័ព្ទ ០៦៩ ៥១៦ ៩៩៩៕
ចែករំលែកព័តមាននេះ