ខេត្តបន្ទាយមានជ័យ ៖ ប្តីហេងស៊យញៀនថ្នាំវាធ្វើបាបប្រពន្ធកូន ត្រូវបានប្រពន្ធប្តឹងឲ្យសមត្ថកិច្ច ចាប់ខ្លួនពីបទប្រើអំពើហិង្សាដែលត្រូវបានបញ្ជូនខ្លួនទៅសាលាដំបូងខេត្តចាត់ការតាមច្បាប់នៅថ្ងៃទី២៨ ខែសីហា ឆ្នាំ២០២០។ ជនសង្ស័យមានឈ្មោះ ព្រំ ប៊ុនហូរ ភេទប្រុស អាយុ៣៥ឆ្នាំ (គ្មានមុខរបបពិតប្រាកដ) រស់នៅភូមិភូមិគោរដ្ឋាន សង្កាត់អូរអំបិល ក្រុងសិរីសោភ័ណ។
លោកវរៈសេនីយ៍ត្រី ធឿន វាសនា នាយការិយាល័យប្រឆាំងការជួញដូរមនុស្ស នៃបញ្ជាការដ្ឋាន កងរាជអាវុធហត្ថខេត្តបន្ទាយមានជ័យបានប្រាប់ថា៖
ក្រោយទទួលពាក្យបណ្តឹងឈ្មោះ ខឿន រីណា ភេទស្រី អាយុ៣២ឆ្នាំ(ត្រូវជាប្រពន្ធ) មានកូន៣នាក់ ក្នុងបន្ទុកបានប្តឹងជនសង្ស័យឈ្មោះ ព្រំ ប៊ុនហូរ ជាប្តីពីបទប្រើអំពើហិង្សា លើគ្រួសារជាប្រពន្ធ និងកូននៅពេលដែលជនសង្ស័យប្រើប្រាស់ គ្រឿងញៀន។
លោកបានបញ្ជាក់ថា ក្រោយទទួលពាកក្យបណ្តឹពីស្ត្រីរងគ្រោះដែលប្តីហេងស៊យ មិនចេះរកស៊ីហើយប្រើប្រាស់គ្រឿងញៀនហើយប្រើអំពើហិង្សាលើគ្រួសារ ដែលមិនអាចអនុគ្រោះបាន ត្រូវប្តឹងសមត្ថកិច្ចជំនាញមានចំណាត់ការឃាត់ខ្លួនកាលពីថ្ងៃទី២៨ ខែសីហា ឆ្នាំ២០២០ ស្ថិតចំណុចភូមិភូមិគោរដ្ឋាន សង្កាត់អូរអំបិល ក្រុងសិរីសោភ័ណ។ លោកវរៈសេនីយ៍ត្រី ធឿន វាសនា បានបញ្ជាក់ថា ក្រោយពេលឃាត់ខ្លួនជនសង្ស័យជាប្តីពីបទប្រើអំពើហិង្សាលើគ្រួសារ ហើយត្រូវបាននាំយកសាកសួរតាមចម្លើយត្រូវបានកសាងសំណុំរឿងបញ្ចូនទៅសាលាដំបូងខេត្តចាត់ការតាមច្បាប់៕ ដោយ ៖ ប៊ុន ធឿន
ចែករំលែកព័តមាននេះ