អេស្ប៉ាញ ៖ កីឡាករ Lionel Messi បានបដិសេធការធ្វើតេស្តរកវីរុសកូវីដ១៩ នៅថ្ងៃអាទិត្យ និងមិនចូលរួមការហ្វឹកហាត់ជាលើកដំបូង ក្រោមការដឹកនាំរបស់គ្រូបង្វឹកថ្មី លោក Ronald Koeman នៅមុនថ្ងៃច័ន្ទ ។
ក្រុមការងាររបស់ប្រធានក្រុម Barca រូបនេះ បានជូនដំណឹងជាផ្លូវការដល់ក្លិបថា ខ្សែប្រយុទ្ធអាហ្សង់ទីនវ័យ ៣៣ឆ្នាំខាងលើ និងមិនចូលរួមការធ្វើតេស្តវេជ្ជសាស្ត្ររកកូវីដ១៩ និងការហ្វឹកហាត់ត្រៀមមុនពេលបើករដូវកាលថ្មី។ កាលពីពេលថ្មីៗនេះ Messi ត្រូវបានបដិសេធដោយក្លិប Barca ដើម្បីជួបពិភាក្សាជុំវិញកុងត្រានៅសល់របស់ខ្លួន ដើម្បីអនុញ្ញាតឱ្យគេអាចចាកចេញពីក្លិបយក្សកាតាឡាន់មួយនេះ។ ស្របពេលដែលដំណឹង នៃការផ្ទេរទៅចូលរួមជាមួយ Man City កំពុងកក្រើកខ្លាំង។ ហើយនេះ ជាមូលហេតុដែលជំរុញឱ្យរូបគេ បដិសេធមិនចូលរួមសកម្មភាពបន្តបន្ទាប់របស់ក្លិប។
បច្ចុប្បន្ន Messi នៅតែប្រកាន់ជំហរក្នុងការចាកចេញពី Barca នៅរដូវក្តៅនេះ បើទោះបីជាការចរចាពីសំណាក់ក្លិបមួយនេះយ៉ាងក្តី៕ (ដកស្រង់ចេញពី Goal.com)
ចែករំលែកព័តមាននេះ