ជប៉ុន ៖ ក្រុមហ៊ុនជប៉ុនមួយបានប្រកាសពីការបើកបរសាកល្បងដោយជោគជ័យនៃរថយន្តហោះ។ ក្រុមហ៊ុនបាននិយាយនៅក្នុងសេចក្តីប្រកាសព័ត៌មានមួយថា៖ «ក្រុមហ៊ុន Sky Drive Inc បានធ្វើការសាកល្បងបង្ហោះរថយន្តហោះជាសាធារណៈ នៅថ្ងៃទី២៥…
ជប៉ុន ៖ ក្រុមហ៊ុនជប៉ុនមួយបានប្រកាសពីការបើកបរសាកល្បងដោយជោគជ័យនៃរថយន្តហោះ។
ក្រុមហ៊ុនបាននិយាយនៅក្នុងសេចក្តីប្រកាសព័ត៌មានមួយថា៖ «ក្រុមហ៊ុន Sky Drive Inc បានធ្វើការសាកល្បងបង្ហោះរថយន្តហោះជាសាធារណៈ នៅថ្ងៃទី២៥ ខែសីហានេះ នៅឯទីលានតូយ៉ូតា ដែលជាកន្លែងធំជាងគេមួយនៅក្នុងប្រទេសជប៉ុន និងជាមូលដ្ឋានអភិវឌ្ឍន៍របស់ក្រុមហ៊ុនរថយន្ត។ វាជាការបង្ហាញជាសាធារណៈលើកដំបូងសម្រាប់រថយន្តហោះក្នុងប្រវត្តិសាស្ត្រជប៉ុន»។
រថយន្តនោះមានឈ្មោះថា SD-03 ដែលបើកបរដោយអ្នកបើកបរម្នាក់ ហើយបានបើកហោះឡើង និងហោះជុំវិញជាច្រើនជុំ រយៈពេលប្រហែល៤នាទី។
នាយកប្រតិបត្តិលោក Tomohiro Fukuzawa បាននិយាយនៅក្នុងសេចក្តីថ្លែងការណ៍មួយថា៖ «យើងមានការរំភើបចិត្តយ៉ាងខ្លាំង ដែលទទួលបានការបើករថយន្តហោះរបស់ជប៉ុនជាលើកដំបូង ក្នុងរយៈពេល២ឆ្នាំតាំងពីយើងបង្កើតក្រុមហ៊ុន SkyDrive នេះឡើង ជាមួយនឹងគោលបំណងផលិតយានយន្តហោះបែបនេះ»។
យើងចង់ដឹងអំពីសង្គមមួយ ដែលរថយន្តហោះ គឺជាមធ្យោបាយដឹកជញ្ជូន និងអាចចូលដំណើរការបាន និងងាយស្រួលនៅលើមេឃ ហើយប្រជាជនអាចទទួលបាននូវផ្លូវជីវិតថ្មីប្រកបដោយសុវត្ថិភាពសន្តិសុខ និងផាសុខភាព។
យោងតាមក្រុមហ៊ុនបានឱ្យដឹងថា រថយន្តហោះ SD-03 គឺជារថយន្តហោះតូចជាងគេបំផុតនៅលើពិភពលោក និងត្រូវការកន្លែងចតត្រឹមប៉ុនរថយន្តធម្មតាពីរប៉ុណ្ណោះ។ វាមានម៉ូទ័រ៨ ដើម្បីធានាសុវត្ថិភាពក្នុងស្ថានភាពអាសន្ន។
ភាពជោគជ័យនៃការហោះហើរនេះ មានន័យថា វាទំនងជារថយន្តដែលនឹងត្រូវបានសាកល្បងនៅក្រៅទីលានតេស្តតូយ៉ូតានៅចុងឆ្នាំនេះ។ សេចក្តីប្រកាសព័ត៌មានបាននិយាយថា ក្រុមហ៊ុននឹងបន្តអភិវឌ្ឍបច្ចេកវិទ្យា ដើម្បីបើកដំណើរការរថយន្តហោះនៅឆ្នាំ ២០២៣ ដោយសុវត្ថិភាព។ គេមិនទាន់បានប្រកាសពីតម្លៃរបស់វានៅឡើយទេ៕ ដកស្រង់ចេញពីវេបសាយ ៖ cnn
ចែករំលែកព័តមាននេះ