គ្រោងបញ្ជូនចិននិងខ្មែរប្រមាណ២០ម្នាក់ទៅតុលាការ
- ភ្នំពេញ
រាជធានីភ្នំពេញ ៖ តាមប្រភពព័ត៌មានបង្ហើបពីសមត្ថកិច្ចមិនទាន់ជាផ្លូវការ នារសៀលថ្ងៃទី២៨ ខែសីហា នេះឱ្យ ដឹង ថា ក្រោយពីសាកសួរមនុស្សប្រុសស្រីចំនួន១០១ នាក់…
រាជធានីភ្នំពេញ ៖ តាមប្រភពព័ត៌មានបង្ហើបពីសមត្ថកិច្ចមិនទាន់ជាផ្លូវការ នារសៀលថ្ងៃទី២៨ ខែសីហា នេះឱ្យ ដឹង ថា ក្រោយពីសាកសួរមនុស្សប្រុសស្រីចំនួន១០១ នាក់ ដែលមានខ្មែរ២៦ នាក់ និងជនបរទេស៧៥ នាក់ ពាក់ពន្ធការបង្ក្រាប នៅទីតាំងខារ៉ាអូខេយីហោ Go១៨ អាចមានមនុស្សប្រមាណ២០ នាក់ និងត្រូវកសាងសំណុំរឿងបញ្ជូនទៅតុលាការ ។ មនុស្សប្រមាណ២០ នាក់នោះ រងនូវការចោទប្រកាន់ពីបទ.ផ្តល់ទីតាំង រក្សាទុក ចាត់ចែង ដឹកជញ្ជូន នឹងជួញដូរដោយខុសច្បាប់នូវសារធាតុញៀន ចំណែកប៉ុន្មាននាក់ទៀតដែលពិនិត្យ និងរកមិនឃើញជាប់ពាក់ពន្ធបទល្មើស អាចអនុញ្ញាតិឲ្យទៅផ្ទះវិញ ដោយគ្រាន់តែមានការអប់រំណែនាំមិនអនុញ្ញាតិឲ្យស្ថិតក្នុងភាពប្រមូលផ្តុំ ពពាក់ពពូនគ្នាច្រើនដូច្នោះទៀត ។
សូមបញ្ជាក់ថា កាលពីវេលាម៉ោង១និង១៥នាទីលងអាធ្រាត្រឈានចូលថ្ងៃទី២៦ សីហា ឆ្នាំ២០២០២ កម្លាំងសមត្ថកិច្ចនគរបាលការិយាល័យព្រហ្មទណ្ឌកម្រិតស្រាល រាជធានីភ្នំពេញ សហការជាមួយនឹងកម្លាំងអន្តរាគមន៍ពិសេស បានធ្វើការឆ្មក់ចូលទៅបង្ក្រាប ទីតាំងខារ៉ាអូខេ Go១៨ មួយ កន្លែង ដែល មាន មនុស្ស ប្រុស ស្រី ចូល ទៅ ប្រើប្រាស់ ថ្នាំក្រ វី និងជួញដូរ គ្រឿងញៀន ជាច្រើននាក់ ស្ថិតនៅតាម បណ្តោយ ផ្លូវ ២០៦ កែង ផ្លូវ២១៩ នៅម្តុំ ផ្សារដេប៉ូ ស្ថិតក្នុងសង្កាត់ផ្សារដេប៉ូ១ ខណ្ឌទួលគោក ។
តាមប្រភពពីសមត្ថកិច្ចបានឲ្យដឹងថា ដោយមានបទបញ្ជាដោយផ្ទាល់ពីលោកឧត្តមសេនីយ៍ឯក ស ថេ ត អគ្គស្នងការង និងជាស្នងការនគរបាលរាជធានីភ្នំពេញបានបញ្ជាឲ្យកម្លាំងជំនាញគ្រប់ផ្នែក ជាពិសេសលោក វរសេនីយ៍ឯកប៊ុ ន សត្យា ប្រធាន ការិយាល័យព្រហ្មទណ្ឌកំរិតស្រាលឲ្យធ្វើការស្រាវជ្រាវ ទើបឈានទៅដល់ធ្វើការ បង្ក្រាបនៅទីតាំងខារ៉ាអូខេខាងលើ ( ដែលជាអតីតឌឹកព្រីវេ ) តែ បច្ចុប្បន្ន បែរជាបើកមានបង្កប់ទៅដោយកន្លែងប្រើប្រាស់នៃថ្នាំក្រវីទៅវិញ ។
ក្នុងនោះ សមត្ថកិច្ច បញ្ជាក់ផងដែរថា ប្រតិបត្តិការខាងលើនេះ បានឃាត់ខ្លួនមនុស្ស ទាំងអស់ចំ១០១នាក់ ដែលក្នុងនោះ មានទាំងខ្មែរ និងចិន រួមទាំង បុគ្គលិកធ្វើការ ក្នុងខារ៉ាអូខេផងដែរ ។ ចំណែកឯរថយន្តវិញ មាន គ្រប់ ប្រភេទចំនួន ១៨គ្រឿង ថ្នាំ ញៀនជាច្រើនកញ្ចប់ រួមទាំងដប ថ្នាំគ្រវីនិង ថ្នាំគ្រវីជាច្រើនទៀតផង ។ ក្រោយពីឃាត់ខ្លួនមនុស្សទាំង ត្រូវ បាន កម្លាំង ជំនាញ ធ្វើការ ដឹក បញ្ជូន ន ទៅ កាន់ ស្នងការ រាជធានី ភ្នំពេញ ដើម្បី ចាត់ការ តាម នីតិវិធី ។
គួរបញ្ជាក់ថា ទីតាំងខារ៉ាអូខេខាងលើនេះ ធ្លាប់ត្រូវបានសមត្ថកិច្ចចុះបិទម្តងរួចមកហើយ ព្រោះតែមិនស្តាប់តាមការណែនាំរបស់រាជរដ្ឋាភិបាលដែលបានឱ្យម្ចាស់ទីតាំង ធ្វើកិច្ចសន្យាផ្លាស់ប្តូរពីខារ៉ាអូខេទៅជាភោជនីយដ្ឋា វិញ ហើយម្ចាស់ទីតាំងក៏បានសុំ ច្បាប់កែប្រែពីខារ៉ាអូខេទៅបើកជាភោជនីយដ្ឋាន Go18 ប៉ុន្តែ ស្រាប់តែ លើកនេះ នៅតែបើកខារ៉ាអូខេដដែល ថែមទាំងមានការជួញដូរគ្រឿងញៀន ជាច្រើនកញ្ចប់ និងប្រើប្រាស់ថ្នាំគ្រវីទៀតផង ៕
ចែករំលែកព័តមាននេះ