ខេត្តកំពង់ឆ្នាំង ៖ បុរសម្នាក់បានស្លាប់ពេលដឹកទៅសង្គ្រោះបន្ទាន់នៅមន្ទីរពេទ្យបង្អែកខេត្តកំពង់ឆ្នាំង បន្ទាប់ពីកំពុងអារច្រៀកឈើនឹងរណាយន្ត ត្រូវកំណាត់ឈើវាត់ចំបំពង់ក ដែលហេតុការណ៍ភ្ញាក់ផ្អើលខាងលើនេះបានកើតឡើងកាល ពីវេលាម៉ោង១០និង០០នាទី ព្រឹកថ្ងៃទី២៧ ខែសីហា ឆ្នាំ២០២០…
ខេត្តកំពង់ឆ្នាំង ៖ បុរសម្នាក់បានស្លាប់ពេលដឹកទៅសង្គ្រោះបន្ទាន់នៅមន្ទីរពេទ្យបង្អែកខេត្តកំពង់ឆ្នាំង បន្ទាប់ពីកំពុងអារច្រៀកឈើនឹងរណាយន្ត ត្រូវកំណាត់ឈើវាត់ចំបំពង់ក ដែលហេតុការណ៍ភ្ញាក់ផ្អើលខាងលើនេះបានកើតឡើងកាល ពីវេលាម៉ោង១០និង០០នាទី ព្រឹកថ្ងៃទី២៧ ខែសីហា ឆ្នាំ២០២០ ដែលស្ថិតនៅក្នុងភូមិត្រពាំងតាសុខ ឃុំព្រៃមូល ស្រុករលាប្អៀរ ខេត្តកំពង់ឆ្នាំង ។
នាយប៉ុសន៍នគបាលឃុំព្រៃមូល លោកវរៈសេនីយ៍ត្រី តុប សារឿន បានអោយដឹងតាមរយៈទូរស័ព្ទថា ជនរងគ្រោះមានឈ្មោះ អ៊ុន ចាន់សុភ័ស្ស ភេទប្រុស អាយុ៣៦ឆ្នាំ ប្រពន្ធមានឈ្មោះ ប្រេង មានកូន៣នាក់ នៅក្នុងបន្ទុករស់នៅក្នុងភូមិ ឃុំកើតហេតុខាងលើ ។
សមត្ថកិច្ចនគរបាលប៉ុស្តិ៍រដ្ឋបាលឃុំព្រៃមូល បានឲ្យដឹងទៀតថា នៅមុនពេលកើតហេតុជនរងគ្រោះបានយកឈើមួយដុំ ទៅដាក់អារច្រៀកលើតុអារ ខណៈដែលម៉ាស៊ីនអាឈើទើបត្រូវបានជួសជុលរួច ។ ពេលកំពុងតែអារក៏បានដាច់បាក់ចំរៀកឈើមួយចំណែកហោះមកបុកចូលទៅបំពង់ក បណ្តាលឲ្យជនរងគ្រោះរងរបួសឈាមជោកខ្លួន ។
ក្រោយពេលកើតហេតុជនរងគ្រោះត្រូវបានក្រុមគ្រួសារសាច់ញាតិ បញ្ជូនមកសង្គ្រោះបន្ទាន់នៅមន្ទីរពេទ្យខេត្ត តែដោយសារស្ថានភាពរបសធ្ងន់ធ្ងរពេកបណ្តាលឲ្យជនរងគ្រោះស្លាប់តែម្តង ហើយត្រូវបានក្រុមគ្រួសារដឹកយកទៅធ្វើបុណ្យតាមប្រពៃណី ៕
ចែករំលែកព័តមាននេះ