អាល្លឺម៉ង់ ៖ មជ្ឈមណ្ឌលការពារជំងឺរបស់អាល្លឺម៉ង់បាននិយាយកាលពីថ្ងៃព្រហស្បតិ៍ថា អាជ្ញាធរសុខាភិបាលអាឡឺម៉ង់រំពឹងថា វ៉ាក់សាំងមួយ ឬច្រើន ដែលផលិតមកសម្រាប់ការពារការឆ្លងជំងឺកូវីដ នឹងត្រូវបានត្រៀមរួចរាល់នៅដើមឆ្នាំ២០២១។
វិទ្យាស្ថាន Robert-Koch (RKI) បាននិយាយថា៖ «ទិន្នន័យបច្ចុប្បន្នបានបង្ហាញថា វ៉ាក់សាំងប្រឆាំងនឹងកូវីដ១៩ មានមួយឬច្រើន ត្រូវបានគេរំពឹងថានឹងត្រូវបានទទួលស្គាល់សម្រាប់ការផលិតប្រើប្រាស់ដំបូង នៅដើមឆ្នាំ២០២១»។
ជាមួយគ្នានេះដែរ វិទ្យាស្ថាននេះក៏បានព្រមានផងដែរថា អាចមានការខ្វះខាតនៃវ៉ាក់សាំងការពារកូវីដ១៩ ដែលនឹងអាចផលិតបាននេះ។
RKI បានបន្ថែមទៀតថា៖ «វាត្រូវបានគេរំពឹងថា នៅពេលចាប់ផ្តើមនឹងមិនមានវ៉ាក់សាំងគ្រប់គ្រាន់សម្រាប់ប្រជាជនទាំងមូលទេ ដូច្នេះអាទិភាពគឺចាំបាច់» ។
បច្ចុប្បន្នប្រទេសអាល្លឺម៉ង់ មានក្រុមហ៊ុនដាក់ពាក្យធ្វើវ៉ាក់សាំងជាច្រើនក្នុងដំណាក់កាលនៃការធ្វើតេស្តផ្សេងៗគ្នា។ ក្នុងចំណោមការជឿនលឿនបំផុត គឺការខិតខំប្រឹងប្រែងរបស់ក្រុមហ៊ុន Biontech / Pfizer និង CureVac ដែលទាំងពីរបានទទួលជំនួយពិសេសពីរដ្ឋាភិបាលអាល្លឺម៉ង់ ដើម្បីពន្លឿនការសាកល្បងនិងពង្រីកសមត្ថភាពផលិតកម្ម៕ ដកស្រង់ចេញពីវេបសាយ ៖ cnn (កែសម្រួលដោយ ៖ បុប្ផា)
ចែករំលែកព័តមាននេះ