ខេត្តបន្ទាយមានជ័យ ៖ ទូទាំងខេត្តបន្ទាយមានជ័យ ស្រូវដែលប៉ះពាល់មានផ្ទៃដីជាង៨ម៉ឺនហិកតា ប៉ុន្តែបើសិនជាមានភ្លៀងអំឡុងសប្តាហ៍នេះ គឺអាចផុតពីការប៉ះពាល់ ។
លោក ប៉ាង វណ្ណាសេដ្ឋ ប្រធានមន្ទីកសិកម្ម រុក្ខាប្រម៉ាញ់និងនេសាទខេត្តបន្ទាយមានជ័យបានប្រាប់ថា៖ ក្រោយចុះពិនិត្យស្ថានភាពស្រូវដែលរងផលប៉ះពាល់គ្មានទឹកក្នុងស្រែនៅស្រុកអូរជ្រៅ ដោយគ្រោះរាំងស្ងួតត្រូវបានអូសបន្លាយគ្មានទឹកក្នុងស្រែដែលប៉ះពាល់នៅផ្នែកខាងត្បូងផ្លូវជាតិលេខ៥ មានផ្ទៃដី៣.៨០១ហិកតា ខូខខាត២៦០ហិកតានិងនៅផ្នែកខាងជើងផ្លូវជាតិលេខ៥ មានទឹកអាចបូមឬបង្ហូរចូលស្រែបានដោយទឹកធ្លាក់ពីស្រុកស្វាយចេកដោយទឹកភ្លៀង។
លោកបានបញ្ជាក់ថា កាលពីខែមិថុនាដល់ខែកក្កដា ឆ្នាំ២០២០កន្លងទៅនេះ ដោយគ្រោះរាំងស្ងួត ត្រូវបានអូសបន្លាយគ្មានទឹកស្រូវដែលប៉ះពាល់មានផ្ទៃដី៤៨.៨៨២ហិកតាក្នុងនោះមានស្រូវធ្ងន់៤.៣៣២ហិកតា ស្រូវកណ្តាល១៦.៥៦០ហិកតា ស្រូវស្រាល២៧.៩៩០ហិកតា និងខូចខាតមានផ្ទៃដី២.៧៨០ហិកតា ស្រូវស្រាលមាន២.៧៨០ហិកតា។
លោក ប៉ាង វណ្ណាសេដ្ឋ បានបញ្ជាក់ថា៖រហូតដល់ថ្ងៃទី២៧ ខែសីហា ឆ្នាំ២០២០នេះស្រូវដែលប៉ពាំល់មានផ្ទៃដី៨ម៉ឺនហិកតា ដែលប៉ៈពាល់មានស្រុកអូរជ្រៅ ស្រុកមង្គលបូរី ក្រុងសិរីសោផ័ណ បើសិនជាមានភ្លៀងធ្លាក់រយៈពេល១សប្តាហ៍ទៀតអាចថាស្រូវផុតពីផលប៉ះពាល់មានតិចតួច ហើយជាក់ស្តែងដែលឯកឧត្តម អ៊ុំ រាត្រី អភិបាលខេត្តបន្ទាយមានជ័យ ដឹកនាំមន្ត្រីមន្ទីជំនាញចុះពិនិត្យស្ថានភាពស្រូវរងផលប៉ះពាល់ដើម្បីរកវិធីរំដោះដោយរកប្រភពទឹកបូបដាក់ ដើម្បីសង្គ្រោះស្រូវប៉ះពាល់ ។
ចែករំលែកព័តមាននេះ