ឈាមស្រែកស្បែកហៅ ! ចាប់បានឃាតកដែលចាក់សម្លា.ប់មិត្តភក្តិខ្លួនឯង
- កណ្តាល
ខេត្តកណ្តាល ៖ លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល នាព្រលប់ថ្ងៃទី២៧ ខែសីហា ឆ្នាំ២០២០នេះ បានប្រាប់ឲ្យដឹងថា…
ខេត្តកណ្តាល ៖ លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល នាព្រលប់ថ្ងៃទី២៧ ខែសីហា ឆ្នាំ២០២០នេះ បានប្រាប់ឲ្យដឹងថា ឃាតកដែលចាក់សម្លាប់មិត្តភក្តិខ្លួនឯងនៅស្រុកស្អាង ត្រូវបានសមត្ថកិច្ចចាប់ខ្លួនបានហើយនៅខេត្តពោធិ៍សាត់។ ការឃាត់ខ្លួននេះដោយមានការបញ្ជាដ៏ម៉ឺងម៉ាត់ ពីសំណាក់លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បានឲ្យផែនព្រហ្មទណ្ឌ ដឹកនាំដោយលោកវរសេនីយ៍ឯក ឡាក់ ម៉េងធី នាយការិយាល័យព្រហ្មទណ្ឌកម្រិតស្រាល នៃស្នងការដ្ឋាន នគរបាលខេត្តកណ្តាល សហការជាមួយកម្លាំងព្រហ្មទណ្ឌក្រសួងមហាផ្ទៃ និងមានការសម្របសម្រួល នីតិវិធីពីលោក ឯក ស៊ុនរស្មី ព្រះរាជអាជ្ញារងអមសាលាដំបូងខេត្តកណ្តាល។
សូមបញ្ជាក់ថា ជនរងគ្រោះដែលស្លាប់មានឈ្មោះ លី ពីពី អាយុ២០ឆ្នាំ និងជនល្មើសឈ្មោះ គក សំបូរ ហៅអាធំ អាយុ២០ឆ្នាំ គឺ ជាមិត្តភក្តិជិតដិតនឹងគ្នា។ ជនសង្ស័យមានឈ្មោះ គក សំបូរ ហៅអាធំ។ អំពើឃាតកម្មនេះ បានកើតឡើងកាលពី វេលាម៉ោង០៦ និង៣០នាទីយប់ ថ្ងៃទី២០ ខែសីហា ឆ្នាំ២០២០ នៅចំណុចភូមិក្បាលកោះ ឃុំកោះខ្សាច់ទន្លា ស្រុកស្អាង ខេត្តកណ្តាល។ តាមដំណើររឿងគឺ នៅថ្ងៃកើតហេតុ ឈ្មោះ គក សំបូរ ហៅអាធំ បានឈ្លោះគ្នាជាមួយ អ្នកដទៃទេក្នុងវង់ផឹកស៊ី។
ប៉ុន្តែជនរងគ្រោះឈ្មោះ លី ពីពី បានស្តីប្រដៅថាឲ្យក្នុងនាមជាមិត្តភក្តិថា ផឹកស៊ីស្រវឹងចេះតែបង្ករឿងបែបនេះធ្វើឲ្យជនល្មើស គក សំបូរ ខឹងតែម្តង។ លុះដល់ពេលជនរងគ្រោះ ជិះម៉ូតូចេញមក ក៏ជនល្មើសជិះតាមពីក្រោយចាក់សម្លាប់តែម្តងរួចបានគេចខ្លួនបាត់ស្រមោល៕ ដោយ ៖ ប៉ឹង ឆដា
ចែករំលែកព័តមាននេះ