រាជធានីភ្នំពេញ ៖ ចៅក្រមស៊ើបសួរសាលាដំបូងរាជធានីភ្នំពេញ កាលពីរសៀលថ្ងៃទី២៦ ខែសីហា ឆ្នាំ២០២០ បានចេញដីកាសម្រេចឃុំខ្លួនបុរសជនជាតិចិន៣នាក់ ដាក់ពន្ធនាគារជាបណ្តោះអាសន្ន ពាក់ពន្ធពីបទ.ប្រើអំពើហិង្សាលើជនជាតិចិនដូចគ្នា។ ជនសង្ស័យ៣នាក់នោះ…
រាជធានីភ្នំពេញ ៖ ចៅក្រមស៊ើបសួរសាលាដំបូងរាជធានីភ្នំពេញ កាលពីរសៀលថ្ងៃទី២៦ ខែសីហា ឆ្នាំ២០២០ បានចេញដីកាសម្រេចឃុំខ្លួនបុរសជនជាតិចិន៣នាក់ ដាក់ពន្ធនាគារជាបណ្តោះអាសន្ន ពាក់ពន្ធពីបទ.ប្រើអំពើហិង្សាលើជនជាតិចិនដូចគ្នា។ ជនសង្ស័យ៣នាក់នោះ ១.ឈ្មោះ យ៉ាវ អ៊ីវស៊ឹង (zhou tong an) ភេទប្រុស អាយុ៤៧ឆ្នាំ ទីកន្លែងកំណើតប្រទេសចិន មានទីលំនៅបច្ចុប្បន្ន ស្រុកអន្លង់វែង ខេត្តឧត្តមានជ័យ ជាមេការវិស្វករអណ្ដូងរ៉ែ។ ២.ឈ្មោះ wu Hongbo ភេទប្រុស អាយុ៣៣ឆ្នាំ ទីកន្លែងកំណើតប្រទេសចិន មកស្នាក់នៅស្រុកអន្លង់វែង ខេត្តឧត្តមានជ័យ មានមុខរបរជាកម្មករអណ្ដូងរ៉ែ។
និង៣.ឈ្មោះ Gao Ping ភេទប្រុស អាយុ៤៧ឆ្នាំ ទីកន្លែងកំណើតប្រទេសចិន មកស្នាក់ស្រុកអន្លង់វែង ខេត្តឧត្តមានជ័យ មានមុខរបរជាកម្មករអណ្ដូងរ៉ែ ។ ដើមចមបណ្តាលឲ្យចៅក្រមស៊ើបសួរសម្រេចឃុំខ្លួនជនជាតិចិន៣ នាក់នោះត្រូវបានគេដឹងថា ជនសង្ស័យបានប្រព្រឹត្តបទល្មើសប្រើអំពើហិង្សា វាយជនជាតិចិនដូចគ្នា កាលពីថ្ងៃទី៤ សីហា ឆ្នាំ២០២០ នៅខេត្តឧត្តមានជ័យ បណ្ដាលឲ្យភាគីម្ខាងមានរបួសស្នាមធ្ងន់ធ្ងរ។ ក្រោយពីកើតមានរឿងរ៉ាវនៅខេត្តឧត្តរមានជ័យនោះមក ជនសង្ស័យទាំង៣នាក់ បានគេចខ្លួនមកស្នាក់នៅក្នុងខណ្ឌពោធិសែនជ័យ រាជធានីភ្នំពេញ។
លុះនៅថ្ងៃទី២០ ខែសីហា ឆ្នាំ២០២០ ពួកគេទាំង៣នាក់ បានប្រព្រឹត្តបទល្មើសវាតប់គ្នាទៅ លើអ្នកដទៃ១លើកទៀត។ ដូច្នេះករណីលើកទី២ នេះត្រូវបានកម្លាំងសមត្ថកិច្ចនគរបាលក្រសួងមហាផ្ទៃ ឃាត់ខ្លួន និងកសាងសំណុំរឿងបញ្ជូនសាលា ដំបូងរាជធានីភ្នំពេញ ដែលស្ថាប័នអយ្យការបានបើក ការស៊ើបយ៉ាងពេញលេញ រហូតមានការចោទប្រកាន់ជាផ្លូវការពីបទ.ហិង្សាដោយចេតនា ទើបចៅក្រមស៊ើបសួរសម្រេចឃុំខ្លួនជនជាតិចិនទាំង៣ នាក់ដាក់ពន្ធនាគារជាបណ្តោះអាសន្ន៕ ដោយ ៖ ឃឹម ប៊ុនណាក់
ចែករំលែកព័តមាននេះ