តើ Messi ឬលោក Bartomeu ដែលនឹងត្រូវដើរចេញពីក្លិប Barcelona ?
អេស្ប៉ាញ ៖ សំនួរជាច្រើនត្រូវបានចោទសួរថា តើក្លិប Barcelona នឹងអនុញ្ញាតឱ្យប្រធានក្រុម Lionel Messi ដើរចេញ ឬក៏បញ្ឈប់តួនាទីរបស់ប្រធានក្លិបលោក…
អេស្ប៉ាញ ៖ សំនួរជាច្រើនត្រូវបានចោទសួរថា តើក្លិប Barcelona នឹងអនុញ្ញាតឱ្យប្រធានក្រុម Lionel Messi ដើរចេញ ឬក៏បញ្ឈប់តួនាទីរបស់ប្រធានក្លិបលោក…
អេស្ប៉ាញ ៖ សំនួរជាច្រើនត្រូវបានចោទសួរថា តើក្លិប Barcelona នឹងអនុញ្ញាតឱ្យប្រធានក្រុម Lionel Messi ដើរចេញ ឬក៏បញ្ឈប់តួនាទីរបស់ប្រធានក្លិបលោក Josep Maria Bartomeu?
គិតមកទល់ពេលនេះ បញ្ហារបស់ Barca កំពុងក្លាយជាប្រធានបទដ៏ក្តៅលើបណ្តាញសារព័ត៌មានជុំវិញពិភពលោក។ ក្រោយពីការលេចចេញដំណឹង ដែលខ្សែប្រយុទ្ធអាហ្សង់ទីន Lionel Messi បានប្រាប់ក្លិបដោយផ្ទាល់ថា រូបគេមិនមានបំណងចង់បន្តជាមួយក្លិបយក្សនៅតំបន់កាតាឡាន់ទៀតទេ។ ដំណឹងនេះ បានធ្វើឱ្យអ្នកគាំទ្រមានការខឹងសម្បារយ៉ាងខ្លាំង ដោយបានប្រមូលផ្តុំគ្នានៅខាងក្រៅកីឡដ្ឋាន Camp Nou ដើម្បីទាមទារឱ្យក្លិបបញ្ចប់តំណែងប្រធានក្លិបគឺលោក Bartomeu។
គូសបញ្ជាក់ថា អ្នកគាំទ្រមានការមិនពេញចិត្តយ៉ាងខ្លាំង ចំពោះការសម្រេចចិត្តកន្លងមករបស់លោក Bartomeu។ ចាប់តាំងពីលោកបានសម្រេចបញ្ចប់តួនាទី អ្នកចាត់ការទូទៅក្លិបលោក Ernesto Valverde ហើយតែងតាំងលោក Quique Setién ឡើងមកជំនួសវិញ។ ការដឹកនាំរបស់លោក Setién មិនបានជួយ Barca ទទួលបានជោគជ័យនោះទេ ដោយបានបរាជ័យក្នុងការប្រជែងជើងឯក La Liga ជាមួយ Real Madrid និងភ្លាត់ចាញ់ក្រុម Bayern Munich យ៉ាងអាម៉ាស់បំផុតនៅ Champions League ទៀតផង។ មុនពេលត្រូវក្លិបបណ្តេញចេញ។
យោងតាមប្រព័ន្ធផ្សព្វផ្សាយនៅប្រទេសអេស្ប៉ាញបានឱ្យដឹងថា នឹងមានការជួបប្រជុំរវាងក្រុមប្រឹក្សាទាំងអស់ រួមទាំងអ្នកចាត់ការទូទៅថ្មី លោក Ronald Koeman ដើម្បីដោះស្រាយបញ្ហាដែលកំពុងជ្រួលច្របល់មួយនេះ។ រង់ចាំមើលថា តើនឹងមានរឿងអ្វីកើតបន្តទៀត? (ដកស្រង់ចេញពី Marca)
ចែករំលែកព័តមាននេះ