អេស្ប៉ាញ ៖ អេស្ប៉ាញបាននិយាយកាលពីថ្ងៃអង្គារ៍ថា ខ្លួននឹងអំពាវនាវដល់កងទ័ពដើម្បីព្យាយាមជួយទប់ស្កាត់ការរីករាលដាលនៃវីរុស ខណៈដែលនៅផ្នែកខ្លះនៃទ្វីបអឺរ៉ុប និងអាស៊ីកំពុងតែមានការកើនឡើងករណីថ្មី។ តែសម្រាប់ទិន្នន័យពីទីភ្នាក់ងារសុខាភិបាលរបស់អង្គការសហប្រជាជាតិវិញ គឺថា វាមានភាពប្រសើរហើយចំពោះករណីឆ្លង។ រដ្ឋាភិបាលបានបង្កើនកិច្ចប្រឹងប្រែង…
អេស្ប៉ាញ ៖ អេស្ប៉ាញបាននិយាយកាលពីថ្ងៃអង្គារ៍ថា ខ្លួននឹងអំពាវនាវដល់កងទ័ពដើម្បីព្យាយាមជួយទប់ស្កាត់ការរីករាលដាលនៃវីរុស ខណៈដែលនៅផ្នែកខ្លះនៃទ្វីបអឺរ៉ុប និងអាស៊ីកំពុងតែមានការកើនឡើងករណីថ្មី។ តែសម្រាប់ទិន្នន័យពីទីភ្នាក់ងារសុខាភិបាលរបស់អង្គការសហប្រជាជាតិវិញ គឺថា វាមានភាពប្រសើរហើយចំពោះករណីឆ្លង។
រដ្ឋាភិបាលបានបង្កើនកិច្ចប្រឹងប្រែង ដើម្បីទប់ទល់នឹងជំងឺនេះ ដែលបានឆក់យកអាយុជីវិតមនុស្សជិត ៨១៤,០០០នាក់ និងបានឆ្លងយ៉ាងហោចណាស់ ២៣លាននាក់ចាប់តាំងពីចុងឆ្នាំមុន។
ទិន្នន័យរបស់អង្គការសុខភាពពិភពលោកបាននិយាយថា អត្រាមរណភាព និងការឆ្លងកំពុងមានភាពធូរស្រាលនៅក្នុងតំបន់ភាគច្រើន ជាពិសេសនៅអាមេរិក ដែលរងគ្រោះខ្លាំងលើកលែងតែតំបន់អាស៊ីអាគ្នេយ៍ និងខាងកើតមេឌីទែរ៉ាណេ។ ប៉ុន្តែប្រទេសមួយចំនួនកំពុងប្រឈមមុខនឹងឆ្លងថ្មីជាចង្កោម។
អេស្ប៉ាញដែលជាប្រទេសមួយ ដែលរងគ្រោះខ្លាំងជាងគេនៅអឺរ៉ុប គឺត្រូវប្រើទាហាន ២០០០នាក់ ដែលត្រូវបានបណ្តុះបណ្តាលក្នុងការតាមដាន ដើម្បីជួយតំបន់នានាក្នុងការកំណត់អត្តសញ្ញាណអ្នកដែលត្រូវបានប៉ះពាល់នឹងអ្នកឆ្លង។
នាយករដ្ឋមន្ត្រីលោក Pedro Sanchez ដែលបានពណ៌នាពីការកើនឡើងនៃការឆ្លងក្នុងគ្រួសារថា ៖ «យើងមិនអាចអនុញ្ញាតឱ្យមានការរាតត្បាតជាថ្មីម្តងទៀតទេ។ យើងត្រូវតែបញ្ឈប់វាមិនឱ្យមានរលកទីពីរជាដាច់ខាត»៕ ដកស្រង់ចេញពីវេបសាយ ៖ bangkokpost (កែសម្រួលដោយ ៖ បុប្ផា)
ចែករំលែកព័តមាននេះ