រាជធានីភ្នំពេញ ៖ កម្លាំងនគរបាលព្រហ្មទណ្ឌខណ្ឌដូនពេញ កាលពីព្រឹកថ្ងៃទី២៥ សីហា ឆ្នាំ២០២០ បានបញ្ជូនខ្លួនជនសង្ស័យមួយក្រុមចំនួន៦នាក់ ដែលជាប់ពាក់ព័ន្ធករណីលួចផ្លាកលេខរថយន្ត ករណីក្លែងបន្លំឯកសារសាធារណៈ និងសមគំនិតទទួលផលចោរកម្មទៅកាន់សាលាដំបូងរាជរាជធានីភ្នំពេញ…
រាជធានីភ្នំពេញ ៖ កម្លាំងនគរបាលព្រហ្មទណ្ឌខណ្ឌដូនពេញ កាលពីព្រឹកថ្ងៃទី២៥ សីហា ឆ្នាំ២០២០ បានបញ្ជូនខ្លួនជនសង្ស័យមួយក្រុមចំនួន៦នាក់ ដែលជាប់ពាក់ព័ន្ធករណីលួចផ្លាកលេខរថយន្ត ករណីក្លែងបន្លំឯកសារសាធារណៈ និងសមគំនិតទទួលផលចោរកម្មទៅកាន់សាលាដំបូងរាជរាជធានីភ្នំពេញ ដើម្បីប្រគល់ជូនតំណាងអយ្យការបើកការស៊ើបសួរ និងចោទប្រកាន់ជាផ្លូវការ ។ ជនសង្ស័យទាំង៦នាក់គឺ៖
១-ឈ្មោះ ឆេង ភិរម្យ ភេទប្រុស អាយុ៥៤ឆ្នាំ ជាមន្ត្រីរាជការ(ម្ចាស់រថយន្ត Luxue Rx 400H ពាក់ផ្លាកលេខភ្នំពេញ 2AY-9021 ។
២-ឈ្មោះ ផុន រ័ត្ននា ភេទប្រុស អាយុ៣៨ឆ្នាំ មុខរបរអ្នកគួកជេររថយន្ត ។ វត្ថុតាងដកហូតរួមមាន រថយន្តមា៉ក Leuxe Rx400H ពណ៌ស ពាក់ស្លាកលេខភ្នំពេញ 2AY-9021 ។
៣-ឈ្មោះ ខាត់ វណ្ណៈ ភេទប្រុស អាយុ២៨ឆ្នាំ ស្នាក់នៅផ្ទះជួលបុរីកីឡា សង្កាត់វាលវង់ ខណ្ឌ៧មករា ។
៤-ឈ្មោះ ពៅ សេដ្ឋារ័ត្ន ភេទប្រុស អាយុ២៦ឆ្នាំ ស្នាក់នៅបុរីពិភពថ្មី ផ្ទះលេខA៣៩ ផ្លូវលេខ៨ សង្កាត់ក្រាំងធ្នង់ ខណ្ឌសែខសុខ ។
៥-ឈ្មោះ រ៉ា ជាក់ ភេទប្រុស អាយុ១៩ឆ្នាំ ស្នាក់នៅផ្ទះជួល ភូមិមល សង្កាត់ដង្កោ ខណ្ឌដង្កោ មុខរបរលក់រថយន្ត ។
៦-ឈ្មោះ ជួប វុត្ថា ភេទប្រុស អាយុ៣៣ឆ្នាំ ស្នាក់នៅស្រុកខ្សាច់កណ្តាល ខេត្តកណ្តាល មុខរបរលក់រថយន្ត ។ឮ
បើតាមលោកវរសេនីយ៍ឯក ទៀង ច័ន្ទសារ អធិការនគបាលខណ្ឌដូនពេញ បានឱ្យដឹងថា កាលពីថ្ងៃទី២១ ខែសីហា ឆ្នាំ២០២០ កម្លាំងប៉ុស្តិ៍នគរបាលរដ្ឋបាលបឹងរាំង បានទទួលបណ្តឹងពីជនរងគ្រោះ ដែលបាត់ស្លាកលេខរថយន្ត ភ្នំពេញ2AY-9021 ហើយបានរកឃើញពាក់នៅលើរថយន្តម៉ាក Lexus RX400H ពណ៌ស ។
ក្រោយពេលទទួលបានពាក្យបណ្តឹងនោះភ្លាម កម្លាំងប៉ុស្តិ៍នគរបាលរដ្ឋបាលបឹងរាំង បានចុះសហការធ្វើការស្រាវជ្រាវ ជាមួយកម្លាំងប៉ុស្តិ៍នគរបាលរដ្ឋបាលអូរឫស្សីទី៤ ខណ្ឌ៧មករា ឈានដល់ការឃាត់ខ្លួនជនសង្ស័យជាបន្តបន្ទាប់ មានទាំងអ្នកលួច អ្នកលក់ អ្នកទទួលទិញផ្លាកលេខរថយន្ត រហូតដល់៦នាក់ ពោលគឺមួយចង្កោមតែម្តង ជាប់ពាក់ព័ន្ធករណីលួចស្លាកលេខរថយន្ត ក្លែងបន្លំឯកសារសាធារណៈ និងសមគំនិតទទួលផលចោរកម្ម ។លោកអធិការបានបន្ថែមថា ដោយមានការស្រាវជ្រាវស៊ើបអង្កេត ទើបឈានដល់ការចាប់ខ្លួន ។
ក្រុមជនសង្ស័យដែលត្រូវឃាត់ខ្លួនដំបូងរួមមាន៖ ទី១-ឈ្មោះ ឆេង ភិរម្យ ភេទប្រុស អាយុ៥៤ឆ្នាំ ជាមន្ត្រីរាជការ (ម្ចាស់រថយន្ត Luxue Rx 400H ពាក់ផ្លាកលេខភ្នំពេញ 2AY-9021 (គ្មានសារធាតុញៀន) ។ទី២-ឈ្មោះ ផុន រ័ត្ននា ភេទប្រុស អាយុ៣៨ឆ្នាំ មុខរបរអ្នកគួកជេររថយន្ត ។ វត្ថុតាងដកហូតរួមមាន រថយន្តមា៉ក Leuxe Rx400H ពណ៌ស ពាក់ផ្លាកលេខភ្នំពេញ 2AY-9021 ។ លោកអធិការបានបញ្ជាក់ថា លុះដល់ថ្ងៃទី២២ ខែសីហា ឆ្នាំ២០២០ វេលាម៉ោង១៧ៈ០០ កម្លាំងសមត្ថកិបានបើកការស្រាវជ្រាវបន្ថែមទៀត រហូតឈានទៅឃាត់ខ្លួនជនសង្ស័យចំនួន២នាក់បន្ថែមទៀត នៅចំណុចក្រោយហាងកាហ្វេអាម៉ាហ្សូ៊ន ផ្លូវលេខ១៦៩ ភូមិ៤ សង្កាត់ស្រះចក ខណ្ឌដូនពេញ
ជនសង្ស័យទាំង២នាក់ ដែលមានឈ្មោះរួមមាន៖
ទី១-ឈ្មោះ ខាត់ វណ្ណៈ ភេទប្រុស អាយុ២៨ឆ្នាំ ស្នាក់នៅផ្ទះជួលបុរីកីឡា សង្កាត់វាលវង្ស ខណ្ឌ៧មករា (គ្មានសារធាតុញៀន)
ទី២-ឈ្មោះ ពៅ សេដ្ឋារ័ត្ន ភេទប្រុស អាយុ២៦ឆ្នាំ ស្នាក់នៅបុរីពិភពថ្មី ផ្ទះលេខA៣៩ ផ្លូវលេខ៨ សង្កាត់ក្រាំងធ្នង់ ខណ្ឌសែខសុខ (គ្មានសារធាតុញៀន) ។ សម្ភារដកហូតរួមមានរថយន្តម៉ាក Luxus ពណ៌ស ១គ្រឿង គ្មានផ្លាកលេខ រថយន្តមា៉ក TOYOTA HIGHLANDER ពណ៌ទឹកប្រាក់ ពាក់ផ្លាកលេខភ្នំពេញ 2AN-6778 មួយគ្រឿង ពាក់ផ្លាកលេខសម្គាល់យានយន្ត ភ្នំពេញ 2BE-4015 មួយគូ (មិនប្រក្រតី) ប័ណ្ណសម្គាល់យានយន្តចំនួន៣សន្លឹក និងសន្លឹកបង់ពន្ធប្រចាំឆ្នាំ មួយសន្លឹក ។
លោកវរសេនីយ៍ឯក ទៀង ច័ន្ទសារ បានគូសបញ្ជាក់ថា ក្រោយពីប្រើប្រាស់វិធានការជំនាញយកចម្លើយមកដល់ថ្ងៃទី២៣ ខែសីហា ឆ្នាំ២០២០ វេលាម៉ោង១៤ៈ០០ កម្លាំងអធិការដ្ឋានប៉ុស្តិ៍ បានបើកការស្រាវជ្រាវបន្តនិងឃាត់ខ្លួនជនសង្ស័យចំនួន២នាក់ទៀត នៅចំណុចផ្លូវ R6 ភូមិ៣ សង្កាត់ស្រះចក ខណ្ឌដូនពេញ ជនសង្ស័យទាំង២នាក់ រួមមានទី១-ឈ្មោះ រ៉ា ជាក់ ភេទប្រុស អាយុ១៩ឆ្នាំ ស្នាក់នៅផ្ទះជួល ភូមិម័រ សង្កាត់ដង្កោ ខណ្ឌដង្កោ មុខរបរលក់រថយន្ត (គ្មានសារធាតុញៀន) និងទី៦-ឈ្មោះ ជួប វុត្ថា ភេទប្រុស អាយុ៣៣ឆ្នាំ ស្នាក់នៅស្រុកខ្សាច់កណ្តាល ខេត្តកណ្តាល មុខរបរលក់រថយន្ត (គ្មានសារធាតុញៀន) ។
វត្ថុតាងដកហូតរួមមាន៖
ទី១-រថយន្តមា៉ក Luxus ពណ៌ស ពាក់ផ្លាកលេខខេមរភូមិន្ទ 022-8441
ទី២-ផ្លាកលេខរថយន្ត ភ្នំពេញ 2BG-4682 (មិនប្រក្រតី)
ទី៣-ម៉ាស៊ីនបាញ់ថ្នាំ បំពង់ខ្យល់
ទី៤-ទឹកថ្នាំពណ៌ខៀវ-សចំនួន២កំប៉ុង
ទី៥-ថ្នាំបាញ់រលោង១កំប៉ុង
ទី៦-កូនសោសម្រាប់ធ្វើផ្លាកលេខកែច្នែមួយចំនួន
ទី៧-ម៉ាស៊ីនស្វាន ១គ្រឿង និងទី៨-ម៉ាស៊ីនផ្លុំសក់ចំនួន២គ្រឿង សម្រាប់ផ្លុំថ្នាំឱ្យឆាប់ស្ងួត ៕
ចែករំលែកព័តមាននេះ