ខេត្តកែប ៖ ស្រះទឹកមួយកន្លែងនៅភូមិអង្កោល ឃុំអង្កោល ស្រុកដំណាក់ចង្អើរ ខេត្តកែប កាលពីព្រឹកថ្ងៃទី២៥ សីហា ត្រូវបានអ្នកភូមិមកឈររារាំងមិនអោយគ្រឿងចក្រធ្វើសកម្មភាពឈួសឆាយ និងមានរថយន្តដឹកដីបន្តចូលមកចាក់លុបស្រះទឹកដ៏ធំមួយនៅមិនឆ្ងាយពីឆ្នេរសមុទ្រអង្គោល ។
នៅពេលអ្នកភូមិចេញមកហាមឃាត់គ្រឿងចក្រ មិនឱ្យចាក់លុបស្រះទឹកនោះ ក៏មានជម្លោះកើតឡើង រវាងអ្នកទិញនិងអ្នកភូមិ ហាក់ដូចជាមានការតឹងមាត់ដាក់គ្នាប្រុងកើតអំពើហិង្សា តែមិនបានឃើញអាជ្ញាធរឃុំស្រុក មកជួយអន្តរាគមន៍បញ្ចាប់ភាគីទាំងសងខាងទេ។
ចំណែកអ្នកទិញបន្តពីអ្នកផ្សេងបាននិយាយថា ខ្លួនជាអ្នកទិញបន្តពីគេក្នុងតម្លៃ២ម៉ឺនដុល្លារសហរដ្ឋ ។ អ្នកទិញស្រះទឹកបានបង្ហាញឯកសារក្នុងឆាំ្ន1994-ហើយកាលនោះដាក់ថាភូមិអង្កោលឃុំភ្នំលាវទី2ស្រុកកំពង់ត្រាច។ឯកសារនោះវាខុសពីបច្ចុប្បន្ននេះភូមិអង្កោលឃុំពងទឹកស្រុកដំណាក់ចង្អើរខេត្តកែប។
ដោយសារតែច្របូកច្របល់ឯកសារបែបនេះហើយទើបអ្នកភូមិថា ឯកសារទិញលក់នេះជាឯកសារមិនពិតប្រាកដ។ ស្ត្រីជំនាស់ម្នាក់ឈ្មោះជួនហាយអាយុ68ឆាំ្ននិយាយក្នុងសម្ដីដើមថាពីមុនមកអ្នកទិញដីស្រះទឹកនេះជាដីរបស់គាត់ហើយប្អូនថ្លៃរបស់គាត់ជាអ្នកទិញកាលនោះនិយាយគ្នាថាលក់ត្រឹមតែអាចដីទេ-កាលណេះគេទិញដីខ្សាច់យកទៅចាក់ស្រែផលឹតអំបិល។
តាំងពីពេលនោះមកអ្នកភូមិក៍ដូចជារូបគាត់ចេះតែនាំគ្នាយកទឹកស្រះនៅកណ្ដាលភូមិប្រើរហូតស្រាប់តែឆាំ្ន2020នេះមានអ្នកផ្សេងដឹកដីយកមកចាក់លប់ទើបមានការតវ៉ាមិនអោយចាក់លប់ព្រោះអ្នកស្រុកនៅក្នុងភូមិនេះខ្សត់ទឹកសាបប្រើណាស់តែបើទឹកសមុទ្រជោនាជសំបូរទៅវិញ ព្រោះនៅជិតសមុទ្រ។
លោកស្រីគឹម ចន្នី អភិបាលនៃគណៈអភិបាលស្រុកដំណាក់ចង្អើរបាននិយាយប្រាប់កោះសន្តិភាពដឹងដែរកាលពីព្រឹកថ្ងៃទី២៥ សីហា ថា ការកើតជម្លោះស្រះទឹករវាងអ្នកលក់និងអ្នកទិញបន្តខាងឃុំជាអ្នកដោះស្រាយ ។ លោកស្រីគឹម ចន្នីនិយាយថា មិនមែនលក់ស្រះទេ តាមពិតពលរដ្ឋរូបនោះ គាត់បានលក់ដីស្រែទៅឱ្យគេទេ តែពេលគេជីកដីខ្សាច់ យកទៅចាក់ក្នុងស្រែអំបិលទៅក្លាយជាកន្លែងស្រះទឹក ។
ចែករំលែកព័តមាននេះ