ព្យុះក្រោមផ្ទៃទឹក
សំណុំរឿងឃាតក.ម្មបា.ញ់សម្លា.ប់លោកឧកញ៉ា អ៊ឹង ម៉េងជឺ ដែលធ្វើឲ្យកក្រើករាជធានីភ្នំពេញកាលពីចុងឆ្នាំ២០១៤ បានត្រូវសម្តេចអគ្គមហាសេនាបតីតេជោ ហ៊ុន សែន
សំណុំរឿងឃាតក.ម្មបា.ញ់សម្លា.ប់លោកឧកញ៉ា អ៊ឹង ម៉េងជឺ ដែលធ្វើឲ្យកក្រើករាជធានីភ្នំពេញកាលពីចុងឆ្នាំ២០១៤ បានត្រូវសម្តេចអគ្គមហាសេនាបតីតេជោ ហ៊ុន សែន
សំណុំរឿងឃាតកម្មបាញ់សម្លាប់លោកឧកញ៉ា អ៊ឹង ម៉េងជឺ ដែលធ្វើឲ្យកក្រើករាជធានីភ្នំពេញកាលពីចុងឆ្នាំ២០១៤ បានត្រូវសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា វាយសំពងធ្ងន់ៗនិងចំគោលដៅទៅលើស្ថាប័នយុត្តិធម៌ ជាពិសេសទៅលើចៅក្រម ដែលកាន់សំណុំរឿងនេះបង្កឱ្យមានអំពើអយុត្តិធម៌កើតឡើង ។
ថ្លែងនៅក្នុងពិធីចែកសញ្ញាបត្រជូនដល់និស្សិតជ័យលាភីនៃសាកលវិទ្យាល័យធនធានមនុស្ស កាលពីថ្ងៃទី១៧ កុម្ភៈ ២០១៥ សម្តេចតេជោបានដាក់ជាចម្ងល់ថា «ហេតុអ្វីបានដោះលែងឲ្យនៅក្រៅឃុំ (សំដៅដល់ឪពុកម្តាយលោកឧកញ៉ា ថោង សារ៉ាត់) រឿងឧក្រិដ្ឋឃាតកម្មបែបនេះ វាអយុត្តិធម៌ណាស់ អ្នកកាន់ព្រនង់ម៉េចក៏ជាប់ឃុំ ចំណែកអ្នកមានកាំភ្លើង០៨ដើម បែរជារួចខ្លួននៅក្រៅឃុំបាន ខ្ញុំមិនអាច ទទួលបានទេ អយុត្តិធម៌វានៅកន្លែងនេះ» ។
ជាការពិត អ្វីដែលសម្តេចតេជោបានលើកឡើងនេះគឺ ត្រង់មនុស្សកាន់ដំបងមិនឱ្យនៅក្រៅឃុំ បែរជាអ្នកមានអាវុធដល់ទៅ៨ដើមបាននៅក្រៅឃុំ ។ វាមិនមែនតែជាការបង្ហាញប៉ុណ្ណឹងនោះទេ តែបានធ្វើឱ្យសាធារណមតិមានការយល់ច្រឡំពីចំណាត់ការនេះថែមទៀត ។ គេមិនត្រូវភ្លេចឡើយពីសម្រែកក្រុមអ្នកតវ៉ា សុំឱ្យដោះលែងសកម្មជនជាស្ត្រីបឹងកក់ឬសុំនៅក្រៅឃុំ ក៏បានលើកយកករណី២នេះមកប្រៀបធៀបគ្នាដែរ ហើយអ្នកដែលរងគ្រោះដូចសម្តេចតេជោមានប្រសាសន៍គឺជេរតែ ហ៊ុន សែន ។
តាមពិតមិនមែនជាលើកទី១ទេ ដែលសម្តេចតេជោបានគោះជួងដាស់ឱ្យភ្ញាក់រលឹកទៅលើអស់លោកដែលបម្រើការងារនៅក្នុងស្ថាប័នតុលាការ កុំឲ្យកាឡៃសំណុំរឿងសទៅជាខ្មៅ ខ្មៅទៅជាស ដែលបង្កើតឲ្យមានអំពើអយុត្តិធម៌ទៅលើសំណុំរឿងខ្លះ ប៉ុន្តែអស់លោកចៅក្រមមួយចំនួន ដើម្បីតែលាភសក្ការៈផ្ទាល់ខ្លួន បានបំភ័ន្ត ឬ បង្វែរបទចោទប្រកាន់ផ្សេងៗ ធ្វើឲ្យដើមបណ្តឹងនិងចុងចម្លើយខ្លះទទួលរងគ្រោះទាំងអយុត្តិធម៌បំផុត ។
ដោយសារតែទង្វើខ្វះក្រមសីលធម៌និងវិជ្ជាជីវៈជាអ្នកច្បាប់ ពីសំណាក់អស់លោកមួយចំនួននេះហើយ ទើបធ្វើឲ្យប្រព័ន្ធយុត្តាធិការនៅក្នុងប្រទេសកម្ពុជាត្រូវទទួលរងនូវការរិះគន់ជារៀងរាល់ថ្ងៃពីមជ្ឈដ្ឋានប្រជាពលរដ្ឋ សង្គមស៊ីវិលជាតិ និងអន្តរជាតិអស់រយៈពេលរាប់ឆ្នាំមកហើយ និងបានធ្វើឲ្យប្រជាពលរដ្ឋអស់ជំនឿទៅលើស្ថាប័នតុលាការនោះថែមទៀត ។ ជាក់ស្តែង ក្រុមអ្នកភូមិដែលមានរឿងវិវាទដីធ្លីមួយចំនួន ក្រោយពេលដែលតុលាការកាត់សេចក្តីរួចរាល់ហើយនោះ ហើយគិតថាសាលក្រម ឬសាលដីកានោះមិនយុត្តិធម៌បែបនេះហើយ បានជាពួកគាត់តែងតែឡើងមកតវ៉ានិងសុំអន្តរាគមន៍ពីសម្តេចតេជោ ហ៊ុន សែន ដល់ភូមិគ្រឹះក្នុងរាជធានីភ្នំពេញ ។
ដូច្នេះកាំភ្លើងធំដែលសម្តេចតេជោ បានបាញ់ចេញចំៗ គោលដៅកាលពីថ្ងៃទី១៧កុម្ភៈ២០១៥ ដូចជាពាក្យថា «តុលាការខ្លះឃុបឃិតជាមួយចោរជាដើមនោះ» បានធ្វើឲ្យប្រជាពលរដ្ឋអបអរសាទរនិងស្រែក «ជយោសម្តេចៗ» ។ ដោយឡែក សម្រាប់អស់លោក លោកស្រីជាក្រឡាបញ្ជី ចៅក្រម និងតំណាងអយ្យការនៅតាមសាលាដំបូងរាជធានី-ខេត្ត តុលាការសឹក សាលាឧទ្ធរណ៍ តុលាការកំពូលនិងក្រុមអ្នកច្បាប់មួយចំនួនដែលកំពុងធ្វើខ្លួនជាឈ្លើងសង្គម ដែលតែងតែប្រព្រឹត្តអំពើថោកទាប មិនស្គាល់បាប មិនស្គាល់បុណ្យ ឲ្យតែបានលុយធ្វើអ្វីៗក្បត់នឹងមនសិការវិជ្ជាជីវៈរបស់ខ្លួន និងលើកដាក់ខ្លួននោះភ័យញ័ររញ្ជួយ ព្រោះខ្លាចបាត់បង់តំណែង ឬ មានទោសទណ្ឌនោះថែមទៀត ។
បើតាមក្រុមអ្នកច្បាប់និងមជ្ឈដ្ឋានមួយចំនួនដែលតាមដានសំណុំរឿងនៅតុលាការខ្លះបានលើកឡើងថា នៅមានសំណុំរឿងខ្មៅច្រើនណាស់នៅតាមស្ថាប័នមួយចំនួន គ្រាន់តែខ្មោចមិនទាន់ស្អុយប៉ុណ្ណោះ ។
ក្រុមខាងលើបាននិយាយទៀតថា ប្រសិនបើក្រសួងយុត្តិធ៌ម និងឧត្តមក្រុមប្រឹក្សានៃអង្គចៅក្រម ចាត់វិធានការច្បាប់និងចុះធ្វើអធិការកិច្ចទៅលើសំណុំរឿងមិនប្រក្រតីមួយចំនួនដែលគរទុកនៅតុលាការពីថ្នាក់ទាបដល់កំពូលនោះ ច្បាស់ណាស់ថា ពិតជាមានប្រធានឬអនុប្រធានតុលាការ ចៅក្រម ព្រះរាជអាជ្ញា ព្រះរាជអាជ្ញារង ក្រឡាបញ្ជីខ្លះ នឹងមានវាសនាដូច លោក អាំង មាលតី ប្រធានសាលាដំបូងរាជធានីភ្នំពេញ ដែលត្រូវបានធ្វើពិធីផ្ទេរតំណែងកាលពីថ្ងៃម្សិលមិញ ឬ អាចមានវាសនាលើសនេះទៀត គឺទៅដេកជាមួយអ្នកទោសក្នុងពន្ធនាគារដែលខ្លួនធ្លាប់កាត់ក្តីមិនខាន ។ ការត្រេកត្រអាលនឹងលាភសក្ការៈជ្រុលហួសហេតុ ធ្វើឱ្យខ្លួនយំមិនចេញមិនខានឡើយ ។ សាធារណមតិរង់ចាំមើល ថាតើព្យុះក្រោមផ្ទៃទឹកបែបនេះនឹងកើតឡើងនៅទីណាទៀត ?
ចែករំលែកព័តមាននេះ