រាជធានីភ្នំពេញ ៖ តារាចម្រៀងល្បីឈ្មោះប្រចាំប្រទេសកម្ពុជា លោក ព្រាប សុវត្ថិ បានបង្ហាញមូលហេតុពិត ក៏ដូចជាចំណុចសំខាន់ៗជាច្រើន បន្ទាប់ពីលោកបានឈានជើងចូលក្នុងផលិតកម្មថ្មីមួយ ។…
រាជធានីភ្នំពេញ ៖ តារាចម្រៀងល្បីឈ្មោះប្រចាំប្រទេសកម្ពុជា លោក ព្រាប សុវត្ថិ បានបង្ហាញមូលហេតុពិត ក៏ដូចជាចំណុចសំខាន់ៗជាច្រើន បន្ទាប់ពីលោកបានឈានជើងចូលក្នុងផលិតកម្មថ្មីមួយ ។
ការបង្ហាញហេតុផលទាំងអស់នេះ គឺក្នុងឱកាសដែលផលិតកម្មថ្មី បានធ្វើពិធីបង្ហាញមុខតារាចម្រៀង ព្រាប សុវត្ថិ ជាផ្លូវការនាល្ងាចថ្ងៃទី២៥ ខែសីហា ឆ្នាំ២០២០ នៅសណ្ឋាគារ Gardan City ជិតវិមានឈ្នះឈ្នះ។
នាពិធីនោះ លោក ព្រាប សុវត្ថិ បានលើកបញ្ជាក់នូវហេតុផលជាច្រើនជូនមហាជន ប្រកបដោយស្នាមញញឹមគួរអោយចូលចិត្ត លោកថា ២៣ឆ្នាំប្រហែលជាគ្មានអ្នកណាមកធ្វើការបែបនេះទេ។ ការចាកចេញ គឺមិនមែនដោយសារហេតុផលជម្លោះអ្វីជាមួយអ្នកណាទេ។ លោកមិនមែនជាមនុស្សចូលចិត្តអ៉ឹចឹងទេ! ការលានេះ លាដោយញញឹម យើងបែកដោយមើលឃើញគ្នា ហើយ២៣ឆ្នាំយើងគ្មានអ្វីដែលត្រូវប៉ែងគ្នា មានតែពាក្យថាជោគជ័យៗ។
លោកថា តាំងពីឆ្នាំ១៩៩៧ មកដល់ឆ្នាំ២០២០នេះ ជាអនុស្សាវរីយ៍មួយដ៏សែនល្អ។ ទៅទីណា កន្លែងណា ក៏ពុកម៉ែបងប្អូននៅតែបានទទួលស្តាប់សំឡេងលោកដដែល។ ជាពិសេស លោកចង់ផ្លាស់ប្តូរការងារ ដោយកន្លែងថ្មីមានផែនការត្រូវចំចិត្តរបស់លោក ដើម្បីសិល្បៈ។
លោកបន្តទៀតថា ករណីមានផែនការ បង្ហាញវប្បធម៌ខ្មែរ ចម្រៀងខ្មែរ នៅលើប្រទេសអាស៊ាន ដែលលោកធ្លាប់ចូលរួម។ បែបនេះ យើងអ្នកសិល្បៈត្រូវតែខំ ហើយធ្វើការបំផុសឱ្យជាតិសាសន៍ផ្សេងៗបានមើលឃើញពីការព្យាយាមរបស់កម្ពុជាយើង ដើម្បីឱ្យកាន់តែមានគេស្គាល់។
បន្ថែមពីនេះ លោកលើកមកទៀតថា មិនបានគិតដោះដូរជាមួយទឹកប្រាក់៣០ម៉ឺនដុល្លារ ចាកចេញពីមូលដ្ឋានចាស់ ឬទាស់គំនិតរឿងជាមួយ ខេមរៈ សិរីមន្ត ភ្នំមួយមិនអាចមានខ្លាពីរអ្វីនោះទេ។ អ្វីៗកើតឡើង ដោយការរាប់អាន អ្នកដែលមានឆន្ទៈជាមួយសិល្បៈពិតប្រាកដដែលលោកសប្បាយចិត្តរួមដំណើរជាមួយ។
ចែករំលែកព័តមាននេះ