កំពង់ស្ពឺ ៖ ប្រភពពីមន្ត្រីតុលាការបានបង្ហើបប្រាប់ កាលពីព្រឹកថ្ងៃទី២៦ សីហា ថា ក្រុមលោកអធិការរងដ៏ទំនើងដែលផឹកស៊ីបាញ់បោះយ៉ាងសេរី និងអនាធិបតេយ្យនៅបរិវេណសាលាស្រុកសំរោងទង ត្រូវបានលោកស្រីចៅក្រមសម្រេចបញ្ជូនខ្លួនទៅឃុំនៅពន្ធនាគារខេត្តកំពង់ស្ពឺ ហើយកាលពីល្ងាចថ្ងៃទី២៥ សីហា ២០២០ ។ ការសម្រេចឃុំខ្លួនមន្ត្រីនគរបាលទំនើងទាំង៧នាក់ ត្រូវបានមជ្ឈដ្ឋានមហាជន ក៏ដូចជាមន្ត្រីនគរបាលខេត្តមួយចំនួនសម្ដែងនូវការសាទរយ៉ាងខ្លាំង ចំពោះចំណាត់ការរបស់លោកស្រីទិត ដាលីន ចៅក្រមសាលាដំបូងខេត្តកំពង់ស្ពឺនេះ ។ សូមរំលឹកថា៖ ជាអធិការរងទំនើងម្នាក់ អាងខ្នងបាញ់បោះម៉ាសេរី !
នៅមិនទាន់ច្បាស់ទេថា តើក្រោយពីការឃុំខ្លួនមន្ត្រីនគរបាលទាំង៧នាក់ អាចនឹងត្រូវកាត់ឬលុបឈ្មោះចេញពីក្របខណ្ឌនគរបាលជាតិដែរឬយ៉ាងណានោះទេ? ការសម្រេចឃុំខ្លួនមន្ត្រីនគរបាលទាំងពីរនាក់នេះ បន្ទាប់ពីអន្តរាគមន៍របស់លោកផ្កាយ 3 មួយរូបបានបរាជ័យគឺមិនមានប្រសិទ្ធភាពចំពោះមន្ត្រីអ្នកអនុវត្តន៍ច្បាប់នោះឡើយ។
មានការបញ្ជាក់ប្រាប់ផងដែរថា ករណីនេះគឺជាបញ្ជារបស់ថ្នាក់ដឹកនាំទាំងនៅក្រសួងនិងខេត្តដូច្នេះស្ថាប័នសាលាដំបូងមិនអាចសម្រេចតាមការស្នើសុំរបស់លោកផ្កាយបីម្នាក់នោះឡើយព្រោះថា គឺជាករណីដែលរសើបបំផុតចំពោះមហាជនក៏ដូចជាស្ថាប័នដែលពាក់ព័ន្ធ។
មានការលើកឡើងផងដែរថាវាពិតជារឿងមួយដ៏អាម៉ាស់បំផុតរបស់លោកផ្កាយ 3 ដែលចេញមុខមកអន្តរាគមន៍ករណីលោកអធិការងដ៏ទំនើងរូបនេះដែលសមត្ថកិច្ចក៏ដូចជាមន្ត្រីនៅសាលាស្រុកមួយចំនួនតែងតែនិយាយថាលោកអធិការរងកង ភារី ហៅ ម៉ៅគឺជាមនុស្សដែលច្រឡើសបើសច្រឡោងខាមជាទីបំផុតមិនដែលស្គាល់និងគោរពមន្ត្រីចាស់ទុំនោះទេ។
ចែករំលែកព័តមាននេះ