ខេត្តបន្ទាយមានជ័យ ៖ ប្រជាពលរដ្ឋ១គ្រួសារធ្វើរបងលើផ្លូវប្រជាពលរដ្ឋជាច្រើនគ្រួសារសុំឲ្យអាជ្ញាធរ ដោះស្រាយរុះរើរបងចេញដើម្បីកសាងផ្លូវងាយស្រួលទៅមកដែលចុះសម្របសម្រួលនៅថ្ងៃទី២៥ ខែសីហា ឆ្នាំ២០២០ ស្ថិតភូមិ/សង្កាត់អូរអំបិល ក្រុងសិរីសោភ័ណ។ លោក ហ៊ឹល…
ខេត្តបន្ទាយមានជ័យ ៖ ប្រជាពលរដ្ឋ១គ្រួសារធ្វើរបងលើផ្លូវប្រជាពលរដ្ឋជាច្រើនគ្រួសារសុំឲ្យអាជ្ញាធរ ដោះស្រាយរុះរើរបងចេញដើម្បីកសាងផ្លូវងាយស្រួលទៅមកដែលចុះសម្របសម្រួលនៅថ្ងៃទី២៥ ខែសីហា ឆ្នាំ២០២០ ស្ថិតភូមិ/សង្កាត់អូរអំបិល ក្រុងសិរីសោភ័ណ។ លោក ហ៊ឹល រ៉ាយ៉ា អភិបាលក្រុងសិរីសោភ័ណបានប្រាប់ថា៖
ក្រោយពេលទទួលព័ត៌មានដែលមានប្រជាពលរដ្ឋ១គ្រួសារ បានធ្វើរបងបង្គោលថ្មដាក់របងដែកក្រឡាការ៉ូដែលមានប្រវែងជិត៣០ម៉ែត្រនិងទទឹងផ្លូវជាង១ម៉ែត្រដែលធ្វើឲ្យប្រជាពលរដ្ឋក្នុងភូមិជាច្រើនគ្រួសារជួបការលំបាកជាច្រើនឆ្នាំមកដោយទៅមកផ្លូវតូចចង្អៀត។ លោកបានបញ្ជាក់ថា៖ ក្រោយទទួលព័ត៌មានហើយរួមជាមួយមន្ត្រីរៀបចំដែនដីនគររូបនីយកម្ម សំណង់ និងសូរិយោលដីខេត្ត និងចៅសង្កាត់ ភូមិបានចុះទៅពិនិត្យឃើញថា ប្រជាពលរដ្ឋពិតជាបាន ធ្វើរបងលើផ្លូវហើយបណ្តាលឲ្យប្រជាពលរដ្ឋជាច្រើនគ្រួសារពិតជាលំបាកធ្វើដំណើរ។
តាមការពិនិត្យ ដោយមន្ត្រីជំនាញលើឯកសារប្លង់កម្មសិទ្ធពិតជាម្ចាស់ដី១គ្រួសារដែលកសាងរបង ធ្វើតាមប្លង់កម្មសិទ្ធិ ព្រោះផ្លូវនេះកាលពីមុនតូចអាចចេញចូលបាន។ លោក ហ៊ឹល រ៉ាយ៉ា បានបញ្ជាក់ថា៖ ជាការសំណូមពរ ពីប្រជាពលរដ្ឋជាច្រើនគ្រួសារសុំឲ្យអាជ្ញាធរសម្របសម្រួលត្រូវដករបងនេះចេញហើយកសាងផ្លូវអាចចេញចូលបានស្រួលការសម្របសម្រួលរយៈពេលមួយព្រឹកធំមិនទាន់ទទួលយកពីប្រជាពលរដ្ឋ១គ្រួសារនេះជាដីកម្មសិទ្ធិរបស់គាត់ ហើយក្នុងនាមអាជ្ញាធរ និងព្យាយាមរកដំណោះស្រាយណាមួយ ដើម្បីឲ្យបានរួចរាល់ ហើយអាជ្ញាធរក្រុង និងកសាងផ្លូវគ្រួសក្រហមជូន ដែលមានប្រវែង២២០ម៉ែត្រ និងទទឹង៥ម៉ែត្រសម្រាប់ឲ្យប្រជាពលរដ្ឋទៅមកដោយងាយស្រួល៕ ដោយ ៖ ប៊ុន ធឿន
ចែករំលែកព័តមាននេះ