គ្រូ Barca ឱ្យកីឡាករ៣នាក់រកក្លិបលេងថ្មី ក្រោយគ្មានឈ្មោះក្នុងផែនការលោក
អេស្ប៉ាញ ៖ យោងតាមរបាយការណ៍នៅប្រទេសអេស្ប៉ាញបានអោយដឹងថា អ្នកចាត់ការទូទៅថ្មីរបស់ Barcelona លោក Ronald Koeman បានសំរេចចិត្តថា Luis…
អេស្ប៉ាញ ៖ យោងតាមរបាយការណ៍នៅប្រទេសអេស្ប៉ាញបានអោយដឹងថា អ្នកចាត់ការទូទៅថ្មីរបស់ Barcelona លោក Ronald Koeman បានសំរេចចិត្តថា Luis…
អេស្ប៉ាញ ៖ យោងតាមរបាយការណ៍នៅប្រទេសអេស្ប៉ាញបានអោយដឹងថា អ្នកចាត់ការទូទៅថ្មីរបស់ Barcelona លោក Ronald Koeman បានសំរេចចិត្តថា Luis Suarez, Sergio Busquets និង Jordi Alba មិនមែនជាផ្នែកនៃផែនការក្រុមដំបូងរបស់លោក សម្រាប់ប្រកួតប្រជែងរដូវកាលថ្មី ហើយនឹងបានជូនដំណឹងដល់អ្នកទាំង៣ ដែលពួកគេនឹងត្រូវចាកចេញពីក្លិបនៅរដូវក្តៅនេះ ។
អ្នកចាត់់ការជនជាតិហូឡង់វ័យ ៥៧ឆ្នាំរូបនេះ បានចុះកុងត្រារយៈពេល ២ឆ្នាំ ដើម្បីដឹកនាំ Barca ជំនួសកន្លែងលោក Quique Setien ដែលត្រូវបណ្តេញចេញក្រោយបរាជ័យដ៏អាម៉ាស់របស់ Barca ទល់នឹងក្រុម Bayern Munich នៅក្របខណ្ឌ Champions League ។
របាយការណ៍ពី AS បានអោយដឹងថា កីឡាករទាំង ៣នាក់ខាងលើ បានធ្លាក់ទម្រង់លេងយ៉ាងខ្លាំងកាលពីរដូវកាលមុន។ ហើយលោក Koeman ចង់បានកីឡាករវ័យក្មេងដែលមានសមត្ថភាព និងស្រែកឃ្លានជ័យជម្នះក្នុងក្រុមរបស់លោក សម្រាប់ប្រកួតប្រជែងរដូវកាលថ្មី។
ប្រភពដដែលបានបន្តថា Koeman ចង់បង្កើតក្រុមមានកីឡាករវ័យក្មេងមួយនៅ Barca ដែលមានថាមពលខ្លាំងក្លាជាមុន ខណៈដែលខ្សែប្រយុទ្ធ Memphis Depay គឺជាគោលដៅទី១ ដើម្បីយកមកជំនួសតំណែងរបស់ Suarez៕ (ដកស្រង់ចេញពី Metro)
ចែករំលែកព័តមាននេះ