ខេត្តក្រចេះ ៖ សេចក្តីរាយការណ៍បឋមឱ្យដឹងថា បុរសជាងឈើម្នាក់បានបាត់បង់ជីវីតយ៉ាងអាណោចអាធ័ម ក្រោយភ្លាត់ស្នៀត ត្រូវផ្លែម៉ូទ័រផ្លាតត្រូវបំពង់.ក បណ្តាលឱ្យហូរឈាមពេញផ្ទះ កើតឡើងកាលពីវេលាម៉ោង១០និង១៥នាទីព្រឹកថ្ងៃទី២៥ សីហា នេះ ស្ថិតនៅចំណុចភូមិព្រែកតាថឹង ឃុំបុសលាវ ស្រុកចិត្របុរី ខេត្តក្រចេះ។
ប្រភពបន្តថា ជនរងគ្រោះខាងលើ ឈ្មោះ ត្រេះ ឡេះ អាយុ៦០ឆ្នាំ ជនជាតិខ្មែរ-អ៊ិស្លាមនិងមានមុខរបរជាងឈើ រស់នៅភូមិវត្ត ឃុំកោះច្រែង ស្រុកចិត្របុរីខេត្តក្រចេះ។ ហើយនៅមុនពេលកើតហេតុ ម្ចាស់ផ្ទះឈ្មោះឌុច ភូម បានជួលឱ្យជនរងគ្រោះដែលជាជាងឈើនេះមកធ្វើអង្កែផ្ទះ ( ជំនាងផ្ទះ) ។ ពេលកំពុងធ្វើសុខៗ ស្រាប់តែក្រទ្បាច់របូតចេញពីដៃម៉ូទរ័វាត់ចំកញ្ចឹង.ក បណ្តាលឱ្យបាត់បង់ជីវិតភ្លាមៗនៅនឹងកន្លែង ។
ក្រោយពេលកើតហេតុ សមត្ថកិច្ចជំនាញនៃអធិការដ្ឋាននគរបាលស្រុកចិត្របុរី បានចុះទៅពិនិត្យកន្លែងកើតហេតុនិងពិនិត្យសាកសពបានសន្និដ្ឋានថា ជនរងគ្រោះពិតជាបានស្លាប់ដោយសារផ្លែម៉ូទ័រផ្លាតត្រូវកប្រាកដមែន និងបានប្រគល់សពជូនដល់គ្រួសារធ្វើបុណ្យតាមប្រពៃណី ។
ចែករំលែកព័តមាននេះ