រាជធានីភ្នំពេញ ៖ តារាចម្រៀងស្រីដែលនិយមបកស្រាយបទបែបមនោសញ្ចេតនា និងតែងតុបតែងកាយស្រគត់ស្រគំ អ្នកនាង សុន ស្រីពេជ្រ បានធ្វើអោយមហាជនមានការសង្ស័យកាន់តែខ្លាំងឡើងជាងមុន ជុំវិញការបែកបាក់ជាមួយនឹងស្វាមីរបស់នាង ក្រោយពីរូបនាងបានធ្វើពិធីចេញខែកូនប្រុសទី២…
រាជធានីភ្នំពេញ ៖ តារាចម្រៀងស្រីដែលនិយមបកស្រាយបទបែបមនោសញ្ចេតនា និងតែងតុបតែងកាយស្រគត់ស្រគំ អ្នកនាង សុន ស្រីពេជ្រ បានធ្វើអោយមហាជនមានការសង្ស័យកាន់តែខ្លាំងឡើងជាងមុន ជុំវិញការបែកបាក់ជាមួយនឹងស្វាមីរបស់នាង ក្រោយពីរូបនាងបានធ្វើពិធីចេញខែកូនប្រុសទី២ ដែលទើបតែសម្រាលបាន១ខែ ដោយគ្មានវត្តមានស្វាមីរបស់នាងជាថ្មីម្តងទៀត បន្ទាប់ពីថ្ងៃសម្រាលក៏អវត្តមានបុរសរូបនេះផងដែរនោះ ។
យ៉ាងណាមិញនៅក្នុងកម្មវិធីដែលនាងបានរៀបចំកាលពីពេលថ្មីៗនេះ តារាចម្រៀងស្រីដែលសម្លេងពិរោះរណ្តំ ផ្អែម និងមានឈ្មោះល្បីតាមរយៈបទចម្រៀងជាច្រើន លើកស្ទួយទេសចរណ៍កម្ពុជាកន្លងមកនេះបានអញ្ជើញការចូលរួមពីសំណាក់មិត្តរួមអាជីពមួយចំនួន និងសាច់ញាតិបងប្អូនផងដែរ ។ ប៉ុន្តែអ្វីដែលគួរអោយប្លែកនោះកម្មវិធីដ៏សំខាន់បែបនេះ បែរជាគ្មានវត្តមានស្វាមីរបស់នាងបែបនេះទៅវិញ ។
ដោយនេះមិនមែនជាលើកទី១នោះទេ ដែលគ្មានវត្តមានស្វាមីរបស់ អ្នកនាង សុន ស្រីពេជ្របែបនេះ ពីព្រោះតែមួយរយៈកន្លងមកនេះ នៅពេលដែលតារាចម្រៀងស្រីរូបនេះ ទើបតែសម្រាលកូនប្រុសទី២ របស់នាង ក៏គ្មានវត្តមានលោក តិច សុខជា ដែលជាស្វាមីផងដែរ ជាហេតុធ្វើអោយអ្នកគាំទ្រមានការសង្ស័យអ្នកទាំង២ អាចឈានដល់ការប្រេះឆា និងចែកផ្លួវគ្នាជាមិនខាន ។
គួរបញ្ជាក់ផងដែរថា មកទល់ពេលនេះមិនទាន់មានការបកស្រាយពីអ្នកនាង ដើម្បីបញ្ចប់ចម្ងល់របស់ មហាជនទៅលើរឿងរ៉ាវនៅពីក្រោយអវត្តមានស្វាមីរបស់តារាចម្រៀងស្រីរូបនេះ ។ យ៉ាងណាមិញមហាជនក៏បានជូនពរ អ្នកនាង សុន ស្រីពេជ្រ ឲ្យជួបតែសំណាងក្នុងជីវិតជាមួយនឹងសំណព្វចិត្ត (កូនទាំងពីរ) របស់អ្នកនាង ៕
ចែករំលែកព័តមាននេះ