ប្រទេសរុស្ស៊ី ៖ ពេលដែលដំណាក់កាលចុងក្រោយនៃការសាកល្បងគ្លីនិក វ៉ាក់សាំងប្រឆាំងវីរុសCOVID-19ឈ្មោះSPOUTNIK V ចាប់ផ្ដើមនៅរុស្សុីក្នុងសប្ដាហ៍នេះ ប្រទេសបេឡារុសក៏បង្ហាញពីបំណងរបស់ខ្លួន ឲ្យមានការចាក់សាកល្បងដំណាក់កាលទី៣នៃវ៉ាក់សាំងនោះ លើដែនដីរបស់ខ្លួនដែរ។ ម្យ៉ាងទៀតដូចការសម្រេចរបស់ប្រធានាធិបតីបេឡារុស…
ប្រទេសរុស្ស៊ី ៖ ពេលដែលដំណាក់កាលចុងក្រោយនៃការសាកល្បងគ្លីនិក វ៉ាក់សាំងប្រឆាំងវីរុសCOVID-19ឈ្មោះSPOUTNIK V ចាប់ផ្ដើមនៅរុស្សុីក្នុងសប្ដាហ៍នេះ ប្រទេសបេឡារុសក៏បង្ហាញពីបំណងរបស់ខ្លួន ឲ្យមានការចាក់សាកល្បងដំណាក់កាលទី៣នៃវ៉ាក់សាំងនោះ លើដែនដីរបស់ខ្លួនដែរ។ ម្យ៉ាងទៀតដូចការសម្រេចរបស់ប្រធានាធិបតីបេឡារុស លោកអាឡិចសង់ដ្រ៍លូកាឆេនកូ និងរបស់សមភាគីរុស្ស៊ីលោកវ្ល៉ាឌីមៀរពូទីន គឺថាប្រទេសបេឡារុសនឹងជាប្រទេសដំបូងគេ ដែលនឹងទទួលបានវ៉ាក់សាំងនោះក្រៅពីរុស្ស៊ី។
ក្នុងឱកាសនៃកិច្ចសន្ទនាតាមទូរស័ព្ទមួយ កាលពីថ្ងៃទី២៤សីហា លោកលូកាឆេនកូនិងលោកពូទីនបានព្រមព្រៀងគ្នាថា បេឡារុសនឹងក្លាយជាប្រទេសដំបូងគេដែលវ៉ាក់សាំងប្រឆាំងវីរុសCOVID-19របស់រុស្ស៊ីនឹងត្រូវផ្ដល់ឲ្យ។
តាមផ្នែកសារព័ត៌មានរបស់ប្រធានាធិបតីបេឡារុសថា ប្រធានាធិបតីទាំង២រូបបានព្រមព្រៀងគ្នាថា ពលរដ្ឋបេឡារុសនឹងចូលរួម ដោយស្ម័គ្រចិត្ត ក្នុងការចាក់សាកល្បងដំណាក់កាលទី៣នៃវ៉ាក់សាំងប្រឆាំងវីរុសផលិតនៅរុស្ស៊ី។ម្យ៉ាងវិញទៀតបេឡារុសនឹងក្លាយជាប្រទេសដំបូងគេ ដែលវ៉ាក់សាំងនេះត្រូវបានផ្ដល់ឲ្យ។
ប្រទេសចំនួន២០បានបង្ហាញពីការចាប់អារម្មណ៍របស់ពួកគេចំពោះវ៉ាក់សាំងSPOUTNIK V ក្រោយពីវ៉ាក់សាំងនោះត្រូវបានចុះក្នុងបញ្ជីកាលពីថៃ្ងទី១១សីហាមក។ វ៉ាក់សាំងនោះត្រូវធ្វើការសាកល្បងគ្លីនិកដំណាក់ការទី៣ ក្នុងសប្ដាហ៍នេះ។ មនុស្សប្រមាណជាង៤០.០០០នាក់នឹងចូលរួមក្នុងការសាកល្បងនោះ ដែលធ្វើយោងទៅតាមបណ្ដាបទដ្ឋានអន្តរជាតិ។
បណ្ដាអ្នកវិទ្យាសាស្ត្ររុស្ស៊ី និងបណ្ដាតំណាង របស់មូលនិធិវិនិយោគដោយផ្ទាល់របស់រុស្ស៊ី បានអះអាងពីចេតនារបស់ពួកគេផលិតវ៉ាក់សាំងនេះ ឲ្យបានជិត២០០លានដូសរហូតដល់ដំណាច់ឆ្នាំនេះ។ ប្រទេស២០បានសម្ដែងរួចហើយពីការចាប់អារម្មណ៍របស់ពួកគេ ចំពោះវ៉ាក់សាំងSPOUTNIK V ពិសេសប្រទេសអេមីរ៉ាត់អារ៉ាប់រួម អារ៉ាប៊ីសាអូឌីត ឥណ្ឌូណេស៊ី ហ្វ៊ីលីពីន ប្រេស៊ីល ម៉ិកស៊ិក និងឥណ្ឌា៕ ដកស្រង់ចេញពីវេបសាយ ៖ sputniknews (កែសម្រួលដោយ ៖ បុប្ផា)
ចែករំលែកព័តមាននេះ