រាជធានីភ្នំពេញ ៖ កាលពីថ្ងៃទី២៤ ខែសីហា ឆ្នាំ២០២០កន្លងទៅនេះ មានការភ្ញាក់ផ្អើលយ៉ាងខ្លាំងទៅដល់មហាជនអ្នកគាំទ្រ ក្រោយពីផលិតកម្មថោនបានចេញសេចក្ដីជូនដំណឹងដល់លោក ខេម តារាចម្រៀងដែលមានឈ្មោះពិត ប៉ុន…
រាជធានីភ្នំពេញ ៖ កាលពីថ្ងៃទី២៤ ខែសីហា ឆ្នាំ២០២០កន្លងទៅនេះ មានការភ្ញាក់ផ្អើលយ៉ាងខ្លាំងទៅដល់មហាជនអ្នកគាំទ្រ ក្រោយពីផលិតកម្មថោនបានចេញសេចក្ដីជូនដំណឹងដល់លោក ខេម តារាចម្រៀងដែលមានឈ្មោះពិត ប៉ុន សុណារិន ឲ្យចូលខ្លួនមកដោះស្រាយអំពីបញ្ហាមិនទាន់ចប់កុងត្រាជាមួយនឹងផលិតកម្ម តែបែរជាឃើញតារាចម្រៀងប្រុសរូបនេះចេញបទថ្មីនៅក្នុងផលិតកម្មផ្សេងទៅវិញ ។
ក្រោយពីម្ទាស់ផលិតចេញលិខិតបង្ហោះតាមបណ្តាញសង្គមហ្វេសប៊ុកមិនទាន់បានប៉ុន្មានផង ពេលនេះលោក ខេម បានបង្ហាញពីអារម្មណ៍ពិតអំពីមូលហេតុនៃផលិតកម្មថោនកោះហៅខ្លួន និងបញ្ជាក់អំពីមូលហេតុនៅពីក្រោយការចាកចេញរបស់ខ្លួន ដោយតារាចម្រៀងប្រុសសង្ហារូបនេះបានបញ្ជាប់ទៅកាន់អ្នកគាំទ្រឲ្យដឹងថា រូបលោកបានសុំលាលែងឈប់ពីក្រុមហ៊ុនត្រឹមត្រូវ មិនដូចម្ទាស់ផលិតកម្មចោទប្រកាន់នោះឡើយ ។
ពោលទាំងអួលដើម.ក តារាចម្រៀងប្រុសរូបនេះបានលើកឡើងថា « គ្រាន់តែឃើញលិខិតមួយដែលមេបង្ហោះជាសាធារណៈថា ឆ្កែមួយក្បាលដែលស្មោះត្រង់រាប់ឆ្នាំនេះ បំពានកុងត្រានោះ គឺពិតជាភ្ញាក់ផ្អើលហួសចិត្ត ។ ព្រោះឆ្កែមួយក្បាលនេះមិនដែលមានបំណងឡើយហើយឆ្កែមួយក្បាលនេះ គឺសុំលាឈប់ដោយត្រឹមត្រូវ មានទាំងលិខិតលាឈប់ ព្រោះគិតថា ផុតកុងត្រាហើយ តែមេថា នៅកុងត្រា តែឆ្កែមួយក្បាលសុំមើលជាច្រើនលើកហើយថា បើនៅនឹងនៅច្រៀងទៀតតែមេគេចវេសរុញទៅអ្នកនេះអ្នកនោះមិនឱ្យមើល (ឬមេចង់អោយខ្ញុំបង្ហាញភ័ស្តុតាងតាមហ្វេសបុកនេះ) ។
យ៉ាងណាមិញ តារាចម្រៀងប្រុសដែលមានឈ្មោះបោះសម្លេងមួយរូបនេះ ក៏បានស្រេចចិត្តស្រាយចម្ងល់ពីមូលហេតុមួយចំនួន ពីការចាកចេញពីផលិតកម្ម ពីព្រោះតែរូបលោកមិនបានចេញបទចម្រៀងនៅក្នុងរយៈពេលប៉ុន្មានឆ្នាំចុងក្រោយនេះ និងត្រូវរកបទចម្រៀងដោយខ្លួនឯងដោយគ្មានផលិតកម្មជួយគាំទ្រទៅដល់រូបលោកទើបធ្វើអោយរូបលោកគ្មានភាពកក់ក្តៅជាមួយនឹងផលិតកម្មដែលខ្លួនកំពុងច្រកកោនតទៅទៀត ។
គួរបញ្ជាក់ផងដែរថា បើយាងតាមការបង្ហោះរបស់ផលិតកម្មថោនកាលពីថ្ងៃទី២៤ ខែសីហា ឆ្នាំ២០២០នេះថា រវាងកុងត្រារបស់ផលិតកម្មជាមួយនឹងតារាចម្រៀងលោក ខេម នៅតែមានជាមួយគ្នារហូតដល់ចុងដល់ខែធ្នូ ឆ្នាំ ២០២០ ទើបចប់កុងត្រា ៕
ចែករំលែកព័តមាននេះ