គូឡាឡាំពួ ៖ ចាត់ទុកជាស្ថានការណ៍វិវត្តទៅមុខល្អប្រសើរ ក្រោយពីប្រទេសម៉ាឡេស៊ីថ្មីៗនេះបានសម្រេចថា ជនបរទេសទាំងអស់ រួមទាំងពលរដ្ឋកម្ពុជាដែលបានចាកចេញ ពីប្រទេសម៉ាឡេស៊ី ក្នុងអំឡុងពេលនៃការអនុវត្តបទបញ្ជាត្រួតពិនិត្យការធ្វើដំណើរ (Movement Control…
គូឡាឡាំពួ ៖ ចាត់ទុកជាស្ថានការណ៍វិវត្តទៅមុខល្អប្រសើរ ក្រោយពីប្រទេសម៉ាឡេស៊ីថ្មីៗនេះបានសម្រេចថា ជនបរទេសទាំងអស់ រួមទាំងពលរដ្ឋកម្ពុជាដែលបានចាកចេញ ពីប្រទេសម៉ាឡេស៊ី ក្នុងអំឡុងពេលនៃការអនុវត្តបទបញ្ជាត្រួតពិនិត្យការធ្វើដំណើរ (Movement Control Order) ចាប់តាំងពីថ្ងៃទី១៨ ខែមីនា ឆ្នាំ២០២០ ហើយមានបំណងវិលត្រឡប់មកប្រទេសម៉ាឡេស៊ីវិញ ត្រូវស្នើសុំការអនុញ្ញាតជាមុនពីនាយកដ្ឋានអន្តោប្រវេសន៍ម៉ាឡេស៊ី ។
ស្ថានឯកអគ្គរាជទូតកម្ពុជាប្រចាំប្រទេសម៉ាឡេស៊ី យោងតាមកំណត់ទូតលេខ KLN 47/2020 ចុះថ្ងៃទី ១៦ ខែ សីហា ឆ្នាំ ២០២០ របស់ក្រសួងការបរទេសម៉ាឡេស៊ី សូមជូនដំណឹងថា ប្រជាពលរដ្ឋកម្ពុជាដែលមានទីលំនៅអចិន្ត្រៃយ៍ ឬបណ្តោះអាសន្ននៅក្នុងប្រទេសម៉ាឡេស៊ីជ្រាបថា ជនបរទេសទាំងអស់ រួមទាំងពលរដ្ឋកម្ពុជាដែលបានចាកចេញ ពីប្រទេសម៉ាឡេស៊ី ក្នុងអំឡុងពេលនៃការអនុវត្តបទបញ្ជាត្រួតពិនិត្យការធ្វើដំណើរ (Movement Control Order) ចាប់តាំងពីថ្ងៃទី ១៨ ខែមីនា ឆ្នាំ២០២០ ហើយមានបំណងវិលត្រឡប់មកប្រទេសម៉ាឡេស៊ីវិញ ត្រូវស្នើសុំការអនុញ្ញាតជាមុន ពីនាយកដ្ឋានអន្តោប្រវេសន៍ម៉ាឡេស៊ី។
សេចក្តីប្រកាស ថ្ងៃទី ២៤ ខែ សីហា ឆ្នាំ ២០២០ បានបន្តថា ដើម្បីទទួលបានលិខិតអនុញ្ញាតចូលប្រទេសម៉ាឡេស៊ី ពីនាយដ្ឋានអន្តោប្រវេសន៍ និងការបំពេញលក្ខខណ្ឌផ្សេងៗទៀត ដែលតម្រូវដោយរដ្ឋាភិបាលម៉ាឡេស៊ី ដូចនេះសូមបងប្អូនធ្វើការទំនាក់ទំនងជាមុនជាមួយស្ថានទូតម៉ាឡេស៊ី នៅទីក្រុងភ្នំពេញ ៕
ចែករំលែកព័តមាននេះ