Paul Pogba ត្រៀមបើកការចរចាលើកុងត្រាថ្មីជាមួយ Man United
អង់គ្លេស ៖ លោក Mino Raiola ភ្នាក់ងាររបស់ Paul Pogba បាននិយាយថា ខ្សែបម្រើជម្រើសជាតិបារាំងរូបនេះ…
អង់គ្លេស ៖ លោក Mino Raiola ភ្នាក់ងាររបស់ Paul Pogba បាននិយាយថា ខ្សែបម្រើជម្រើសជាតិបារាំងរូបនេះ…
អង់គ្លេស ៖ លោក Mino Raiola ភ្នាក់ងាររបស់ Paul Pogba បាននិយាយថា ខ្សែបម្រើជម្រើសជាតិបារាំងរូបនេះ នឹងមិនត្រូវដាក់លក់ដោយក្រុម Manchester United នៅទីផ្សារដោះដូរកីឡាកររដូវក្តៅនេះទេ ហើយការពិភាក្សាអំពីកិច្ចសន្យាថ្មីនឹងកើតឡើងក្នុងពេលឆាប់ៗនេះ។
ម្ចាស់ជើងឯកពានរង្វាន់បាល់ទាត់ពិភពលោករូបនេះ បានស៊ូទ្រាំនឹងរដូវកាល ២០១៩-២០ ដ៏លំបាកដោយសារបញ្ហារបួស ប៉ុន្តែបានរួមចំណែកយ៉ាងសំខាន់ក្នុងការជួយក្រុមរបស់លោក Ole Gunnar Solskjear ឱ្យបញ្ចប់ទៅនៅចំណាត់ថ្នាក់លេខ៣ នៅក្របខណ្ឌ Premier League ។
លោក Mino Raiola បាននិយាយថា United នឹងមិនទទួលយកការដេញថ្លៃណាមួយ សម្រាប់កីឡាកររូបនេះនៅរដូវក្តៅនេះទេ។ ដោយលោកបានថ្លែងប្រាប់ Sky Sports យ៉ាងដូច្នេះថា «Pogba គឺជាកីឡាករសំខាន់សម្រាប់ Man United ។ ពួកគេមានកំពុងមានគម្រោងសំខាន់ ហើយគេបានរួមបញ្ចូល ១០០% ផងដែរ។ Man United នឹងមិនទទួលយកការដេញថ្លៃណាមួយដើម្បីលក់ Pogba ឡើយ។ យើងនឹងនិយាយអំពីកិច្ចសន្យាថ្មី ក្នុងពេលឆាប់ៗ ដោយគ្មានភាពតានតឹងឡើយ»។
ជម្រាបជូនថា កិច្ចសន្យាបច្ចុប្បន្នរបស់ Pogba នឹងដំណើរការរហូតដល់រដូវក្តៅឆ្នាំក្រោយ ខណៈកាលពីខែមិថុនាកន្លងទៅកីឡាកររូបនេះ បានបង្ហាញពីបំណងប្រាថ្នារបស់ខ្លួន ក្នុងការឈ្នះពានរង្វាន់ជាច្រើនទៀតនៅ Old Trafford៕
ចែករំលែកព័តមាននេះ