ប្រទេសជប៉ុន ៖ នាយករដ្ឋមន្ត្រីជប៉ុនលោកស៊ីនហ្សអាបេថ្លែងនាថ្ងៃទី២៤សីហាថា លោកបានធ្វើតេស្តនានា ក្នុងមន្ទីរពទ្យមួយនៃក្រុងតូក្យូ ជាលើកទី២ក្នុងអំឡុងពេល៨ថ្ងៃ បែបនេះនាំឲ្យមានពាក្យចចាមអារ៉ាមនានា លើភាពធ្ងន់ធ្ងរនៃបញ្ហាសុខភាពរបស់លោក។ នៅមុខបណ្ដាសារព័ត៌មានពេលវិលត្រឡប់មកកាន់និវេសនដ្ឋានផ្លូវការរបស់លោកវិញ ក្រោយស្ថិតក្នុងមន្ទីរពេទ្យច្រើនម៉ោង…
ប្រទេសជប៉ុន ៖ នាយករដ្ឋមន្ត្រីជប៉ុនលោកស៊ីនហ្សអាបេថ្លែងនាថ្ងៃទី២៤សីហាថា លោកបានធ្វើតេស្តនានា ក្នុងមន្ទីរពទ្យមួយនៃក្រុងតូក្យូ ជាលើកទី២ក្នុងអំឡុងពេល៨ថ្ងៃ បែបនេះនាំឲ្យមានពាក្យចចាមអារ៉ាមនានា លើភាពធ្ងន់ធ្ងរនៃបញ្ហាសុខភាពរបស់លោក។
នៅមុខបណ្ដាសារព័ត៌មានពេលវិលត្រឡប់មកកាន់និវេសនដ្ឋានផ្លូវការរបស់លោកវិញ ក្រោយស្ថិតក្នុងមន្ទីរពេទ្យច្រើនម៉ោង លោកអាបេថ្លែងថា ដោយព្យាបាលសុខភាពរបស់ខ្ញុំ ខ្ញុំចង់បន្តការងារដែលធ្ងន់ធ្ងរសម្រាប់ប្រទេស។ ពេលនេះខ្ញុំទទួលបានលទ្ធផលលម្អិតពីបណ្ដាការវិភាគនានាកាលពីសប្ដាហ៍មុន ហើយខ្ញុំត្រូវធ្វើតេស្តនានាបន្តទៀត។ លោកសន្យាផ្ដល់ការបញ្ជាក់នានាលើស្ថានភាពសុខភាពរបស់លោកនាឱកាសក្រោយទៀត។
មុននេះទូរទស្សន៍ជប៉ុនNIPPON TVដែលដកស្រង់ប្រភពជិតដិតនឹងគណបក្សលោកអាបេ គឹគណបក្សសេរីប្រជាធិបតេយ្យអះអាងថា លោកអាបេទទួលការព្យាបាលកាលពីថ្ងៃទី១៧សីហាកន្លងទៅនូវជំងឹមួយ ដែលលោកធ្លាប់កើតរួចហើយកាលពីពេលមុន។
ចំណែកកាសែតជប៉ុនមួយអះអាងនាពេលថ្មីៗនេះថា លោកអាបេធ្លាប់ក្អកធ្លាក់ឈាម កាលពីដើមខែកក្កដា ហើយបណ្ដាសារព័ត៌មានជប៉ុនក៏រាយការណ៍ដែរថា លោកមិនបានធ្វើសន្និសីទសារព័ត៌មានធំដុំណាមួយឡើយ ចាប់តាំងពីច្រើនសប្ដាហ៍មកហើយ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ