ប្រទេសកូរ៉េខាងត្បូង ៖ យោងតាម YONHAP ថា រដ្ឋធានីកូរ៉េខាងត្បូងក្រុងសេអ៊ូល តម្រូវឲ្យពាក់ម៉ាសការពារជាកាតព្វកិច្ច ចាប់ពីថ្ងៃទី២៤ សីហាតទៅ ក្នុងក្របខណ្ឌនៃបណ្ដាការខិតខំប្រឹងប្រែងចុងក្រោយនានា…
ប្រទេសកូរ៉េខាងត្បូង ៖ យោងតាម YONHAP ថា រដ្ឋធានីកូរ៉េខាងត្បូងក្រុងសេអ៊ូល តម្រូវឲ្យពាក់ម៉ាសការពារជាកាតព្វកិច្ច ចាប់ពីថ្ងៃទី២៤ សីហាតទៅ ក្នុងក្របខណ្ឌនៃបណ្ដាការខិតខំប្រឹង
ប្រែងចុងក្រោយនានា ដើម្បីទប់ការឆ្លងរាលដាលនៃវីរុស COVID-19 ក្នុងល្បឿនដ៏លឿនក្នុងតំបន់ក្រុងសអ៊ូល ។
យោងតាមសាលាក្រុងសេអ៊ូលថា ចាប់ពីពេលនេះទៅគ្រប់គ្នានៅក្រុងសេអ៊ូលត្រូវតែពាក់ម៉ាស ទាំងនៅខាងក្នុងទាំងនៅខាងក្រៅបណ្ដាទីតាំងដែលមានមនុស្សច្រើនកុះករ លើកលែងតែពេលបរិភោគអាហារ ។ មុននេះក្រុងសេអ៊ូលបានបញ្ជាឲ្យប្រជាជនពាក់ម៉ាសការពារក្នុងផ្នែកដឹកជញ្ជូនរួម តាំងពីពាក់កណ្ដាលខែឧសភាមក ពេលប្រទេសប្រឈមមុខនឹងការកើនឡើងនៃចំនួនអ្នកឆ្លងវីរុសក្នុងបណ្ដាបារ និងក្លឹបរាត្រីនៃរដ្ឋធានីមក ។
លោក SEO JEONG HYUP អភិបាលស្ដីទីក្រុងសេអ៊ូលថ្លែងកាលពីថ្ងៃទី២៣ សីហាថា តាមរយៈវិធានការនេះ យើងចង់ឲ្យប្រជាជនក្រុងសេអ៊ូលនាំគ្នាពាក់ម៉ាស ដែលជាមូលដ្ឋាននៃចត្តាឡី
ស័កក្នុងជីវភាពរស់នៅប្រចាំថ្ងៃ និងជាកិច្ចសន្យាសង្គមមួយ ។
ការតម្រូវឲ្យពាក់ម៉ាសកើតមានខណៈដែលការឆ្លងវីរុសក្នុងក្រុងសេអ៊ូល មានការកើនឡើង ដោយសារការចម្លងទាក់ទិនជាមួយបណ្ដាព្រះវិហារប្រូតេស្តង់និងការឆ្លងតៗគ្នា ។ ក្រុងសេអ៊ូលរកឃើញអ្នកឆ្លងវីរុសថ្មីដល់ជាង១.០០០នាក់ ក្នុងដំណាក់កាលពីថ្ងៃទី១៥មក២២ សីហា ខណៈអ្នកឆ្លង១.៨០០នាក់ត្រូវបានរាយការណ៍ក្នុងរដ្ឋធានី រវាងថ្ងៃទី២០ មករា ជាថ្ងៃដែលប្រទេសរក
ឃើញអ្នកឆ្លងវីរុសនិងថ្ងៃទី១៤ សីហា ។
ចំណែកអង្គការសុខភាពពិភពលោក WHO វិញ កាលពីថ្ងៃទី២៣ សីហា វាយតម្លៃថា បណ្ដាកុមារមានអាយុចាប់ពី១២ឆ្នាំឡើងទៅត្រូវពាក់ម៉ាស ដើម្បីជួយក្នុងការតស៊ូប្រឆាំងការឆ្លងរាល
ដាលនៃវីរុស COVID-19 ក្នុងលក្ខខណ្ឌដូចគ្នានឹងមនុស្សពេញវ័យ ។
ក្នុងសេចក្ដីប្រកាសរួមគ្នាមួយ WHO និងអង្គការយូនីសេហ្វសរសេរថា កុមារៗដែលមានអាយុចាប់ពី១២ឆ្នាំឡើងទៅ ត្រូវពាក់ម៉ាសពេលគម្លាតសង្គមចន្លោះគ្នា១ម៉ែត្រមិនអាចធានាបាន និងពេលពួកគេស្ថិតក្នុងតំបន់មួយ ដែលរងការប៉ះពាល់ដោយសារវីរុស ៕ ដកស្រង់ចេញពីវេបសាយ ៖ yna (កែសម្រួលដោយ ៖ បុប្ផា)
ចែករំលែកព័តមាននេះ