ពពួកសត្វស្វានៅតំបន់ឧទ្យានជាតិកែប ពិតជាកាចសាហា.វមែនឬ?
- កែប
ខេត្តកំពត ៖ បើតាមស្ត្រីម្នាក់ឈ្មោះញ៉ែត សាមៀត ត្រូវជាកូនស្រីរបស់លោកយាយគុល ម៉ូន អាយុ៨៤ឆាំ្ន ដែលត្រូវបានសត្វស្វាខាំរងរបួសបានឱ្យដឹងថា បាននិយាយ កាលពីព្រឹកថ្ងៃទី២៤…
ខេត្តកំពត ៖ បើតាមស្ត្រីម្នាក់ឈ្មោះញ៉ែត សាមៀត ត្រូវជាកូនស្រីរបស់លោកយាយគុល ម៉ូន អាយុ៨៤ឆាំ្ន ដែលត្រូវបានសត្វស្វាខាំរងរបួសបានឱ្យដឹងថា បាននិយាយ កាលពីព្រឹកថ្ងៃទី២៤…
ខេត្តកំពត ៖ បើតាមស្ត្រីម្នាក់ឈ្មោះញ៉ែត សាមៀត ត្រូវជាកូនស្រីរបស់លោកយាយគុល ម៉ូន អាយុ៨៤ឆាំ្ន ដែលត្រូវបានសត្វស្វាខាំរងរបួសបានឱ្យដឹងថា បាននិយាយ កាលពីព្រឹកថ្ងៃទី២៤ សីហា នេះថា គាត់មិនហ៊ានទុកឱ្យយាយនៅម្នាក់ឯងទេ ព្រោះសត្វស្វានៅក្នុងព្រៃឧស្យានជាតិកែបនេះ ពិតជាសាហាវណាស់ វាតែងតែវាចុះមកពីក្នុងព្រៃឧស្យានជាតិកែប ស្វែងរកចំណីស៊ីហើយប៉ះមនុស្ស គឺវាខាំហើយ ។
ជាក់ស្តែង ស្ត្រីខាងលើបានបង្ហាញកន្លែងស្វាខាំថា ខ្លួនគាត់ក៏ទទួលរងសត្វស្វាខាំដែរ និងនគរបាលម្នាក់ក៏ត្រូវទទួលរងរបួសដោយសត្វស្វាខាំដែរ ទើបភ័យខ្លាចស្វាខាំម្ដាយចាស់ នាំគាត់មកនៅជាមួយជិតឆ្នេរសមុទ្រ។
លោកជុន ឆក នាយរងផ្នែកការិយាល័យនគរបាលអន្តរាគមន៍ស្នងការដ្ឋាននគរបាលខេត្តកែបបាននិយាយប្រាប់អោយដឹងដែរថា លោកទូច ថុង ជានគរបាលមកពីស្នងការខេត្តកែប ត្រូវបានមេចាត់តាំងអោយមកយាមសាលាខេត្តកែប ប៉ុន្តែត្រូវបានសត្វស្វាខាំអោយរងរបួសត្រង់ជើងកាលពីខែមុន ។
លោកជុន ឆក និយាយថា នគរបាលរងរបួសដោយសត្វស្វាខាំនោះ មិនបានធ្វើអីសត្វស្វានោះទេ គ្រាន់តែដេញវាអោយចេញពីបរិវេណសាលាខេត្ត ស្រាប់តែស្វានោះចុះមកខាំតែម្ដង ។ លោកនិយាយថា លោកនគរបាលដែលស្វាខាំរូបនោះ រហូតមកដល់ពេលនេះមិនទាន់ត្រឡប់មកធ្វើការវិញទេ ព្រោះត្រង់ស្វាខាំបានហើមធំ។
លោកកែវ ហុង ប្រធានមន្ទីរហិរញ្ញាវត្ថុខេត្តកែបបានប្រាប់អោយដឹង កាលពីព្រឹកថ្ងៃទី២៤ សីហា នេះថា សត្វស្វាចុះមកពីឧស្យានជាតិនៅតែបន្តអុកឡុក ហើយនៅព្រឹកថ្ងៃនេះ ពួកស្វាបានចុះមកកកាយនៅក្នុងបន្ទប់ការិយាល័យមន្ត្រីរបស់លោកកំពង់ធ្វើការ។
លោកបានប្រាប់ទៅក្រុមមន្ត្រីរបស់ខ្លួនថា កុំអោយធ្វើបាបវា ប៉ុន្តែត្រូវមានការប្រុង
ប្រយត្ន័ ។លោកស្រីទិត្យ សុខា អភិបាលក្រុងកែប ធ្លាប់បាននិយាយប្រាប់អ្នកយកព័ត៌មានម្ដងហើយ ពាក់ពន្ធ័រឿងស្វាចូលអុកឡុកពលរដ្ឋរស់នៅតាមភ្នំ ហើយក៏មិនដឹងមានចំនួនប៉ុន្មានក្បាលដែរ ព្រោះស្វាខ្លះងាប់ដោយខ្សែភ្លើងឆក់ ។
ព័ត៌មានបន្ថែម កោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ