បងស្រីលោកត្រាំថា ប្អូនគាត់គឺជាមនុស្សកុហក និងឃោរឃៅ
អាមេរិក ៖ បងស្រីរបស់ប្រធានាធិបតីអាមេរិក លោកដូណាល់ ត្រាំ បានពណ៌នាលោកត្រាំ ថា ជាមនុស្សឃោរឃៅ និងជាមនុស្សកុហក ខ្វះគោលការណ៍…
អាមេរិក ៖ បងស្រីរបស់ប្រធានាធិបតីអាមេរិក លោកដូណាល់ ត្រាំ បានពណ៌នាលោកត្រាំ ថា ជាមនុស្សឃោរឃៅ និងជាមនុស្សកុហក ខ្វះគោលការណ៍ ដែលមានន័យថា លោកជាមនុស្សមិនអាចជឿទុកចិត្តបាន។
លើកនេះ វាមិនមែនជាការវាយប្រហារពីសំណាក់អ្នកដទៃនោះទេ តែវាជាការវាយប្រហារពីសំណាក់បងស្រីរបស់ខ្លួនទៅវិញ។
លោកស្រី Maryanne Trump Barry អតីតចៅក្រមសហព័ន្ធ និងជាបងស្រីរបស់លោក Donald Trump បានស្តីបន្ទោសប្អូនប្រុសរបស់លោកស្រី ចំពោះគោលនយោបាយអន្តោប្រវេសន៍របស់លោក ដែលបានឃើញក្មេងៗបែកចេញពីឪពុកម្តាយរបស់ពួកគេនៅឯព្រំដែន ហើយត្រូវបានបញ្ជូនទៅមណ្ឌលឃុំឃាំង។
លោកស្រីបាននិយាយនៅក្នុងការថតសម្លេងដែលកាសែត Washington Post ទទួលបានថា៖ «អ្វីដែលគាត់ចង់ធ្វើ គឺគ្រាន់តែសម្រាប់ខ្លួនគាត់ប៉ុណ្ណោះ។ គាត់គ្មានគោលការណ៍ទេ។ វាជាការបង្ហោះសារ Twitter កុហកតែប៉ុណ្ណោះ ព្រះជាម្ចាស់អើយ!»។
ការថតសម្លេងនេះត្រូវបានធ្វើឡើងជាការសម្ងាត់ ដោយក្មួយស្រីរបស់ប្រធានាធិបតី លោកស្រី Marry Trump ដែលបានចុះផ្សាយកាលពីខែមុន នូវកម្រងអនុស្សាវរីយ៍ឈ្មោះថា “Toxic Family”។
ការថតសម្លេងក៏បានលើកឡើងថា លោកប្រធានាធិបតីធ្លាប់ជួលគេឱ្យប្រឡងចូលរៀនមហាវិទ្យាល័យជំនួសផងដែរ។
ជាការឆ្លើយតបសេតវិមានបានចេញសេចក្តីថ្លែងការណ៍មួយទៅកាន់បណ្តាញសារព័ត៌មានអាមេរិកពីលោក Trump ដែលបាននិយាយថា៖ «រាល់ថ្ងៃនេះ ខ្ញុំមានអ្វីត្រូវខ្វល់ច្រើនជាងនេះ។ ខ្ញុំនឹកប្អូនប្រុសរបស់ខ្ញុំ ហើយខ្ញុំនឹងបន្តធ្វើការឱ្យខ្លាំងជាងនេះសម្រាប់ប្រជាជនអាមេរិក»៕ ដកស្រង់ចេញពីវេបសាយ ៖ bangkokpost (កែសម្រួលដោយ ៖ បុប្ផា)
ចែករំលែកព័តមាននេះ