ខេត្តព្រះសីហនុ ៖ យោងតាមប្រភពពីលោកឧត្តមសេនីយ៍ត្រីប៊ូ សុធី ស្នងការរងទទួលផែនបង្ការនិងពន្លត់អគ្គីភ័យនៃស្នងការដ្ឋាននគរបាលខេត្តព្រះសីហនុបានឲ្យដឹងថា កាលពីវេលាម៉ោង១២និង៣០នាទីរំលងអធ្រាត្រឈានចូលថ្ងៃទី២៤ ខែសីហា ឆ្នាំ២០២០ មានករណីអគ្គីភ័យឆាបឆេះផ្ទះប្រជាពលរដ្ឋចំនួន៤ខ្នង ស្ថិតនៅក្រុមទី១២…
ខេត្តព្រះសីហនុ ៖ យោងតាមប្រភពពីលោកឧត្តមសេនីយ៍ត្រីប៊ូ សុធី ស្នងការរងទទួលផែនបង្ការនិងពន្លត់អគ្គីភ័យនៃស្នងការដ្ឋាននគរបាលខេត្តព្រះសីហនុបានឲ្យដឹងថា កាលពីវេលាម៉ោង១២និង៣០នាទីរំលងអធ្រាត្រឈានចូលថ្ងៃទី២៤ ខែសីហា ឆ្នាំ២០២០ មានករណីអគ្គីភ័យឆាបឆេះផ្ទះប្រជាពលរដ្ឋចំនួន៤ខ្នង ស្ថិតនៅក្រុមទី១២ ភូមិ៣ សង្កាត់លេខ៣ ក្រុងព្រះសីហនុ ខេត្តព្រះសីហនុ ។
ម្ចាស់ផ្ទះរងគ្រោះខាងលើរួមមាន ម្ចាស់ផ្ទះទី១-ឈ្មោះ ប៉ាត អៀរ ភេទស្រី អាយុ៤៥ឆ្នាំ មុខរបរ អ្នកអនាម័យ បានរងការខូចខាតសម្ភារដូចជា ម៉ូតូចំនួន៤គ្រឿង, កុំព្យូទ័រ១ គ្រឿង និងខូចខាតសំម្ភារះប្រើប្រាស់មួយចំនួនទៀត ។ ម្ចាស់ផ្ទះទី២-ឈ្មោះ ហូន សុជាតិ ភេទប្រុស អាយុ៥១ឆ្នាំ មុខរបរជាងទូក ខូចខាតជញ្ជាំង១០% ។ ម្ចាស់ផ្ទះទី៣-ឈ្មោះ ចាន់ ញ៉ែត ភេទស្រី អាយុ៨១ឆ្នាំ មុខរបរនៅផ្ទះ ខូចខាតដំបូល៥០% និងម្ចាស់ផ្ទះទី៤-ឈ្មោះ ទោម សៅ ភេទប្រុស អាយុ៣៤ឆ្នាំ មុខរបរលក់ដូរ ត្រូវអគ្គិភ័យឆាបឆេះផ្ទះអស់ទាំងស្រុង ។
ករណីអគ្គិភ័យខាងលើនេះ គ្រប់គ្រងស្ថានភាពទាំងស្រុង ហើយភ្លើងបានរលត់ទៅវិញនៅវេលាម៉ោង១និង៣០នាទីថ្ងៃដដែល ។ ករណីនេះមិនបណ្តាលអោយមានអ្នករងរបួសឡើយ ចំពោះមូលហេតុ គឺបណ្តាលមកពីឆ្លងចរន្តអគ្គិសនី ។
ក្នុងហេតុការណ៍ខាងលើនេះដែរ រថយន្តពន្លត់អគ្គីភ័យសរុបចំនួន៥គ្រឿងបានចុះមកជួយអន្តរាគមន៍ ដោយប្រើប្រាស់ទឹកសរុបអស់ចំនួន៥រថយន្ត ក្នុងនោះ រថយន្តពន្លត់អគ្គិភ័យរបស់ស្នងការដ្ឋាននគរបាលខេត្តចំនួន២គ្រឿង ប្រើប្រាស់ទឹកអស់ចំនួន២រថយន្ត, រថយន្តពន្លត់អគ្គិភ័យរបស់កំពង់ផែស្វ័យចំនួន១គ្រឿង ប្រើប្រាស់ទឹកអស់១រថយន្ត និងរថយន្តពន្លត់អគ្គិភ័យរបស់កងរាជអាវុធហត្ថខេត្តចំនួន២គ្រឿង ប្រើប្រាស់ទឹកអស់ចំនួន២រថយន្ត ៕ (កែសម្រួលដោយ ៖ ធីតា)
ចែករំលែកព័តមាននេះ