ខេត្តបាត់ដំបង ៖ អាវុធជាច្រើនដើមនិងមានគ្រាប់មួយចំនួនផង ត្រូវបានអ្នកភូមិប្រទះឃើញនៅវេលាម៉ោង៩ព្រឹកថ្ងៃទី២៣ សីហា ពេលកំពុងភ្ជួរដីចំការមួយកន្លែងនៅចំណុចដាពង្រ ស្ថិតក្នុងភូមិបាសាក់ឃុំបាសាក់ ស្រុករុក្ខគិរី តែអាវុធនិងគ្រាប់យុទ្ធភ័ណ្ឌទាំងអស់នោះខូចគុណភាពអស់ទៅហើយ ។…
ខេត្តបាត់ដំបង ៖ អាវុធជាច្រើនដើមនិងមានគ្រាប់មួយចំនួនផង ត្រូវបានអ្នកភូមិប្រទះឃើញនៅវេលាម៉ោង៩ព្រឹកថ្ងៃទី២៣ សីហា ពេលកំពុងភ្ជួរដីចំការមួយកន្លែងនៅចំណុចដាពង្រ ស្ថិតក្នុងភូមិបាសាក់ឃុំបាសាក់ ស្រុករុក្ខគិរី តែអាវុធនិងគ្រាប់យុទ្ធភ័ណ្ឌទាំងអស់នោះខូចគុណភាពអស់ទៅហើយ ។
សេចក្ដីរាយការណ៍បានឱ្យដឹងថា ប្រជាពលរដ្ឋឈ្មោះហ៊ុន ចាន់ ប្រុសអាយុ៦០ឆ្នាំរស់នៅចំណុចខាងលើ ជាអ្នកប្រទះឃើញអាវុធនិងគ្រាប់កាំភ្លើងទាំងនោះ ពេលគាត់កំពុងភ្ជួរដីចម្ការដាំដំឡូងមី។
អាវុធយុទ្ធភ័ណ្ឌទាំងនោះរួមមាន ៖ អាវុធធុនCKC ចំនួន៦ដើមគ្រាប់ចំនួន១០០គ្រាប់, អាវុធធុនM16 ចំនួន០១ដើមមានគ្រាប់ចំនួន១៥០គ្រាប់ និង មានបង់ចំនួន២២បង់ តែអាវុធនិងគ្រាប់ទាំងប៊នេះខូចគុណភាពទាំងអស់។បើតាមម្ចាស់ចំការ លោក ហ៊ិន ចាន់ បានប្រាប់សមត្ថកិច្ចថា គាត់បានប្រទះឃើញអាវុធយុទ្ធភ័ណ្ឌទាំងនេះ នៅពេលគាត់ភ្ជួរដីដាំដំឡូង។
គាត់បានបញ្ជាក់ថា ពេលនោះកាំភ្លើងបានផុសឡើង ហើយពេលគាត់គាស់មើល ស្រាប់តែឃើញមានគ្រាប់ អាវុធជាច្រើនទើបគាត់រាយការទៅសមត្ថកិច្ចឱ្យចុះពិនិត្យតែម្ដង។សមត្ថកិច្ចបាននិយាយដែរថា បើតាមពិនិត្យអាវុធនិងគ្រាប់ទាំងអស់នោះ ត្រូវបានគេកប់នៅក្នុងដីនៅតំបន់នោះតាំងពីសម័យសង្គ្រាម ដូច្នេះហើយ ទើបមានសភាពច្រេះចាប់ខូចខាតទាំងស្រុង។ ក្រោយពីប្រមូលបាន គេបានយកទៅរក្សាទុកនៅប៉ុស្តិ៍រដ្ឋបាលឃុំបាសាក់ ជាបណ្ដោះអាសន្នហើយ៕
ចែករំលែកព័តមាននេះ