ខេត្តឧត្តរមានជ័យ ៖ ក្រុមអាជ្ញាធរថៃបានបញ្ជូនខ្លួនអ្នកទោសម្នាក់ និងពលករម្នាក់យកមកប្រគល់ឱ្យកម្ពុជាវិញកាលពីវេលាម៉ោង២និង៥៥នាទីរសៀលថ្ងៃទី២០ សីហា ឆ្នាំ២០២០ តាមច្រកទ្វារអន្តរជាតិជាំ ស្ថិតនៅក្នុងភូមិជាំ ឃុំត្រពាំងប្រីយ៍ ស្រុកអន្លង់វែង…
ខេត្តឧត្តរមានជ័យ ៖ ក្រុមអាជ្ញាធរថៃបានបញ្ជូនខ្លួនអ្នកទោសម្នាក់ និងពលករម្នាក់យកមកប្រគល់ឱ្យកម្ពុជាវិញកាលពីវេលាម៉ោង២និង៥៥នាទីរសៀលថ្ងៃទី២០ សីហា ឆ្នាំ២០២០ តាមច្រកទ្វារអន្តរជាតិជាំ ស្ថិតនៅក្នុងភូមិជាំ ឃុំត្រពាំងប្រីយ៍ ស្រុកអន្លង់វែង ខេត្តឧត្តរមានជ័យ។
អ្នកទោសខ្មែរម្នាក់និងពលករខ្មែរម្នាក់ដែលក្រុមអាជ្ញាធរថៃបញ្ជូនខ្លួនយកមក ប្រគល់ឱ្យកម្ពុជា ក្នុងនោះម្នាក់ឈ្មោះណាន់ សាយ ភេទប្រុស អាយុ១៩ឆ្នាំ រស់នៅភូមិដុំក្រឡ ឃុំដុំក្រឡ ស្រុកសៀងប៉ាង ខេត្តស្ទឹងត្រែង ជាពលករ និងម្នាក់ទៀតឈ្មោះពេជ្រ យ៉េត ភេទប្រុស អាយុ២០ឆ្នាំ រស់នៅភូមិអូក្រញូង ឃុំត្រពាំងប្រិយ៍ ស្រុកអន្លង់ វែង ខេត្តឧត្ដរមានជ័យ ជាអ្នកទោស ត្រូវអាជ្ញាធរថៃចាប់ខ្លួនកាលពីថ្ងៃទី២៦ កក្កដា ឆ្នាំ២០១៨ ពីបទឆ្លងដែនខុសច្បាប់កាប់ឈើគ្រញូងចូលតាមច្រកចាក់ច្រែង ជាប់ពន្ធនាគារនៅស្រុកខាន់តាឡាក់ ខេត្តស៊ីសាកេត ប្រទេសថៃ។
មន្ត្រីដែលបម្រើការងារនៅច្រកទ្វារអន្តរជាតិជាំបានឱ្យដឹងថា បន្ទាប់ពីបានទទួ លពលករនិងអ្នកទោសរួចមក សមត្ថកិច្ចបានធ្វើការអប់រំ និងឱ្យធ្វើកិច្ចសន្យាបញ្ឈប់ធ្វើដំណើរឆ្លងដែនចូលទៅក្នុងទឹកដីថៃដោយខុសច្បាប់ជាបន្តទៀត ហើយបានឱ្យវិលត្រឡប់ទៅជួបជុំក្រុមគ្រួសារក្នុងថ្ងៃដដែល៕ (កែសម្រួលដោយ ៖ ធីតា)
ចែករំលែកព័តមាននេះ