ព័រទុយហ្គាល់ ៖ ក្រុមយក្សអាល្លឺម៉ង់ Bayern Munich និងត្រូវធ្វើការប្រកួតតទល់គ្នាជាមួយក្រុមអ្នកមានបារាំង PSG វេលាម៉ោង២:០០នាទីរំលងអាធ្រាត្រនៅទឹកដីកណ្តាលក្នុងទីក្រុងលីសបោន ប្រទេសព័រទុយហ្គាល់ ដើម្បីប្រជែងយកតំណែងម្ចាស់ជើងឯក…
ព័រទុយហ្គាល់ ៖ ក្រុមយក្សអាល្លឺម៉ង់ Bayern Munich និងត្រូវធ្វើការប្រកួតតទល់គ្នាជាមួយក្រុមអ្នកមានបារាំង PSG វេលាម៉ោង២:០០នាទីរំលងអាធ្រាត្រនៅទឹកដីកណ្តាលក្នុងទីក្រុងលីសបោន ប្រទេសព័រទុយហ្គាល់ ដើម្បីប្រជែងយកតំណែងម្ចាស់ជើងឯក UEFA Champions League រដូវកាល២០១៩-២០២០។
នៅមុនការប្រកួតដ៏ធំនេះកើតឡើង គ្រូបង្វឹកក្រុម Bayern Munich លោក Hans-Dieter Flick បានថ្លែងឱ្យដឹងថា ក្រុមរបស់លោកនឹងប្រើប្រាស់ទម្រង់លេងវាយសម្រុកដដែល ក្នុងការប្រកួតតទល់ជាមួយក្រុម PSG ដូចកាលការប្រកួតដែលពួកគេបានផ្តួលក្រុម Barcelona និងក្រុម Lyon កាលពីវគ្គមុនៗកន្លងមក។ បើទោះបីជាក្រុមបារាំងនេះ មានកំពូលកីឡាករលំដាប់ពិភពលោក Neymar, Kylian Mbappe និង Angel di Maria ដែលកំពុងសហការគ្នាបានល្អយ៉ាងក៏ដោយ។
ក្រុមអ្នកវិភាគបាល់ទាត់ជាច្រើនបានលើកឡើងពីហានិភ័យខ្ពស់សម្រាប់ Bayern ប្រសិនបើពួកគេនៅតែបន្តលេងវាយសម្រុកទល់នឹងក្រុម PSG បន្ទាប់ពីកាលពីការប្រកួតកន្លងទៅជាមួយ Lyon ដោយប្រើទម្រង់នេះ បានធ្វើឱ្យពួកគេមានចន្លោះប្រហោងជាច្រើននៅតំបន់ការពារ។
គ្រូបង្វឹកជនជាតិអាល្លឺម៉ង់វ័យ ៥៥ឆ្នាំរូបនេះបានបន្តឱ្យដឹងទៀតថា«នៅក្នុងការប្រកួតរបស់យើង ក្នុងរយៈពេល ១០ខែកន្លងមកនេះ យើងតែងតែព្យាយាមប្រើប្រាស់ទម្រង់លេងបែបវាយសម្រុក នៅខ្សែបន្ទាត់ខាងលើ។ ហើយជាលទ្ធផលយើងទទួលបានជោគជ័យ ដូច្នេះយើងនឹងមិនធ្វើការផ្លាស់ច្រើនទេ សម្រាប់ការប្រកួតនេះ (ទល់នឹងក្រុម PSG)»៕ (ដកស្រង់ចេញពី BBC)
ចែករំលែកព័តមាននេះ