ខ្សែបម្រើ Phil Foden របស់ក្រុម Man City និងខ្សែបម្រើប្រយុទ្ធ Jack Grealish របស់ក្រុម Aston Villa កំពុងប្រកួតប្រជែងដើម្បីមានឈ្មោះក្នុងក្រុមសម្រាប់ព្រឹត្តិការណ៍ UEFA Nations League នៅខែក្រោយ។
ក្រៅពីកីឡាករទាំង២នាក់នេះ គេហទំព័រ Sun Sport បានធ្វើការកំណត់អត្តសញ្ញាណកីឡាករវ័យក្មេងចំនួន ៦នាក់ផ្សេងទៀត ដែលជាជម្រើសដ៏ល្អសម្រាប់លោក Southgate និងជាគ្រាប់ពេជ្រនៃអនាគតក្រុមជម្រើសជាតិដែលមានរហស្សនាមថា The Three Lions។ ហើយពួកគេក៏ត្រូវបានរំពឹងថា នឹងធ្វើព្យុះភ្លៀងនៅក្នុងព្រឹត្តិការណ៍ពានរង្វាន់បាល់ទាត់ប្រចាំទ្វីបអឺរ៉ុប (Euro) ឆ្នាំ២០២០ ដែលត្រូវបានពន្យារពេល ទៅរៀបចំនៅរដូវក្តៅឆ្នាំក្រោយផងដែរ។
សមាសភាពកីឡាករវ័យក្មេងអង់គ្លេសទាំង៦នាក់ ដែលកំពុងលេចធ្លោខ្លាំងនាពេលបច្ចុប្បន្នរួមមាន៖ អ្នកចាំទី Dean Henderson និងខ្សែប្រយុទ្ធ Mason Greenwood របស់ក្រុម Man United, ខ្សែបម្រើស្លាប Bukayo Saka របស់ក្រុម Arsenal, ខ្សែការពារ Ben White របស់ក្រុម Brighton, ខ្សែប្រយុទ្ធ Eberechi Eze របស់ក្រុម QPR រួមជាមួយខ្សែបម្រើ Kalvin Phillips របស់ក្រុម Leeds United៕
ចែករំលែកព័តមាននេះ