Arsenal ត្រៀមប្រកាសសមាជិកថ្មី ទើបយកបានពីក្លិបបារាំងនៅសប្តាហ៍ក្រោយ
អង់គ្លេស ៖ យោងតាមបង្ហោះរបស់លោក Fabrizio Romano អ្នកកាសែតកីឡាដ៏ល្បីរបស់គេហទំព័រ The Guardian បានរាយការណ៍ថាក្រុមកាំភ្លើងធំ Arsenal…
អង់គ្លេស ៖ យោងតាមបង្ហោះរបស់លោក Fabrizio Romano អ្នកកាសែតកីឡាដ៏ល្បីរបស់គេហទំព័រ The Guardian បានរាយការណ៍ថាក្រុមកាំភ្លើងធំ Arsenal…
អង់គ្លេស ៖ យោងតាមបង្ហោះរបស់លោក Fabrizio Romano អ្នកកាសែតកីឡាដ៏ល្បីរបស់គេហទំព័រ The Guardian បានរាយការណ៍ថាក្រុមកាំភ្លើងធំ Arsenal បានឈានដល់កិច្ចព្រមព្រៀងជាមួយក្រុមបារាំង Lille កាលពីថ្ងៃសៅរ៍ ដើម្បីចុះហត្ថលេខាលើខ្សែការពារ Gabriel Magalhaes ក្នុងតម្លៃ ៣០លានផោន រួមទាំងប្រាក់រង្វាន់បន្ថែមនៅពេលក្រោយ។
ខ្សែការពារសញ្ជាតិប្រេស៊ីលវ័យ ២២ឆ្នាំរូបនេះ កន្លងមកត្រូវបានគេរាយការណ៍ថា ទទួលបានការចាប់អារម្មណ៏យ៉ាងខ្លាំងពីក្លិប Napoli, Everton, Man City និង Man United មុនពេលដែលរូបគេសម្រេចចិត្តមកចូលរួមជាមួយ Arsenal នៅក្នុងកិច្ចសន្យារយៈពេល ៥ឆ្នាំ ហើយការប្រកាសជាផ្លូវការ អាចនឹងធ្វើឡើងនៅសប្តាហ៍ក្រោយ។
គួររំលឹកជូនថា Gabriel Magalhaes បានផ្លាស់ពីក្លិប Avaí មកចូលរួមជាមួយ Lille កាលពីឆ្នាំ២០១៧ ដោយបានបង្ហាញខ្លួនចំនួន ៣៩ប្រកួត មុនពេលក្លិបនេះឱ្យទៅកាន់ក្លិប Troyes និងក្លិប Dinamo Zagreb ខ្ចីជើងជាបន្តបន្ទាប់។
វាគឺជាលើកទី២ ក្នុងរយៈពេលពីរឆ្នាំជាប់គ្នាដែល Arsenal បានធ្វើជំនួញជាមួយ Lille ។ ខណៈដែលកាលពីទីផ្សារដោះដូរកីឡាកររដូវក្តៅឆ្នាំ២០១៩កន្លងទៅ ក្លិបមានមូលដ្ឋានក្នុងទីក្រុងឡុងដ៍ប្រទេសអង់គ្លេសមួយនេះ ទើបតែបានបំបែកឯតទគ្គកម្មការផ្ទេររបស់ខ្លួន ដើម្បីចុះហត្ថលេខាលើខ្សែបម្រើស្លាប Nicolas Pepe ក្នុងតម្លៃ ៨០លានផោន៕ (រូបភាពពី bleacherreport)
ចែករំលែកព័តមាននេះ