ខេត្តស្ទឹងត្រែង ៖ ភ្ញៀវទេសចរជាតិរួមនឹងភ្ញៀវទេសចរបរទេស ប្រមាណជាជាង២ម៉ឺននាក់បានឆ្លងកាត់មកសម្រាកកំសាន្តនៅតាមបណ្តារមណីយដ្ឋាន ព្រមទាំងសហគមន៍ ដោយមានសុវត្ថិភាពគ្រប់ទីកន្លែង នេះបើតាមរបាយការណ៍ជាក់លាក់របស់មន្ទីរទេសចរណ៍នៃខេត្តស្ទឹងត្រែងរយៈពេល៥ថ្ងៃជាប់គ្នាចាប់តាំងពីថ្ងៃទី១៧ ដល់ថ្ងៃទី២១ សីហា ២០២០។…
ខេត្តស្ទឹងត្រែង ៖ ភ្ញៀវទេសចរជាតិរួមនឹងភ្ញៀវទេសចរបរទេស ប្រមាណជាជាង២ម៉ឺននាក់បានឆ្លងកាត់មកសម្រាកកំសាន្តនៅតាមបណ្តារមណីយដ្ឋាន ព្រមទាំងសហគមន៍ ដោយមានសុវត្ថិភាពគ្រប់ទីកន្លែង នេះបើតាមរបាយការណ៍ជាក់លាក់របស់មន្ទីរទេសចរណ៍នៃខេត្តស្ទឹងត្រែងរយៈពេល៥ថ្ងៃជាប់គ្នាចាប់តាំងពីថ្ងៃទី១៧ ដល់ថ្ងៃទី២១ សីហា ២០២០។
ប្រធានមន្ទីរទេសចរណ៍ខេត្តស្ទឹងត្រែង លោក អ៊ន ប៉ោសឿន បានបញ្ជាក់អោយដឹងថា ចំនួនភ្ញៀវទេសចរដែលមកកំសាន្តក្នុងខេត្តស្ទឹងត្រែងសរុបចំនួន២៦,៤២២នាក់ ក្នុងនោះមានភ្ញៀវបរទេសចំនួន១៣នាក់។
លោកប្រធានបន្តថា ចំនួនភ្ញៀវទេសចរដែលទៅកំសាន្តនៅតាមបណ្តារមណីយដ្ឋាន និងសហគមន៍អេកូទេសចរណ៍មានចំនួន៩៦៨៤នាក់ ក្នុងនោះបរទេស៦នាក់។ ចំណែកភ្ញៀវស្នាក់តាមសណ្ឋាគារ និងផ្ទះសំណាក់មានចំនួន១៦,៧៣៩នាក់។
លោកបន្ថែមទៀតថា ក្នុងចំណោមរមណីយដ្ឋាន និងសហគមន៍អេកូទេសចរណ៍ចំនួន៦កន្លែង សហគមន៍អូរឬស្សីកណ្តាលមានភ្ញៀវទៅកំសាន្តច្រើនជាងគេបំផុតរហូតដល់ទៅ៥,៦៨៩នាក់។
ទាក់ទិនទៅនឹងសណ្តាប់ធ្នាប់សាធារណៈកម្លាំងកងរាជអាវុធហត្ថក្រោមបញ្ជាពីលោកមេបញ្ជាការខេត្ត បានដាក់កម្លាំងចុះល្បាតការពារសន្តិសុខជូនប្រជាពលរដ្ឋគ្រប់ទីកន្លែងដោយសុវត្ថិភាព។ ចំណែកសុវត្ថិភាពផ្នែកចរាចណ៍ពុំមានហេតុការណ៍គ្រោះណាមួយកើតឡើងនោះទេ នេះបើតាមការបញ្ជាក់ពីការិយាល័យចរាចណ៍ជើងគោកនៃស្នងការដ្ឋាននគរបាលខេត្តស្ទឹងត្រែងនាថ្ងៃទី២៣ ខែសីហានេះ។
ដោយឡែកនៅយប់ថ្ងៃទី១៨ សីហា រោងសិប្បកម្មគ្រឿងសង្ហារឹមដ៏ធំមួយកន្លែងស្ថិតនៅភូមិព្រែក សង្កាត់ស្ទឹងត្រែង ក្រុងស្ទឹងត្រែង ត្រូវអគ្គិភ័យឆាបឆេះស្ទើរទាំងស្រុង ខណៈម្ចាស់មិននៅ។ ហើយទ្រុងទ្រាយនៃការខូចខាតនោះគេប៉ាន់ស្មានថា រាប់សែនដុល្លារអាមេរិកឯណោះ ព្រោះគ្រឿងសង្ហារឹមទាំងនោះភាគច្រើនជាខ្នាតយក្ស៕
ចែករំលែកព័តមាននេះ