ឥណ្ឌា ៖ ការសិក្សាមួយដែលត្រូវបានចេញផ្សាយកាលពីថ្ងៃព្រហស្បតិ៍ ទី២០ ខែសីហា បានបង្ហាញថា ជាងមួយភាគបួននៃប្រជាជន២០លាននាក់នៅទីក្រុងញូវដេលី ប្រទេសឥណ្ឌា ប្រហែលជាបានឆ្លងវីរុសនេះដោយមិនបង្ហាញរោគសញ្ញា។ បន្ថែមលើការធ្វើតេស្តរកកូវីដ១៩…
ឥណ្ឌា ៖ ការសិក្សាមួយដែលត្រូវបានចេញផ្សាយកាលពីថ្ងៃព្រហស្បតិ៍ ទី២០ ខែសីហា បានបង្ហាញថា ជាងមួយភាគបួននៃប្រជាជន២០លាននាក់នៅទីក្រុងញូវដេលី ប្រទេសឥណ្ឌា ប្រហែលជាបានឆ្លងវីរុសនេះដោយមិនបង្ហាញរោគសញ្ញា។
បន្ថែមលើការធ្វើតេស្តរកកូវីដ១៩ លើប្រជាជន ១៥,០០០នាក់ មានន័យថា មនុស្ស ៥.៨លាននាក់នៅក្នុងរដ្ឋធានី ដែលមានសភាពអ៊ូអរអាចនឹងឆ្លងវីរុសនេះ ពោលគឺច្រើនជាង ៣៧ដងនៃចំនួនសរុបនៃការឆ្លង ១៥៦,១៣៩ករណី។
ប្រទេសឥណ្ឌា គឺជាប្រទេសដែលទទួលរងគ្រោះធ្ងន់ធ្ងរជាងគេទី៣ បន្ទាប់ពីសហរដ្ឋអាមេរិក និងប្រេស៊ីល។ ក្រសួងសុខាភិបាលបានរាយការណ៍ថា មានការកើនឡើងជារៀងរាល់ថ្ងៃនៃការឆ្លងថ្មីចំនួន ៦៩,៦៥២នាក់ កាលពីថ្ងៃព្រហស្បតិ៍ ដែលសរុបទៅចំនួន ២.៨៤លាននាក់។ ចំនួនអ្នកបាត់បង់ជីវិតថ្មីកើនឡើងដល់ ៩៧៧នាក់ ដែលធ្វើឱ្យចំនួនបាត់បង់ជីវិតសរុប ៥៣,៨៦៦នាក់។
កាលពីថ្ងៃព្រហស្បតិ៍ រដ្ឋមន្ត្រីសុខាភិបាលដេលី លោក Satyendra Jain បាននិយាយថា ការធ្វើតេស្តឈាមលើប្រជាជនចំនួន ១៥,០០០នាក់ដែលបានធ្វើកាលពីដើមខែនេះ បានរកឃើញថា ២៩.១% នៃពួកគេមានលទ្ធផលវិជ្ជមាន។
ទោះយ៉ាងណាអ្នកវិទ្យាសាស្ត្របាននិយាយថា ការធ្វើតេស្ត គួរតែត្រូវបានគេយកចិត្តទុកដាក់ជាងនេះ ព្រោះតែតេស្តនេះក៏អាចច្រលំជាមួយនឹងជំងឺបង្កឡើងដោយ Coronavirus ផ្សេងទៀត ក្រៅពីកូវីដ១៩។
ការស្ទង់មតិស្រដៀងគ្នានេះ ពីខែមិថុនាដល់ខែកក្កដា បាននិយាយថា ២៣% នៃមនុស្សដែលត្រូវបានធ្វើតេស្ត ឆ្លងនៅក្នុងទីក្រុង។ ការស្ទង់មតិនៅតាមបណ្តាទីក្រុងនានានៃប្រទេសឥណ្ឌា ក៏បានលើកឡើងថា មានករណីឆ្លងពិតប្រាកដច្រើនជាង ចំនួនផ្លូវការដែលគេបានប្រកាស៕ ដកស្រង់ចេញពីវេបសាយ ៖ channelnewsasia (កែសម្រួលដោយ ៖ បុប្ផា)
ចែករំលែកព័តមាននេះ