អាមេរិក ៖ ផ្សែងក្រាស់បានគ្របដណ្ដប់តំបន់ធំៗនៃភាគកណ្តាល និងភាគខាងជើងនៃរដ្ឋកាលីហ្វ័រញ៉ា កាលពីថ្ងៃសុក្រ ខណៈដែលមនុស្សកាន់តែច្រើនបានភៀសខ្លួនចេញពីអគ្គិភ័យដ៏ធំបំផុតមួយចំនួននៅក្នុងប្រវត្តិសាស្ត្ររបស់រដ្ឋ ដែលបានឆាបឆេះយ៉ាងខ្លាំងរហូតដល់មួយសប្តាហ៍។ អគ្គិភ័យមួយក្នុងចំណោមអគ្គិភ័យដ៏ធំបំផុត ដែលមានឈ្មោះថា LNU…
អាមេរិក ៖ ផ្សែងក្រាស់បានគ្របដណ្ដប់តំបន់ធំៗនៃភាគកណ្តាល និងភាគខាងជើងនៃរដ្ឋកាលីហ្វ័រញ៉ា កាលពីថ្ងៃសុក្រ ខណៈដែលមនុស្សកាន់តែច្រើនបានភៀសខ្លួនចេញពីអគ្គិភ័យដ៏ធំបំផុតមួយចំនួននៅក្នុងប្រវត្តិសាស្ត្ររបស់រដ្ឋ ដែលបានឆាបឆេះយ៉ាងខ្លាំងរហូតដល់មួយសប្តាហ៍។
អគ្គិភ័យមួយក្នុងចំណោមអគ្គិភ័យដ៏ធំបំផុត ដែលមានឈ្មោះថា LNU Lightning Complex បានឆេះជិត៨៩,០០០ហិកតា បានដុតបំផ្លាញផ្ទះសំបែងជិត៥០០ ហើយបង្ខំឱ្យមានការជម្លៀសមនុស្សរាប់ម៉ឺននាក់។
គិតត្រឹមពាក់កណ្តាលថ្ងៃសុក្រ អគ្គិភ័យដែលបានឆាបឆេះនៅថ្ងៃច័ន្ទ ហើយឥឡូវធំជាងគេទី១០ ក្នុងប្រវត្តិសាស្ត្ររបស់រដ្ឋ គឺនៅសល់ត្រឹមតែ៧%ប៉ុណ្ណោះ។ ក្រុមមន្ត្រីបាននិយាយថា ការបាត់បង់ជីវិតចំនួន៥នាក់ត្រូវបានផ្សារភ្ជាប់ជាមួយនឹងអគ្គិភ័យចុងក្រោយ ដែលបង្កឡើងដោយរន្ទះបាញ់ជាង ១២,០០០ករណី។
សាកសពចំនួន៤ ត្រូវបានគេរកឃើញកាលពីថ្ងៃព្រហស្បតិ៍ ក្នុងនោះមានបីនាក់ពីផ្ទះដែលត្រូវបានឆេះនៅក្នុងតំបន់ជនបទនៃតំបន់ Napa ។
មន្ត្រីពន្លត់អគ្គីភ័យបាននិយាយថា រន្ទះបាញ់បានឆាបឆេះអគ្គិភ័យចំនួន៥៦០ ក្នុងមួយសប្តាហ៍កន្លងមក ដែលភាគច្រើននៃអគ្គិភ័យគឺប្រភេទ LNU, SCU និង CZU នៅក្នុងតំបន់ឆកសមុទ្រ។
មនុស្សប្រហែល ១១៩,០០០នាក់ ត្រូវបានជម្លៀសចេញ ដោយមានមនុស្សជាច្រើនកំពុងតស៊ូស្វែងរកទីជំរក និងស្ទាក់ស្ទើរក្នុងការទៅមណ្ឌលដែលបង្កើតឡើងដោយអាជ្ញាធរដោយសារតែហានិភ័យនៃជំងឺកូវីដ១៩៕ ដកស្រង់ចេញពីវេបសាយ ៖ bangkokpost (កែសម្រួលដោយ ៖ បុប្ផា)
ចែករំលែកព័តមាននេះ